ನವದೆಹಲಿ (ಪಿಟಿಐ):ಮೊಬೈಲ್ ದೂರವಾಣಿ ವಲಯದಲ್ಲಿ ಖಾಸಗಿ ಕಂಪೆನಿಗಳ ತೀವ್ರ ಸ್ಪರ್ಧೆ, ಸಿಬ್ಬಂದಿ ವೇತನ ಪರಿಷ್ಕರಣೆ ಮತ್ತು ದುಬಾರಿ ತರಂಗಾಂತರ ವೆಚ್ಚದಿಂದ ಸರ್ಕಾರಿ ಸ್ವಾಮ್ಯದ `ಬಿಎಸ್‌ಎನ್‌ಎಲ್' 2011-12ನೇ ಸಾಲಿನ ಹಣಕಾಸು ವರ್ಷದಲ್ಲಿರೂ8,851 ಕೋಟಿ ನಷ್ಟ ಅನುಭವಿಸಿದೆ.
`ಬಿಎಸ್‌ಎನ್‌ಎಲ್, ಮತ್ತು ಎಂಟಿಎನ್‌ಎಲ್ ಒಟ್ಟುರೂ12,960 ಕೋಟಿ ನಷ್ಟ ಅನುಭವಿಸಿವೆ ಎಂದು ಮಾಹಿತಿ ತಂತ್ರಜ್ಞಾನ ಖಾತೆಯ ರಾಜ್ಯ ಸಚಿವ ಮಿಲಿಂದ ದೇವ್ರಾ ಬುಧವಾರ ರಾಜ್ಯಸಭೆಗೆ ತಿಳಿಸಿದ್ದಾರೆ.
ಬಿಎಸ್‌ಎನ್‌ಎಲ್ 2009-10ರಲ್ಲಿರೂ1,823 ಕೋಟಿ, 2010-11ರಲ್ಲಿರೂ 6,384 ಕೋಟಿ ನಷ್ಟ ಅನುಭವಿಸಿತ್ತು. ಎಂಟಿಎನ್‌ಎಲ್ 2011-12ರಲ್ಲಿ ರೂ4,109 ಕೋಟಿ ನಷ್ಟ ಅನುಭವಿಸಿದೆ. ಮೂರನೆಯ ತಲೆಮಾರಿನ ತರಂಗಾಂತರ (3ಜಿ) ಗುಚ್ಛಕ್ಕಾಗಿ `ಬಿಎಸ್‌ಎನ್‌ಎಲ್'ರೂ18,500 ಕೋಟಿ ವ್ಯಯಿಸಿದೆ.
