ನ್ಯೂಯಾರ್ಕ್/ಲಂಡನ್(ಐಎಎನ್ಎಸ್): ಮತ್ತೆ `ಉದ್ಯೋಗ ಕಡಿತ' ಆರಂಭವಾಗಿದೆ. `ಸಿಟಿ ಗ್ರೂಪ್' ಶೇ 4ರಷ್ಟು ಮತ್ತು ಬ್ರಿಟಿಷ್ ಏರ್ವೇಸ್ 400 ಸಿಬ್ಬಂದಿಯನ್ನು ಮನೆಗೆ ಕಳುಹಿಸಲು ಸಿದ್ಧತೆ ನಡೆಸಿವೆ.
ಒಟ್ಟು 11 ಸಾವಿರ ನೌಕರಿ ಕಡಿತ ಮಾಡಲಾಗುವುದು. ಇದರಲ್ಲಿ 6200 ಹುದ್ದೆಗಳನ್ನೇ ತೆಗೆದುಹಾಕಲಾಗುತ್ತಿದೆ ಎಂದು `ಸಿಟಿ ಗ್ರೂಪ್' ತಿಳಿಸಿದೆ.
ಅಮೆರಿಕದ ಪ್ರಮುಖ ಬ್ಯಾಂಕ್ ಆಗಿರುವ `ಸಿಟಿಗ್ರೂಪ್' ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (ಸಿಇಒ) ಹುದ್ದೆಯಲ್ಲಿದ್ದ ಭಾರತೀಯ ಮೂಲದ ವಿಕ್ರಂ ಪಂಡಿತ್ ಅವರಿಂದಲೂ ಇತ್ತೀಚೆಗಷ್ಟೇ ರಾಜೀನಾಮೆ ಪಡೆದುಕೊಂಡಿತ್ತು.
ಬ್ರಿಟಿಷ್ ಏರ್ವೇಸ್: ಲಂಡನ್ನಲ್ಲಿ ಪ್ರಧಾನ ಕಚೇರಿ ಹೊಂದಿರುವ `ಬ್ರಿಟಿಷ್ ಏರ್ವೇಸ್' ಹಿರಿಯ ಶ್ರೇಣಿಯಲ್ಲಿರುವ 400 ಸಿಬ್ಬಂದಿಯನ್ನು ಕೆಲಸದಿಂದ ತೆಗೆದುಹಾಕಲು ಮುಂದಾಗಿದೆ. ಈ ಬಗ್ಗೆ ಕಾರ್ಮಿಕ ಸಂಘಟನೆಗಳ ಜತೆಗೂ ಮಾತುಕತೆ ನಡೆಸಲಾಗುತ್ತಿದೆ ಎಂದು ಕಂಪೆನಿ ತಿಳಿಸಿದೆ.