ಬೆಂಗಳೂರು: ಭಾರತ ಕ್ರೀಡಾ ಪ್ರಾಧಿಕಾರ (ಎಸ್‌ಎಐ) `ಎ~ ತಂಡ ಕೆಎಸ್‌ಎಚ್‌ಎ ಆಶ್ರಯದಲ್ಲಿ ನಡೆಯುತ್ತಿರುವ ಓಜೋನ್ ಗ್ರೂಪ್ ರಾಷ್ಟ್ರೀಯ ಹಾಕಿ ಲೀಗ್ ಚಾಂಪಿಯನ್‌ಷಿಪ್‌ನ ಶುಕ್ರವಾರದ ಪಂದ್ಯದಲ್ಲಿ 1-3ಗೋಲುಗಳಿಂದ ಮದ್ರಾಸ್ ಎಂಜಿನಿಯರಿಂಗ್ ಗ್ರೂಪ್ (ಎಂಇಜಿ) `ಎ~ ಎದುರು ಸೋಲು ಕಂಡಿತು.
ಅಕ್ಕಿ ತಿಮ್ಮನಹಳ್ಳಿ ಹಾಕಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮುತ್ತಣ್ಣ 16ನೇ ನಿಮಿಷದಲ್ಲಿ ಗೋಲಿನ ಖಾತೆ ತೆರೆದರು. ನಂತರ ಬೋಪಣ್ಣ (22ನೇ ನಿ.) ಹಾಗೂ ಪೃಥ್ವಿಶೆಟ್ಟಿ (55ನೇ ನಿ.) ಗೋಲು ತಂದಿಟ್ಟು ಎಸ್‌ಎಐ ತಂಡದ ಗೆಲುವಿಗೆ ಕಾರಣರಾದರು.
ಇನ್ನೊಂದು ಪಂದ್ಯದಲ್ಲಿ ಬಿಪಿಸಿಎಲ್ 2-1ಗೋಲುಗಳಿಂದ ಒಎನ್‌ಜಿಸಿ ಎದುರು ಜಯಿಸಿತು. ವಿಜಯಿ ತಂಡದ ಜರ್ನೈಲ್ ಸಿಂಗ್ ಹಾಗೂ ಅಮಿರ್ ಖಾನ್ ಕ್ರಮವಾಗಿ 47, 68ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿದರು.
