ಅಮೆರಿಕದ ಪೈಲಟ್ ಮೈಕ್ ವ್ಯಾಲೆಸ್ ಅವರ ಜೊತೆಗೂಡಿ ಟಾಟಾ ವಿಮಾನ ಏರುತ್ತಿದ್ದಂತೆ ಪ್ರೇಕ್ಷಕರಿಂದ ಭಾರಿ ಕರತಾಡನ ವ್ಯಕ್ತವಾಯಿತು. ಪ್ರೇಕ್ಷಕರಷ್ಟೇ ಉತ್ಸಾಹದಿಂದ ಅವರು ಸೂಪರ್ ಹಾರ್ನೆಟ್ ಯುದ್ಧ ವಿಮಾನವನ್ನು ಲೀಲಾಜಾಲವಾಗಿ ಹಾರಿಸಿದರು. ಭೋರ್ಗರೆತದ ಶಬ್ದದೊಂದಿಗೆ ಪ್ರತಿಗಂಟೆಗೆ 1,600 ಕಿ.ಮೀ ವೇಗದಲ್ಲಿ ಹಾರುವ ಸಾಮರ್ಥ್ಯ ಇದಕ್ಕಿದೆ. ಬಾನಂಗಳದಲ್ಲಿ ಸ್ವಚ್ಛಂದವಾಗಿ ಮುಕ್ಕಾಲು ಗಂಟೆಯವರೆಗೆ ಹಾರಾಟ ನಡೆಸಿದರು. ಭೂಮಿಯಿಂದ 500 ಮೀಟರ್ ಮತ್ತು 1500 ಮೀಟರ್ ಅಂತರದ ವಾಯುವಲಯದಲ್ಲಿ ಅವರು ಹಾರಾಟ ನಡೆಸಿ ಜನಮನ ಗೆದ್ದರು.
