ವ್ಯಾಟಿಕನ್ ಸಿಟಿ (ಎಎಫ್ಪಿ): ಪೋಪ್ `ಬೆನೆಡಿಕ್ಟ್ 16' ತಮ್ಮ ಮೊದಲ ಟ್ವಿಟರ್ ಸಂದೇಶವನ್ನು ಬುಧವಾರ ಹರಿಬಿಡಲಿದ್ದು, ಜಗತ್ತಿನಾದ್ಯಂತ ಸಾವಿರಾರು ಜನ ಈ ಸಂದೇಶ ಸ್ವೀಕರಿಸಲು ಕಾತರದಿಂದ ಕಾಯುತ್ತಿದ್ದಾರೆ.
`ಪಾಂಟಿಫ್ಎಕ್ಸ್' ಹೆಸರಿನಲ್ಲಿ ಟ್ವಿಟರ್ ಖಾತೆ ಆರಂಭಿಸುವುದಾಗಿ ಕಳೆದ ವಾರ ಪೋಪ್ ಹೇಳಿಕೆ ನೀಡಿದ ನಂತರ 6 ಲಕ್ಷ 25 ಸಾವಿರ ಜನ ಇಂಗ್ಲಿಷ್ ಖಾತೆಗೆ ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಫ್ರೆಂಚ್, ಜರ್ಮನ್, ಅರಾಬಿಕ್, ಇಟಾಲಿಯನ್, ಪೋಲಿಷ್, ಪೋರ್ಚುಗೀಸ್ ಮತ್ತು ಸ್ಪಾನಿಷ್ ಖಾತೆಗಳಿಗೂ ಸಾವಿರಾರು ಜನ ಹೆಸರು ನೋಂದಾಯಿಸಿದ್ದಾರೆ.