ನವದೆಹಲಿ(ಪಿಟಿಐ): ಅನಧಿಕೃತ ಮತ್ತು ಅಕ್ರಮ ಷೇರು ವಹಿವಾಟು ತಡೆಯುವ ನಿಟ್ಟಿನಲ್ಲಿ ಭಾರತೀಯ ಷೇರು ಪೇಟೆ ನಿಯಂತ್ರಣ ಮಂಡಳಿ(ಸೆಬಿ) ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದ್ದು, ಹೂಡಿಕೆದಾರರಿಗೆ `ಎಸ್‌ಎಂಎಸ್~ ಮತ್ತು ಇ-ಮೇಲ್ ಮೂಲಕ ಪ್ರತಿ ವಹಿವಾಟಿನ ವಿವರ ನೀಡುವಂತೆ ವಿನಿಮಯ ಕೇಂದ್ರಗಳಿಗೆ ಸೂಚಿಸಿದೆ.
ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರ ಈಗಾಗಲೇ ಇಂಥದೊಂದು ತಂತ್ರಜ್ಞಾನ ಜಾರಿಗೊಳಿಸಿದೆ. ಅ. 15ರಿಂದ ಚಿಲ್ಲರೆ ಹೂಡಿಕೆದಾರರಿಗೂ ಇ-ಮೇಲ್, ಎಸ್‌ಎಂಎಸ್ ಆಧಾರಿತ ಸೇವೆಗಳು ಲಭಿಸಲಿವೆ ಎಂದಿದೆ. `ಬಿಎಸ್‌ಇ~ ಮತ್ತು `ಎನ್‌ಎಸ್‌ಇ~ ತಮ್ಮ ಹೂಡಿಕೆದಾರರಿಗೆ ಮೊಬೈಲ್ ಸಂಖ್ಯೆ ಮತ್ತು ಇ-ಮೇಲ್ ವಿಳಾಸವನ್ನು `ಯೂನಿಕ್ ಕ್ಲೈಂಟ್ ಕೋಡ್~ ದತ್ತಾಂಶ ವ್ಯವಸ್ಥೆಗೆ ಅಪ್‌ಲೋಡ್ ಮಾಡುವಂತೆ ಸೂಚಿಸಿವೆ.
