ಶಾಹಿದ್ ಅಫ್ರಿದಿಗೆ ರೂ. 45 ಲಕ್ಷ ದಂಡ

ಈ ಕಾರಣ ಅಫ್ರಿದಿ ಇಂಗ್ಲೆಂಡ್‌ನ ದೇಸಿ ಟ್ವೆಂಟಿ-20 ಲೀಗ್ ಹಾಗೂ ಶ್ರೀಲಂಕಾ ಪ್ರೀಮಿಯರ್ ಲೀಗ್‌ನಲ್ಲಿ ಪಾಲ್ಗೊಳ್ಳಬಹುದು. ಪಿಸಿಬಿಯ ನೀತಿಸಂಹಿತೆಯನ್ನು ಉಲ್ಲಂಘಿಸಿದ್ದಕ್ಕೆ ಅಫ್ರಿದಿ ಅವರನ್ನು ನಾಯಕಸ್ಥಾನದಿಂದ ಕೆಳಗಿಳಿಸಲಾಗಿತ್ತು. ಮಾತ್ರವಲ್ಲ ಅವರ ವಿರುದ್ಧ ತನಿಖೆಗೆ ಪಿಸಿಬಿ ಶಿಸ್ತು ಸಮಿತಿಯನ್ನು ನೇಮಿಸಿತ್ತು.

ಅಫ್ರಿದಿ ಗುರುವಾರ ಸಮಿತಿಯ ಮುಂದೆ ಹಾಜರಾಗಿ ತಮ್ಮ ವಾದ ಮಂಡಿಸಿದರು. `ನಾನು ತಪ್ಪು ಮಾಡಿರುವುದು ಹೌದು ಎಂಬುದನ್ನು ಒಪ್ಪಿಕೊಳ್ಳುವೆ. ಆದರೆ ಪರಿಸ್ಥಿತಿ ನನ್ನನ್ನು ಅದಕ್ಕೆ ಪ್ರೇರೇಪಿಸಿದೆ. ಆದರೆ ನಾನು ಕ್ಷಮೆಯಾಚಿಸುವುದಿಲ್ಲ~ ಎಂದು ಅಫ್ರಿದಿ ಸಮಿತಿಯ ಮುಂದೆ ಹಾಜರಾದ ಬಳಿಕ ಪ್ರತಿಕ್ರಿಯಿಸಿದ್ದರು.
`ನಾಲ್ಕು ಸದಸ್ಯರ ಸಮಿತಿಯು ಅಫ್ರಿದಿಗೆ 45 ಲಕ್ಷ ರೂ. ದಂಡ ವಿಧಿಸಿದೆ. ಅವರು ಪಿಸಿಬಿಯ ನೀತಿ ಸಂಹಿತೆ ಉಲ್ಲಂಘಿಸಿರುವುದು ಸಾಬೀತಾಗಿದೆ~ ಎಂದು ಪಿಸಿಬಿ ಕಾನೂನು ಸಲಹೆಗಾರ ತಫಜ್ಜುಲ್ ರಿಜ್ವಿ ಹೇಳಿದ್ದಾರೆ.

`ಮಂಡಳಿ ಜೊತೆ ಭಿನ್ನಾಭಿಪ್ರಾಯ ತಲೆದೋರಲು ಉಂಟಾದ ಎಲ್ಲ ಕಾರಣಗಳನ್ನು ಸ್ಪಷ್ಟವಾಗಿ ವಿವರಿಸಿದ್ದೇನೆ. ಅದೇ ರೀತಿ ತಂಡದ ಆಡಳಿತದ ಜೊತೆ ಏಕೆ ವೈಮನಸ್ಸು ಉಂಟಾಗಿದೆ ಎಂಬುದನ್ನೂ ತಿಳಿಸಿದ್ದೇನೆ~ ಎಂದು ಅಫ್ರಿದಿ ಹೇಳಿದ್ದರು.

ನಾಯಕಸ್ಥಾನದಿಂದ ವಜಾಗೊಂಡ ಬಳಿಕ ಅಫ್ರಿದಿ ಹಾಗೂ ಪಿಸಿಬಿ ನಡುವಿನ ಸಂಬಂಧದಲ್ಲಿ ಬಿರುಕು ಉಂಟಾಗಿತ್ತು. ತನಗೆ ಅಗೌರವ ತೋರಿಸಲಾಗಿದೆ ಎನ್ನುವ ಮೂಲಕ ಅವರು ಕ್ರಿಕೆಟ್‌ಗೆ ವಿದಾಯ ಹೇಳಿದ್ದರು.