ಶ್ರೀನಗರ (ಪಿಟಿಐ): ಜಮ್ಮು-ಕಾಶ್ಮೀರದ ಬೇಸಿಗೆ ರಾಜಧಾನಿ ಶ್ರೀನಗರದಲ್ಲಿ ಶುಕ್ರವಾರದ ರಾತ್ರಿಯು ಈ ಚಳಿಗಾಲದ ಅತ್ಯಂತ ಶೀತ ರಾತ್ರಿಯಾಗಿತ್ತು. ಇಲ್ಲಿ ಮೈನಸ್ 7.8 ಡಿಗ್ರಿ ಸೆಲ್ಸಿ ತಾಪಮಾನ ದಾಖಲಾಗಿತ್ತು.
ಇದರಿಂದ ಕಣಿವೆಯ ಜನಜೀವನ ಅಸ್ತವ್ಯಸ್ತಗೊಂಡಿದೆ. ಶುಕ್ರವಾರ ರಾತ್ರಿ 7.8 ಮೈನಸ್ ಡಿಗ್ರಿ ಸೆಲ್ಸಿಯಸ್ ಕನಿಷ್ಠ ತಾಪಮಾನ ದಾಖಲಾಗಿದ್ದು, ಈ ಹಿಂದಿನ ಅತ್ಯಂತ ಕನಿಷ್ಠ ತಾಪಮಾನ 5.5 ಡಿಗ್ರಿ ಸೆಲ್ಸಿಯಸ್ ಆಗಿತ್ತು ಎಂದು ಹವಾಮಾನ ಇಲಾಖೆ ಅಧಿಕಾರಿಗಳು ಹೇಳಿದ್ದಾರೆ.
ಕಾಶ್ಮೀರ ನಗರದ ಪ್ರವೇಶ ದ್ವಾರದ ಬಳಿ ಮೈನಸ್ 13.6 ಡಿಗ್ರಿ ಸೆಲ್ಸಿಯಸ್ ತಾಪಮಾನ ದಾಖಲಾಯಿತು.
