ವಿಜಾಪುರ: ಜಿಲ್ಲೆಯಲ್ಲಿ ಬೀಸುತ್ತಿರುವ ಶೀತಗಾಳಿ ಮುಂದುವರಿದಿದ್ದು, ಸೋಮವಾರ ಅತಿ ಕಡಿಮೆ 8.5 ಡಿಗ್ರಿ ಸೆಲ್ಸಿಯಸ್ ತಾಪಮಾನ ದಾಖಲಾಗಿದೆ.
5 ದಿನಗಳಿಂದ ಕೊರೆಯುವ ಚಳಿ ಜನತೆ ತತ್ತರಿಸುವಂತೆ ಮಾಡಿದೆ. ಮುಖ–ಚರ್ಮ ಸುಕ್ಕುಗಟ್ಟಿ, ಬಿರಿಯುತ್ತಿವೆ ಎಂದು ಜನ ಗೋಳಾಡುತ್ತಿದ್ದಾರೆ. ಜಿಲ್ಲೆಯಲ್ಲಿ 2009ರಿಂದಲೂ ಹವಾಮಾನ ವೈಪರೀತ್ಯ ಉಂಟಾಗುತ್ತಿದ್ದು, 2010ರ ಡಿ.19ರಂದು ಅತ್ಯಂತ ಕಡಿಮೆ 6 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗಿತ್ತು.
‘ಮ್ಯಾಡಿ ಚಂಡಮಾರುತದ ಪ್ರಭಾವ ಇದು. ಇನ್ನೂ ಎರಡು ದಿನಗಳ ಮುಂದುವರಿಯಲಿದೆ’ ಎಂದು ಹವಾಮಾನ ತಜ್ಞ ಡಾ.ವೆಂಕಟೇಶ್ ಹೇಳಿದ್ದಾರೆ.