ಹರಾರೆ: ಮೊಹಮ್ಮದ್ ಹಫೀಜ್ ಅವರ ಆಲ್‌ರೌಂಡ್ ಆಟದ ನೆರವಿನಿಂದ ಪಾಕಿಸ್ತಾನ ತಂಡದವರು ಇಲ್ಲಿ ನಡೆದ ಜಿಂಬಾಬ್ವೆ ವಿರುದ್ಧದ ಎರಡನೇ ಟ್ವೆಂಟಿ-20 ಕ್ರಿಕೆಟ್ ಪಂದ್ಯದಲ್ಲಿ ಐದು ರನ್‌ಗಳ ಗೆಲುವು ಸಾಧಿಸಿದರು. ಈ ಮೂಲಕ 2-0ರಲ್ಲಿ ಸರಣಿ ತಮ್ಮದಾಗಿಸಿಕೊಂಡರು.
ಭಾನುವಾರ ನಡೆದ ಎರಡನೇ ಪಂದ್ಯದಲ್ಲಿ 7 ವಿಕೆಟ್ ಕಳೆದುಕೊಂಡು ಪಾಕಿಸ್ತಾನ ಆತಿಥೇಯ ಜಿಂಬಾಬ್ವೆ ತಂಡಕ್ಕೆ 141 ರನ್‌ಗಳ ಗುರಿ ನೀಡಿತ್ತು. 20 ಓವರ್‌ಗಳಲ್ಲಿ 7 ವಿಕೆಟ್ ಕಳೆದುಕೊಂಡು ಜಿಂಬಾಬ್ವೆ 136 ರನ್ ಮಾತ್ರ ಗಳಿಸಿತು.
ಸಂಕ್ಷಿಪ್ತ ಸ್ಕೋರು: ಪಾಕಿಸ್ತಾನ 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 141 (ಮೊಹಮ್ಮದ್ ಹಫೀಜ್ 51, ಉಮರ್ ಅಕ್ಮಲ್ 28; ಕೇಲ್ ಮೆಕ್ಲಮ್ ಜಾರ್ವಿಸ್ 15ಕ್ಕೆ3, ಎಲ್ಟೋನ್ ಚಿಗುಂಬರಾ 28ಕ್ಕೆ1), ಜಿಂಬಾಬ್ವೆ: 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 136 (ಟೆಟೆಂಡಾ ಟೈಬು ಔಟಾಗದೇ 37, ಚಿಗುಂಬರಾ 24; ಜುನೈದ್ ಖಾನ್ 23ಕ್ಕೆ2, ಮೊಹಮ್ಮದ್ ಹಫೀಜ್ 11ಕ್ಕೆ3).
