ಮೆಲ್ಬರ್ನ್ (ಪಿಟಿಐ): ವಯಸ್ಸಾದಂತೆ ಮಧುಮೇಹಿಗಳಲ್ಲಿ ಮಾರಕ ಕರುಳು ಕ್ಯಾನ್ಸರ್ ಕಂಡು ಬರುವ ಸಾಧ್ಯತೆ ಇದೆ ಎಂದು ಇತ್ತೀಚೆಗೆ ನಡೆಸಿರುವ ಅಧ್ಯಯನವೊಂದು ಹೇಳಿದೆ.ಪಶ್ಚಿಮ ಆಸ್ಟ್ರೇಲಿಯಾ ವಿಶ್ವವಿದ್ಯಾಲಯದ ಅಧ್ಯಯನಕಾರರು ನಡೆಸಿರುವ ಅಧ್ಯಯನದಿಂದ ಈ ವಿಚಾರ ತಿಳಿದು ಬಂದಿದೆ.
ಟೈಪ್ -2 ಮಧುಮೇಹ ಮತ್ತು ಮಾರಕ ಕರುಳಿನ ಕ್ಯಾನ್ಸರ್ ನಡುವೆ ಗಮನಾರ್ಹ ಸಂಬಂಧವಿರುವುದನ್ನು ಈ ಅಧ್ಯಯನ ಪತ್ತೆ ಹಚ್ಚಿದೆ. 11 ವರ್ಷಗಳ ಕಾಲ ನಡೆಸಿರುವ ಈ ಅಧ್ಯಯನಕ್ಕಾಗಿ ಟೈಪ್-2 ಮಧುಮೇಹದಿಂದ ಬಳಲುತ್ತಿರುವ 1,300 ಮಂದಿಯನ್ನು ತೊಡಗಿಸಿಕೊಳ್ಳಲಾಗಿದೆ.
`ಈ ಅಧ್ಯಯನದ ಫಲಿತಾಂಶವನ್ನು ಗಮನದಲ್ಲಿರಿಸಿಕೊಂಡು, ಟೈಪ್ 2 ಮಧುಮೇಹ ರೋಗಿಗಳಿಗೆ ಚಿಕಿತ್ಸೆ ನೀಡುವಾಗ ಅವರಿಗೆ ವಿಕಿರಣ ತಾಗದಂತೆ ಮುಂಜಾಗ್ರತೆ ವಹಿಸುವುದು ಸೂಕ್ತ~ ಎಂದು ಅಧ್ಯಯನದ ನೇತೃತ್ವ ವಹಿಸಿರುವ ಪ್ರೊ.ಟಿಮ್ ಡೇವಿಸ್ ಹೇಳಿದ್ದಾರೆ.
ಟೈಪ್ 2 ಮಧುಮೇಹದಿಂದ ಬಳಲುತ್ತಿರುವ ಪುರುಷ ಮತ್ತು ಮಹಿಳೆಯರಲ್ಲಿ ಕರುಳು ಕ್ಯಾನ್ಸರ್ ಕಂಡು ಬರುವ ಸಾಧ್ಯತೆ ಇದೆ ಆದರೂ, ಪುರುಷರಲ್ಲಿ ಈ ಪ್ರಮಾಣ ಎರಡರಷ್ಟಿರುತ್ತದೆ ಎಂದು ಅಧ್ಯಯನ ಹೇಳಿದೆ.
`ಕರುಳು ಕ್ಯಾನ್ಸರ್ ಇದೆ ಎಂದು ಆರಂಭದಲ್ಲೇ ತಿಳಿದ ಶೇ 90ರಷ್ಟು ಪ್ರಕರಣಗಳಿಗೆ ಯಶಸ್ವಿಯಾಗಿ ಚಿಕಿತ್ಸೆ ನೀಡಲಾಗಿದೆ~ ಎಂದು ಡೇವಿಸ್ ಹೇಳಿದ್ದಾರೆ.
ಪುಸ್ತಕದಂಗಡಿ ಮುಚ್ಚಿಸಿದ `ಇ- ರೀಡರ್~!
ಲಂಡನ್ (ಪಿಟಿಐ): ಬ್ರಿಟನ್ನಲ್ಲಿ ಕಳೆದ ಆರು ವರ್ಷಗಳಿಂದ 600ಕ್ಕೂ ಹೆಚ್ಚು ಪುಸ್ತಕದಂಗಡಿಗಳ ಬಾಗಿಲು ಮುಚ್ಚಿವೆ. ಇದಕ್ಕೆ ಅಂತರ್ಜಾಲದ ಮೂಲಕ ಓದುವಿಕೆ (ಇ- ರೀಡರ್) ಮತ್ತು ಹೆಚ್ಚಾಗುತ್ತಿರುವ ಸೂಪರ್ ಮಾರ್ಕೆಟ್ ಸಂಸ್ಕೃತಿ ಕಾರಣ ಎಂದು ಸಮೀಕ್ಷೆಯೊಂದು ಹೇಳಿದೆ.