ಚುನಾವಣೆ ವೇಳೆ ಯಾವುದೇ ಅಹಿತಕರ ಘಟನೆ ಜರುಗದಿರಲಿ ಎಂದು ಎಲ್ಲೆಡೆ ಪೊಲೀಸ್‌ ಬಿಗಿ ಬಂದೋಬಸ್ತ್‌ ಮಾಡಲಾಗಿತ್ತು. ಮತದಾನಕ್ಕೆ ಒಕ್ಕಲಿಗರ ಸಂಘದ ಗುರುತಿನ ಚೀಟಿ ಕಡ್ಡಾಯಗೊಳಿಸಲಾಗಿದ್ದರಿಂದ ಅದನ್ನು ಹೊಂದಿದವರಿಗೆ ಮಾತ್ರವೇ ಮತಗಟ್ಟೆ ಕೇಂದ್ರದೊಳಗೆ ಪ್ರವೇಶಿಸಲು ಅವಕಾಶ ನೀಡಲಾಗುತ್ತಿತ್ತು.
ಮತಗಟ್ಟೆ ಕೇಂದ್ರದ ಸುತ್ತಲೂ ಭಾರಿ ಸಂಖ್ಯೆಯಲ್ಲಿ ಅಭ್ಯರ್ಥಿಗಳ ಬೆಂಬಲಿಗರು ಜಮಾಯಿಸಿ ಅಭ್ಯರ್ಥಿಗಳ ಪರ ಪ್ರಚಾರ ನಡೆಸಿದರು. ಕೈಗಳನ್ನು ಮುಗಿದು, ಸಂಜ್ಞಾ ಭಾಷೆ ಮೂಲಕ ಮತಯಾಚಿಸಿದರು. ಬೆಳಿಗ್ಗೆ 8ರಿಂದ ಸಂಜೆ 4ರವರೆಗೆ ನಡೆದ ಮತದಾನ ಪ್ರಕಿ್ರಯೆ ಇತರ ಜನರಿಗೂ ತೀವ್ರ ಕುತೂಹಲ ಕೆರಳಿಸಿತ್ತು. ಮತದಾನದ ಕೊನೆ ಕ್ಷಣದವರೆಗೂ ಮತಗಟ್ಟೆ ಕೇಂದ್ರದ ಸುತ್ತಮುತ್ತ ಜನದಟ್ಟಣೆ ಕಂಡು ಬಂತು.
