ಒಯೆನ್ಸ್, ಡೆನ್ಮಾರ್ಕ್ (ಪಿಟಿಐ): ಭಾರತದ ಆನಂದ್ ಪವಾರ್ ಇಲ್ಲಿ ನಡೆಯುತ್ತಿರುವ ಡೆನ್ಮಾರ್ಕ್ ಸೂಪರ್ ಸರಣಿ ಬ್ಯಾಡ್ಮಿಂಟನ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಪ್ರಧಾನ ಹಂತ ಪ್ರವೇಶಿಸಿದರು.
ಮಂಗಳವಾರ ನಡೆದ ಮೊದಲ ಪಂದ್ಯದಲ್ಲಿ ಆನಂದ್ 21-7, 21-7 ರಲ್ಲಿ ರಷ್ಯಾದ ಇವಾನ್ ಸೊಜೊನೊವ್ ವಿರುದ್ಧ ಗೆದ್ದರೆ, ಎರಡನೇ ಪಂದ್ಯದಲ್ಲಿ 21-19, 21-16 ರಲ್ಲಿ ಥಾಯ್ಲೆಂಡ್‌ನ ತನೊಸಾಕ್ ಸೇನ್‌ಸೊಮ್‌ಬೂನ್ಸಕ್ ಅವರನ್ನು ಮಣಿಸಿದರು.
ಲಂಡನ್ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತ ಆಟಗಾರ್ತಿ ಸೈನಾ ನೆಹ್ವಾಲ್ ಅವರು ಬುಧವಾರ ಕಣಕ್ಕಿಳಿಯಲಿದ್ದಾರೆ. ಅವರಿಲ್ಲಿ ಮೂರನೇ ಶ್ರೇಯಾಂಕ ಪಡೆದಿದ್ದಾರೆ. ಸೌರಭ್ ವರ್ಮ, ಅಜಯ್ ಜಯರಾಮ್ ಅವರ ಪಂದ್ಯಗಳು ಕೂಡ ಬುಧವಾರ ನಡೆಯಲಿವೆ.
