ನಮ್ಮ ಕರ್ನಾಟಕದ ಹೆದ್ದಾರಿಗಳಲ್ಲಿ ಸ್ತ್ರೀಯರಿಗೆ, ವೃದ್ಧರಿಗೆ ಪ್ರಯಾಣವೆಂದರೆ ಭಯಪಡುವಂತಾಗಿದೆ. ಏಕೆಂದರೆ ಎಲ್ಲೂ ಸರಿಯಾದ ಶೌಚಾಲಯಗಳ ವ್ಯವಸ್ಥೆ ಇಲ್ಲ. ಸ್ವಂತ ವಾಹನಗಳಲ್ಲಿ ಓಡಾಡುವವರೂ ಪೆಟ್ರೋಲ್ ಬಂಕ್, ಅಥವಾ ಯಾವುದಾದರೂ ಬಸ್ ಸ್ಟಾಪ್, ಹೋಟೆಲ್ ಹುಡುಕಿಕೊಂಡು ಹೋಗಬೇಕು.
ಮನುಷ್ಯನ ಮೂಲಭೂತ ಅವಶ್ಯಕತೆಗಳಲ್ಲಿ ಶೌಚಾಲಯವೂ ಒಂದು. ಪುಣೆ ಹೆದ್ದಾರಿಯಲ್ಲಿ ಒಂದೊಂದು ಚೆಕ್ ಪೋಸ್ಟ್, ಟೋಲ್‌ಗೇಟ್‌ಗಳಲ್ಲೂ ಒಂದೊಂದು ಶೌಚಾಲಯ, ಕುಡಿಯುವ ನೀರಿನ ವ್ಯವಸ್ಥೆ ಇರುತ್ತದೆ. ನಮ್ಮಲ್ಲಿ ಕೂಡ ಅಂತಹ ವ್ಯವಸ್ಥೆ ಆಗಬೇಕು. ಸಂಬಂಧಪಟ್ಟವರು ಗಮನಿಸುತ್ತಾರೆಂದು ನಂಬೋಣವೆ?
