ವಿಜಾಪುರ: ಸಿಂದಗಿ ತಾಲ್ಲೂಕಿನ ಹಳ್ಳಿಯೊಂದರ 45 ವರ್ಷದ ಮಹಿಳೆಯ ಗರ್ಭಕೋಶದಲ್ಲಿ ಬೆಳೆದಿದ್ದ ಭಾರಿ ಗಾತ್ರದ ಗಡ್ಡೆಯನ್ನು ಶಸ್ತ್ರ ಚಿಕಿತ್ಸೆಯ ಮೂಲಕ ಇಲ್ಲಿಯ ಗುರುಕುಲ ರಸ್ತೆಯಲ್ಲಿರುವ ಡಾ.ಕೋಟೆಣ್ಣವರ ಅವರ ದಾನೇಶ್ವರಿ ಆಸ್ಪತ್ರೆಯವರು ಹೊರತೆಗೆದಿದ್ದಾರೆ.
36 ಸೆಂ.ಮೀ. ಉದ್ದಳತೆಯ, 5 ಕೆ.ಜಿ. ತೂಕದ ಈ ಗರ್ಭಕೋಶದ ಗಡ್ಡೆಯನ್ನು ಸುಮಾರು ಎರಡು ಗಂಟೆಗಳ ಕಾಲ ಶಸ್ತ್ರ ಚಿಕಿತ್ಸೆ ನಡೆಸಿ ಹೊರತೆಗೆಯಲಾಯಿತು. ರೋಗಿ ಆರೋಗ್ಯವಾಗಿದ್ದು, ಚೇತರಿಸಿ ಕೊಳ್ಳು ತ್ತಿದ್ದಾರೆ ಎಂದು ವೈದ್ಯರು ಹೇಳಿದ್ದಾರೆ.
ಈ ಶಸ್ತ್ರಚಿಕಿತ್ಸೆಯಲ್ಲಿ ತಜ್ಞ ವೈದ್ಯರಾದ ಡಾ.ಲಕ್ಷ್ಮಣ ರಾಠೋಡ, ಡಾ.ಮಂಜುನಾಥ ಕೋಟೆಣ್ಣವರ, ಡಾ.ರವಿ ಕೋಟೆಣ್ಣವರ, ಅರಿವಳಿಕೆ ತಜ್ಞ ಡಾ.ಪ್ರಶಾಂತ ಕುಲಕರ್ಣಿ ಪಾಲ್ಗೊಂಡಿದ್ದರು ಎಂದು ಆಸ್ಪತ್ರೆಯ ಪ್ರಕಟಣೆ ತಿಳಿಸಿದೆ.