ಲಂಡನ್ (ಪಿಟಿಐ): ಚಾಲಕನ ಮುಖದ ಭಾವನೆ ಮತ್ತು ಸನ್ನೆಗಳಿಗೆ ಅನುಗುಣವಾಗಿ ಕಾರ್ಯನಿರ್ವಹಿಸುವ ಕಾರನ್ನು ವಿಜ್ಞಾನಿಗಳು ಸಿದ್ಧಪಡಿಸಿದ್ದಾರೆ.
ಚಾಲಕ ತಲೆ ಅಲ್ಲಾಡಿಸುವ ಅಥವಾ ಕಣ್ಸನ್ನೆ ಮೂಲಕ ಕಾರನ್ನು ನಿಯಂತ್ರಿಸಬಹುದು. ಇದಕ್ಕಾಗಿ ರಿಮೋಟ್ ರೀತಿಯ ಉಪಕರಣ ಸಿದ್ಧಪಡಿಸಲಾಗಿದೆ. ಕಾರಿನ ಡ್ಯಾಶ್‌ಬೋರ್ಡ್‌ನಲ್ಲಿ ಅಳವಡಿಸುವ `ಇನ್‌ಫ್ರಾ ರೆಡ್~ ಸಂವೇದಕ ಸಾಧನವು ಚಾಲಕನ ಮುಖಭಾವವನ್ನು ಗ್ರಹಿಸಿ ಕಾರನ್ನು ನಿಯಂತ್ರಿಸುತ್ತದೆ.
ಗ್ಲೋಬಲ್ ಇನ್ಫೋಟೇನ್‌ಮೆಂಟ್ ಕಂಪೆನಿಯ ಎಂಜಿನಿಯರ್‌ಗಳು ತಯಾರಿಸಿರುವ ಈ ಅತ್ಯಾಧುನಿಕ ಕಾರು ಎರಡು ವರ್ಷಗಳಲ್ಲಿ ರಸ್ತೆ ಮೇಲೆ ಓಡಲಿದೆಯಂತೆ!
ಚಾಲಕನ ಭಾವನೆ ಅಥವಾ ಸನ್ನೆಗಳನ್ನು ಕಂಪ್ಯೂಟರ್ ತಪ್ಪಾಗಿ ಅರ್ಥೈಸಿಕೊಳ್ಳುವ ಅಪಾಯ ಕೂಡ ಇರುತ್ತದೆ. ಈ ಬಗ್ಗೆ ವಿಜ್ಞಾನಗಳು ತಲೆ ಕೆಡಿಸಿಕೊಂಡಿದ್ದಾರೆ.
