ಗರ್ಭಪಾತ ಜಿಜ್ಞಾಸೆ

ಇನ್ನೊಂದು ಅಂಶವೂ ಇರುವಂತೆ ತೋರುತ್ತದೆ. ಭಾರತದಲ್ಲಿ ಬಹುತೇಕ ಜನರು `ಮತ' ಎಂಬ ಶಬ್ದಕ್ಕೆ `ಜಾತಿ' ಎಂಬ ಅರ್ಥವನ್ನು ಕೊಟ್ಟಿದ್ದಾರೆ. `ಮತ' ಎಂಬುದಕ್ಕೆ ಅನೇಕ ಅರ್ಥಗಳಿವೆಯಾದ್ದರಿಂದ `ರಿಲಿಜನ್' ಶಬ್ದಕ್ಕೆ `ಧರ್ಮ' ಎನ್ನುತ್ತೇವೆ ಎಂದು ವಾದಿಸುವವರೂ ಇದ್ದಾರೆ. ಶಬ್ದಕ್ಕೆ ಸಾಂದರ್ಭಿಕ ಅರ್ಥಗಳೂ ಇರುತ್ತವೆ ಎಂಬುದನ್ನು ಮರೆಯಬಾರದು.

ಸರಳ ಸೂತ್ರದ ಪ್ರಕಾರ, `ಮತ'ಗಳನ್ನು ಮಹಾನ್ ವ್ಯಕ್ತಿಗಳು ಸೂಚಿಸುತ್ತಾರೆ. ಅವರ ಅನುಯಾಯಿಗಳು ಆ ಮಹಾನ್ ವ್ಯಕ್ತಿಯು ಸತ್ತ ನಂತರ (ಬದುಕಿದ್ದರೂ), ಆತನ ಹೆಸರಿನಲ್ಲಿ ಮತಸ್ಥಾಪನೆ ಮಾಡಿ ಆ ಮಹಾನ್ ವ್ಯಕ್ತಿಯನ್ನು ಮತ ಸ್ಥಾಪಕ ಎಂದು ಕರೆಯುತ್ತಾರೆ. ಆದರೆ `ಧರ್ಮ' ಎನ್ನುವುದನ್ನು ಇಂಥ ವ್ಯಕ್ತಿ ಸ್ಥಾಪಿಸಿದರು ಎಂದು ಯಾರೂ ಹೇಳುವುದಿಲ್ಲ.

`ಧರ್ಮ' ಎನ್ನುವುದು ನೀರು, ಗಾಳಿ, ಬಿಸಿಲು ಇರುವ ಹಾಗೆ ಇರುತ್ತದೆ. ಜಗತ್ತಿನಲ್ಲಿ ಜೀವರಾಶಿ ಬದುಕಲು, ಶಾಂತಿಯಿಂದ ಇರಲು ಯಾವ ಮೂಲಭೂತ ತತ್ತ್ವಗಳು ಇವೆಯೋ ಅವೆಲ್ಲದರ ಮೊತ್ತವೇ `ಧರ್ಮ' ಇದು ವಿಶ್ವಕ್ಕೆಲ್ಲವೂ ಸಮಾನವಾದುದು.

ಪ್ರಪಂಚದ ಮತಗಳಲ್ಲಿ `ಮತಾನುಯಾಯಿಗಳು', `ಮತ ನಿಷ್ಠ'ರು ಮತ್ತು `ಮತಾಂಧರು' ಮೂರು ವರ್ಗದವರೂ ಇರುತ್ತಾರೆ. `ಮತಾನುಯಾಯಿಗಳು' ನಿರಪಾಯಕಾರಿಗಳು. ಮತ ನಿಷ್ಠರು ಕೊಂಚ ಅಪಾಯಕಾರಿಗಳು, ಮತಾಂಧರು ಜೀವಕುಲಕ್ಕೇ ಕಂಟಕರು, ಇವರಿಂದ `ಧರ್ಮ'ದ ಹೆಸರಿಗೆ ಕಳಂಕ.