ಪಾಳುಬಿದ್ದ ಬಿಣಗಾ ಗ್ರಾ.ಪಂ. ಕಟ್ಟಡ

ಮೇಲ್ಛಾವಣಿ ಕುಸಿಯುವ ಹಂತದಲ್ಲಿದೆ. ಕಟ್ಟಡಕ್ಕೆ ಹೊಂದಿಕೊಂಡಂತಿರುವ ಶೌಚಾಲಯ ಕೂಡ ಹಾಳಾಗಿದೆ. ಸಭಾಭವನದ ಒಳಗಡೆ ಪ್ರವೇಶಿಸಿದರೆ ಅಶ್ಲೀಲ ಬರಹಗಳು, ಬೀಡಿ, ಸಿಗರೇಟಿನ ಕಮಟು ವಾಸನೆ  ಉಸಿರುಗಟ್ಟಿಸುತ್ತವೆ. ಮದ್ಯದ ಬಾಟಲಿಗಳು ಕಾಣ ಸಿಗುತ್ತವೆ. ‘ನಗರಸಭೆ ವತಿಯಿಂದ 2–3 ವರ್ಷಗಳ ಹಿಂದೆ ಸಭಾಭವನದ ಅಭಿವೃದ್ಧಿಗೆ ಲಕ್ಷಾಂತರ ರೂಪಾಯಿ ವೆಚ್ಚ ಮಾಡಲಾಗಿದೆ.

ಆದರೆ, ಇಲ್ಲಿ ಯಾವುದೇ ಅಭಿವೃದ್ಧಿ ಕೆಲಸಗಳು ಕಾಣುತ್ತಿಲ್ಲ. ಸಭಾಭವನ ಕೂಡ ಯಾವುದೇ ಉಪಯೋಗಕ್ಕೆ ಬಾರದಾಗಿ ಪಾಳು ಬಿದ್ದಿದೆ. ಕೂಡಲೇ ಇದನ್ನು ದುರಸ್ತಿ ಪಡಿಸಬೇಕು’ ಎಂದು ಸ್ಥಳೀಯ ನಿವಾಸಿ ಸತೀಶ ಒತ್ತಾಯಿಸಿದರು. ‘ಆ.15, ಜನವರಿ 26ರಂದು ಮಾತ್ರ ಈ ಗ್ರಾಮ ಪಂಚಾಯ್ತಿ ಕಚೇರಿ ಬೀಗ ತೆರೆಯಲಾಗುತ್ತದೆ.

ಉಳಿದಂತೆ ಯಾವಾಗಲೂ ಕಟ್ಟಡದ ಬಾಗಿಲು ಬಂದ್ ಆಗಿರುತ್ತದೆ. ಸಭಾಭವನಕ್ಕೆ ಯಾವುದೇ ಬೀಗದ ವ್ಯವಸ್ಥೆ ಕೂಡ ಇಲ್ಲ. ಗ್ರಾಮದ ಅಭಿವೃದ್ಧಿಯ ಮೂಲಸ್ಥಾನವಾಗಿದ್ದ ಗ್ರಾ.ಪಂ. ಕಟ್ಟಡವೇ ಅಭಿವೃದ್ಧಿಗೆ ಕಾದಿದೆ’ ಎಂದು ನಗರಸಭೆ ಸದಸ್ಯ ರಮೇಶ ಗೌಡ ‘ಪ್ರಜಾವಾಣಿ’ಗೆ ತಿಳಿಸಿದರು.