ದೇಶದ ಆರ್ಥಿಕತೆಯ ಜತೆಜತೆಗೇ ಶೈಕ್ಷಣಿಕ ವ್ಯವಸ್ಥೆಯೂ ಅಗಾಧವಾಗಿ ಬೆಳೆಯುತ್ತಿದೆ. ದೇಶದಲ್ಲಿ ಸುಮಾರು 15 ಸಾವಿರ ಕಾಲೇಜುಗಳು ಇದ್ದು 1 ಕೋಟಿಗೂ ಹೆಚ್ಚು ವಿದ್ಯಾರ್ಥಿಗಳು ಎಂಜಿನಿಯರಿಂಗ್, ವೈದ್ಯಕೀಯ, ಆಡಳಿತ, ವ್ಯವಹಾರ ವಿಷಯಗಳನ್ನು ಕಲಿಯುತ್ತಿದ್ದಾರೆ. ತರಬೇತಿ ಹೊಂದಿದ ಮತ್ತು ಪರಿಣತ ಉದ್ಯೋಗಿಗಳಿಗೆ ಬೇಡಿಕೆಯೂ ಹೆಚ್ಚಾಗುತ್ತಿದೆ.
ಈ ಹಿನ್ನೆಲೆಯಲ್ಲಿ ಕೆಲವು ವ್ಯವಹಾರ ಶಿಕ್ಷಣ ಶಾಲೆಗಳು (ಬಿಸಿನೆಸ್ ಸ್ಕೂಲ್) ಮತ್ತು ಕಾಲೇಜುಗಳು ಕೈಗಾರಿಕೆಯ ಪ್ರಾಮುಖ್ಯತೆ ಗ್ರಹಿಸಿಕೊಂಡು ಪ್ರಾಯೋಗಿಕ ಅನುಭವವನ್ನು ಪಠ್ಯಕ್ರಮದ ಭಾಗವಾಗಿ ಅಳವಡಿಸಿವೆ.