`ಜಾಯ್ ಆಫ್ ಗಿವಿಂಗ್~ ಭಾರತದ ಪ್ರಮುಖ ದಾನ ಆಂದೋಲನ. ಇಲ್ಲದವರಿಗೆ ನಮ್ಮಿಂದ ಏನಾದರೂ, ಯಾವುದೇ ರೂಪದಲ್ಲಾದರೂ (ಹಣ, ಸಮಯ, ಕೌಶಲ್ಯ ಇತ್ಯಾದಿ) ಸಹಾಯ ಮಾಡಬೇಕು ಎನ್ನುವ ಮನೋಭಾವ ಬೆಳೆಸಲು, ದಾನಿಗಳಿಗೊಂದು ವೇದಿಕೆ ಕಲ್ಪಿಸಲು ಈ ಆಂದೋಲನ ನಡೆಯುತ್ತದೆ.
ಇದಕ್ಕಾಗಿ ಎಂ ಜಿ ರಸ್ತೆಯಲ್ಲಿನ ತಾಜ್ `ತಾಜ್ ವಿವಂತ~ ಹಲವು ಕಾರ್ಯಕ್ರಮ ಆಯೋಜಿದೆ. ಈ ಪೈಕಿ `ಶ್ಯಾಡೋ ಎ ಷೆಫ್~ನಲ್ಲಿ ಮಾಸ್ಟರ್ ಷೆಫ್ ಸೆಲ್ವರಾಜು ಅವರು ಪಾಕಶಾಸ್ತ್ರದ ಹಲವು ರಹಸ್ಯಗಳನ್ನು ಬಹಿರಂಗ ಮಾಡಲಿದ್ದಾರೆ, `ಫೈನ್ ಚಾಕೊಲೇಟ್ಸ್~ ತಯಾರಿಕೆ, ಇಟಾಲಿಯನ್ ಮಾದರಿಯಲ್ಲಿ ಪಾಸ್ತಾ ಮಾಡುವ ವಿಧಾನಗಳ ಟಿಪ್ಸ್ಗಳನ್ನು ಹಂಚಿಕೊಳ್ಳಲಿದ್ದಾರೆ.
ಇದಕ್ಕಾಗಿ ನಡೆಯುವ ಹರಾಜಿನಲ್ಲಿ ಪ್ರತಿ ವಿಭಾಗದ ಟಾಪ್ 5 ಬಿಡ್ಡರ್ಗಳು ಅಕ್ಟೋಬರ್ 15ರಂದು ಸೆಲ್ವರಾಜು ಅವರೊಂದಿಗೆ ಸಮಯ ಕಳೆಯಲಿದ್ದಾರೆ.
ಹರಾಜು ಪ್ರಕ್ರಿಯೆ ಇಂದಿನಿಂದ ಅಕ್ಟೋಬರ್ 8ರ ವರೆಗೆ www.ebay.in ವೆಬ್ಸೈಟಿನಲ್ಲಿ ನಡೆಯಲಿದೆ. ಇದರಿಂದ ಬರುವ ಎಲ್ಲ ಗಳಿಕೆಯನ್ನು ಅಂಗವಿಕಲ ಮತ್ತು ಬುದ್ಧಿಮಾಂದ್ಯ ಮಕ್ಕಳ ಏಳಿಗೆಗೆ ಶ್ರಮಿಸುತ್ತಿರುವ ಕರ್ನಾಟಕ ಸ್ಪಾಸ್ತಿಕ್ಸ್ ಸೊಸೈಟಿಗೆ ನೀಡಲಾಗುವುದು.