ರಾಜಕೀಯ ಪಕ್ಷಗಳಿಂದ ಸ್ವಾಗತ...

ರವಿಶಂಕರ ಪ್ರಸಾದ, ಬಿಜೆಪಿ ವಕ್ತಾರ .
ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಅವರು ಕ್ಷಮಾದಾನದ ಅರ್ಜಿಯನ್ನು ತಿರಸ್ಕರಿಸಿದ ಕೂಡಲೇ ಕಾನೂನು ಪ್ರಕಾರ ಅಫ್ಜಲ್‌ಗೆ ಗಲ್ಲಿಗೇರಿಸಲಾಗಿದೆ. ಇದರಲ್ಲಿ ಯಾವುದೇ ರಾಜಕೀಯ ಲೆಕ್ಕಾಚಾರವಿಲ್ಲ -ಮನೀಷ್ ತಿವಾರಿ, ವಾರ್ತಾ ಮತ್ತು ಪ್ರಸಾರ ಸಚಿವ.

ಈ ನೆಲದ ಕಾನೂನಿನ ನಿಯಮಾನುಸಾರ ಕ್ರಮ ಜರುಗಿಸಲಾಗಿದೆ - ಸೀತಾರಾಮ್ ಯೆಚ್ಯೂರಿ, ಸಿಪಿಐಎಂ ಪಾಲಿಟ್‌ಬ್ಯೂರೊ ಸದಸ್ಯ.

ಕೇಂದ್ರದ ಕ್ರಮ ನಿರಾಸೆ ತಂದಿದೆ. ಅಫ್ಜಲ್ ಕ್ಷಮಾದಾನದ ಅರ್ಜಿ ವಿಷಯದಲ್ಲಿ ತೀರ್ಮಾನ ತೆಗೆದುಕೊಳ್ಳುವಾಗ ರಾಜಕೀಯ ಸೂಕ್ಷ್ಮತೆಯನ್ನು ಲೆಕ್ಕಕ್ಕೆ ತೆಗೆದುಕೊಳ್ಳಬೇಕಿತ್ತು -ನಯೀಮ್ ಅಕ್ತರ್, ಪೀಪಲ್ ಡೆಮೊಕ್ರಟಿಕ್ ಪಾರ್ಟಿ (ಪಿಡಿಪಿ) ವಕ್ತಾರ.

ವಿಳಂಬವಾದರೂ ನ್ಯಾಯ ಸಂದಿದೆ -ನಿತೀಶ್ ಕುಮಾರ, ಬಿಹಾರ ಮುಖ್ಯಮಂತ್ರಿ.

ಸಾಕಷ್ಟು ಮುಂಚಿತವಾಗಿಯೇ ಕ್ರಮ ಕೈಗೊಳ್ಳಬೇಕಿತ್ತು - ಮನಮೋಹನ್ ವೈದ್ಯ, ಆರ್‌ಎಸ್‌ಎಸ್ ಮುಖಂಡ.

ನರೇಂದ್ರ ಮೋದಿ ಅವರನ್ನು ಪ್ರಧಾನಿ ಮಾಡಲು ಯತ್ನಿಸುತ್ತಿರುವ ಕೋಮುವಾದಿ ಶಕ್ತಿಗಳನ್ನು ಒಲೈಸಲು ಈ ಕ್ರಮ ಜರುಗಿಸಲಾಗಿದೆ - ದೀಪಾಂಕರ್ ಭಟ್ಟಾಚಾರ್ಯ, ಸಿಪಿಐಎಂಎಲ್ ಪ್ರಧಾನ ಕಾರ್ಯದರ್ಶಿ.

ಗಲ್ಲಿಗೇರಿಸಲು ವಿಳಂಬ ಮಾಡಿರುವ ವಿಷಯವನ್ನೇ ದೊಡ್ಡದು ಮಾಡುವುದು ಸರಿಯಲ್ಲ - ದಿಗ್ವಿಜಯ್ ಸಿಂಗ್

ಇದು ಉತ್ತಮ ನಿರ್ಧಾರ. ಆದರೆ, ಇದು ಸಾಕಷ್ಟು ಹಿಂದೆಯೇ ಮಾಡಬೇಕಿತ್ತು. ಈ ಕ್ರಮದಿಂದ ಭಯೋತ್ಪಾದನೆ ವಿರುದ್ಧ ಭಾರತ ಕಠಿಣ ನಿಲುವು ತಾಳಿದೆ ಎನ್ನುವುದು ಇಡೀ ಜಗತ್ತಿಗೆ ಗೊತ್ತಾಗಿದೆ - ಜೈನುಲ್ ಅಬೆದಿನ್ ಅಲಿ ಖಾನ್, ಅಜ್ಮೇರ್‌ನ ಖ್ವಾಜಾ ಮೊಯಿನುದ್ದೀನ್ ಚಿಸ್ತಿ ದರ್ಗಾದ ದಿವಾನ್.

ಗಲ್ಲು ಶಿಕ್ಷೆ ವಿರೋಧಿಸುವವರ ಪೈಕಿ ನಾನು        ಕೂಡ ಒಬ್ಬ -ರಾಜೀಂದರ್ ಸಾಚಾರ್, ದೆಹಲಿ ಹೈಕೋರ್ಟ್‌ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ.

ಕಾನೂನು ಪಾಲನೆ ವಿಷಯದಲ್ಲಿ ಈ ದಿನ ಮಹತ್ವದ್ದು -ಅಮಿತಾಬ್ ಬಚ್ಚನ್, ಬಾಲಿವುಡ್ ನಟ

ಭಯೋತ್ಪಾದನೆಗೆ ಯಾವುದೇ ಧರ್ಮವಿಲ್ಲ. ಉಗ್ರ ಸಂಘಟನೆಗಳಿಗೆ ಕಠಿಣ ಸಂದೇಶ ರವಾನೆ - ದೇವವೃತ ಬಿಸ್ವಾಸ್, ಅಖಿಲ ಭಾರತ ಫಾರ್ವರ್ಡ್ ಬ್ಲಾಕ್ ಪ್ರಧಾನ ಕಾರ್ಯದರ್ಶಿ.

ಆಫ್ಜಲ್ ಗುರುವನ್ನು ನೇಣಿಗೇರಿಸಲು ವಿಳಂಬವಾಗಿಲ್ಲ- ಕೇಂದ್ರ ಗೃಹ ಖಾತೆ ರಾಜ್ಯ ಸಚಿವ ಮುಲ್ಲಪಳ್ಳಿ ರಾಮಚಂದ್ರನ್,

ಸಂಭ್ರಮಾಚರಣೆ
ನವದೆಹಲಿ (ಪಿಟಿಐ):ಅಫ್ಜಲ್‌ಗೆ ನೇಣು ಕಂಬಕ್ಕೆ ಏರಿಸಿದ ವಿಷಯ ತಿಳಿಯುತ್ತಿದ್ದಂತೆಯೇ ವಿಶ್ವ ಹಿಂದೂ ಪರಿಷತ್, ಬಜರಂಗ ದಳ ಕಾರ್ಯಕರ್ತರು ನವದೆಹಲಿಯ ಜಂತರ್ ಮಂತರ್ ಎದುರು ಶನಿವಾರ ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು.

`ಕುಟುಂಬಕ್ಕೆ ಅಫ್ಜಲ್ ದೇಹ ನೀಡಿ'
ನವದೆಹಲಿ (ಪಿಟಿಐ):ಅಫ್ಜಲ್‌ಗೆ ನೇಣು ಕಂಬಕ್ಕೆ ಏರಿಸಿದ ವಿಷಯ ತಿಳಿಯುತ್ತಿದ್ದಂತೆಯೇ ವಿಶ್ವ ಹಿಂದೂ ಪರಿಷತ್, ಬಜರಂಗ ದಳ ಕಾರ್ಯಕರ್ತರು ನವದೆಹಲಿಯ ಜಂತರ್ ಮಂತರ್ ಎದುರು ಶನಿವಾರ ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು.
ಶ್ರೀನಗರ (ಪಿಟಿಐ): ಮಾನವೀಯ ನೆಲೆಗಟ್ಟಿನಲ್ಲಿ ಅಫ್ಜಲ್ ಮೃತದೇಹವನ್ನು ಅವರ ಕುಟುಂಬ ಸದಸ್ಯರಿಗೆ ಹಸ್ತಾಂತರಿಸಬೇಕು ಎಂದು ಪಿಡಿಪಿ ಅಧ್ಯಕ್ಷೆ ಮೆಹಬೂಬ ಮುಫ್ತಿ ಒತ್ತಾಯಿಸಿದ್ದಾರೆ.

ಖಂಡನೆ
ಜೈಪುರ (ಪಿಟಿಐ): ಅಫ್ಜಲ್ ಗುರುಗೆ ಗಲ್ಲಿಗೇರಿಸಿದ್ದನ್ನು ತೀವ್ರವಾಗಿ ಖಂಡಿಸಿರುವ ನಾಗರಿಕ ಹಕ್ಕುಗಳ ಸಂಘಟನೆ ಪ್ರಧಾನ ಕಾರ್ಯದರ್ಶಿ ಕವಿತಾ ಶ್ರೀವಾಸ್ತವ್, ಇದರ ಹಿಂದೆ ರಾಜಕೀಯ ಲೆಕ್ಕಾಚಾರ ಇದೆ ಎಂದಿದ್ದಾರೆ. ಸರ್ಕಾರ ಗಲ್ಲು ಶಿಕ್ಷೆ ರದ್ದುಪಡಿಸಲು ಕ್ರಮ ತೆಗೆದುಕೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.

ಗುಂಡಿನಿಂದ ಗಲ್ಲಿನವರೆಗೆ
4ಡಿ. 13, 2001: ಸಂಸತ್ ಭವನದೊಳಗೆ ನುಗ್ಗಿದ ಐವರು ಉಗ್ರರಿಂದ ಗುಂಡಿನ ದಾಳಿ. ಭದ್ರತಾ ಸಿಬ್ಬಂದಿ ಸೇರಿ 9 ಮಂದಿ ಸಾವು, 15 ಕ್ಕೂ ಹೆಚ್ಚು ಮಂದಿಗೆ ಗಾಯ. ಆಗ ಸಂಸತ್ ಅಧಿವೇಶನ ನಡೆಯುತ್ತಿತ್ತು.
4ಡಿ. 15, 2001:  ಉಗ್ರರಿಗೆ ನೆರವು ನೀಡಿದ್ದ ಜೈಶ್-ಎ-ಮೊಹಮ್ಮದ್ (ಜೆಇಎಂ) ಉಗ್ರ ಸಂಘಟನೆಯ ಸದಸ್ಯ ಅಫ್ಜಲ್ ಗುರುವನ್ನು ಸೆರೆ ಹಿಡಿದ ಕಾಶ್ಮೀರ ಪೊಲೀಸರು. ದೆಹಲಿಯಲ್ಲಿ ಝಾಕೀರ್ ಹುಸೇನ್ ಕಾಲೇಜಿನ ಎಸ್.ಎ.ಆರ್ ಗಿಲಾನಿ, ಅಫ್ಸಾನ್ ಗುರು ಹಾಗೂ ಆಕೆಯ ಪತಿ ಶೌಕತ್ ಹುಸೇನ್ ಗುರು ಬಂಧನ.
4ಡಿ. 29, 2001: ಅಫ್ಜಲ್ 10 ದಿನ ಪೊಲೀಸ್ ವಶಕ್ಕೆ.
4ಜೂನ್ 4, 2002: ಅಫ್ಜಲ್ ಗುರು, ಗಿಲಾನಿ, ಶೌಕತ್ ಹುಸೇನ್ ಗುರು ಹಾಗೂ ಅಫ್ಸಾನ್ ಗುರು ವಿರುದ್ಧ ಆರೋಪ ನಿಗದಿ.
4ಡಿ. 18, 2002: ಗಿಲಾನಿ, ಶೌಕತ್, ಅಫ್ಜಲ್ ಗುರುಗೆ ಗಲ್ಲು ಶಿಕ್ಷೆ ನೀಡಿದ ವಿಶೇಷ ಕೋರ್ಟ್.
4ಆ. 30, 2003: ಶ್ರೀನಗರದಲ್ಲಿ ಗಡಿ ಭದ್ರತಾ ಪಡೆ ಜತೆ 10 ಗಂಟೆಗಳ ಗುಂಡಿನ ಕಾಳಗ ಸಂಸತ್ ಭವನದ ದಾಳಿಯ ಪ್ರಮುಖ ಆರೋಪಿ, ಜೆಇಎಂ ಮುಖಂಡ ಘಾಜಿ ಬಾಬಾ ಹಾಗೂ ಇತರ ಮೂವರು ಉಗ್ರರ ಹತ್ಯೆ.
4ಅ. 29, 2003: ಗಿಲಾನಿಯನ್ನು ದೋಷಮುಕ್ತಗೊಳಿಸಿದ ಹೈಕೋರ್ಟ್
4ಆ. 4, 2005: ಅಫ್ಜಲ್ ಗುರು ಮರಣ ದಂಡನೆ ಕಾಯಂಗೊಳಿಸಿದ ಸುಪ್ರೀಂಕೋರ್ಟ್. ಶೌಕತ್ ಹುಸೇನ್ ಗುರುಗೆ ಗಲ್ಲು ಬದಲು 10 ವರ್ಷ ಕಠಿಣ ಸಜೆ.
4ಸೆ. 26, 2006: ಅಫ್ಜಲ್‌ನನ್ನು ನೇಣಿಗೇರಿಸಲು ದೆಹಲಿ ಹೈಕೋರ್ಟ್ ಆದೇಶ.
4ಅ 3. 2006:  ಆಗಿನ ರಾಷ್ಟ್ರಪತಿ ಎ.ಪಿ.ಜೆ. ಅಬ್ದುಲ್ ಕಲಾಂ ಅವರಿಗೆ ಕ್ಷಮಾದಾನ ಅರ್ಜಿ ಸಲ್ಲಿಸಿದ ಅಫ್ಜಲ್ ಪತ್ನಿ ತಬಸಂ.
4ಜ 12, 2007: ಮರಣ ದಂಡನೆ ಪುನರ್‌ಪರಿಶೀಲನೆಗೆ ಅಫ್ಜಲ್ ಸಲ್ಲಿಸಿದ ಅರ್ಜಿ ಸುಪ್ರೀಂಕೋರ್ಟ್‌ನಲ್ಲಿ ವಜಾ.
4ಮೇ 19, 2010: ಅಫ್ಜಲ್ ಕ್ಷಮಾದಾನ ಅರ್ಜಿ ತಿರಸ್ಕರಿಸಿದ ದೆಹಲಿ ಸರ್ಕಾರ.
4ಡಿ 30: 2010: ತಿಹಾರ್ ಜೈಲಿನಿಂದ ಶೌಕತ್ ಹುಸೇನ್ ಗುರು ಬಿಡುಗಡೆ.
4ಡಿ 10, 2012: ಅಫ್ಜಲ್ ಗಲ್ಲು ಶಿಕ್ಷೆ ಕಡತವನ್ನು ಪರಿಶೀಲಿಸುವುದಾಗಿ ಗೃಹ ಸಚಿವ ಸುಶೀಲ್ ಕುಮಾರ್ ಶಿಂಧೆ ಹೇಳಿಕೆ.
4ಫೆ 3, 2012: ಅಫ್ಜಲ್ ಕ್ಷಮಾದಾನ ಅರ್ಜಿ ತಿರಸ್ಕರಿಸಿದ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ.
4ಫೆ 9, 2013: ತಿಹಾರ್ ಜೈಲಿನಲ್ಲಿ ಅಫ್ಜಲ್ ಗುರುಗೆ ಗಲ್ಲು ಶಿಕ್ಷೆ ಜಾರಿ