ನಾಗಪುರ(ಪಿಟಿಐ): ಮಹಾರಾಷ್ಟ್ರದಲ್ಲಿ ನಡೆದ ಮೊದಲ ಹಂತದ ಲೋಕಸಭೆ ಚುನಾವಣೆಯನ್ನು ವೀಕ್ಷಿಸಲು ಬ್ರಿಟನ್ ಹೈಕಮಿಷನರ್ ಸರ್ ಜೇಮ್ಸ್ ಡೇವಿಡ್ ಬೆವನ್ ಅವರು ಗುರುವಾರ ನಾಗಪುರಕ್ಕೆ ಭೇಟಿ ನೀಡಿದರು.
‘ವಿಶ್ವದ ಬಹುದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರದಲ್ಲಿ ನಡೆಯುವ ಮತದಾನವನ್ನು ಕಣ್ತುಂಬಿಕೊಳ್ಳಲು ನಾನು ಇಲ್ಲಿಗೆ ಬಂದಿದ್ದೇನೆ. ಬ್ರಿಟನ್ ಕೂಡ ಭಾರತದ ಚುನಾವಣಾ ಪ್ರಕ್ರಿಯೆಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದೆ’ ಎಂದು ಭೇಟಿ ಸಂದರ್ಭದಲ್ಲಿ ಜೇಮ್ಸ್ ಹೇಳಿದರು.
