<p><strong>ಕವಿತೆ </strong></p>.<p>ಕಸಿಗುಲಾಬಿಯ ರಾಜಶಿಶು<br /> ನಾಟಿ ಗುಲಾಬಿಯ ಸ್ತನದಾಯಿನಿ ದಾದಿ</p>.<p>ಪುಷ್ಪಪಾಲಕನ ಕುಶಲಕಲೆ<br /> ಹರಿತ ಶಸ್ತ್ರವ್ರಣಕೆ ಪ್ರೀತಿಲೇಪ</p>.<p>ನಾಟಿ ಗುಲಾಬಿಗೆ ಪುತ್ರಶೋಕ<br /> ತನ್ನೊಡಲ ಚಿಗುರುಗಳ ಚಿವುಟಿ ಬಿಸುಡಿದೆ ಆ ಕೈ</p>.<p>ಕಸಿಗುಲಾಬಿಗೆ ತಾಯಿಲ್ಲದ ತಲ್ಲಣ<br /> ತನ್ನ ತಲೆ ಕತ್ತರಿಸಿ ಯಾವುದೋ ಮುದಿಗಿಡಕೆ<br /> ಅಂಟಿಸಿದೆ ಆ ಕೈ</p>.<p>ಶಪಿಸುತ್ತಿದೆ ನಾಟಿ ಗುಲಾಬಿ<br /> ನಾ ನೆಲದೊಡಲಿಂದ ಮೊಗೆದ ರಸ<br /> ನನ್ನ ಚಿಗುರಿಗೇ ಸಿಗದ ಹಾಗೆ<br /> ಕುಡಿದು ಸೊಕ್ಕುವ ಸಾವೇ<br /> ಒಣಗು<br /> ಬುಡದಿಂದ ಚಿಗುರಿಸುತ್ತೇನೆ<br /> ನನ್ನದೇ ಸಂತಾನ</p>.<p>ಸೆಟೆಯುತ್ತಿದೆ ಕಸಿಯ ಕೂಸು<br /> ಉಪವಾಸ ಸಾಯುತ್ತೇನೆ ಮಲತಾಯೇ<br /> ನಿನ್ನ ಹಾಲನೊಲ್ಲೆ<br /> ನಾಟಿ ಗುಲಾಬಿಗೆ ಬೇರುಂಟು ಎಲೆಯಿಲ್ಲ<br /> ಕಸಿಗುಲಾಬಿಗೆ ಎಲೆಯುಂಟು ಬೇರಿಲ್ಲ</p>.<p>ಮಣ್ಣು ಹಾಡಿತು ನೀರು ಹಾಡಿತು<br /> ಗಾಳಿ ಹಾಡಿತು ಬಿಸಿಲು ಹಾಡಿತು<br /> ಆಕಾಶ ಹಾಡಿತು<br /> ಹುಟ್ಟು ಸಾವಿನ ಹಾಡು<br /> ಕೆಳೆ ಹಗೆಯ ಹಾಡು<br /> ಯಾಕೀ ಸಾವ ಕೊಲುವ ಕಲಹ<br /> ಎಲೆ ಎಲೇ ಗಿಡವೇ<br /> ಬೇರು ಬೇರೇ</p>.<p>ಸುಖವಿಲ್ಲ ನಾಟಿ ಗುಲಾಬೀ<br /> ನಿನ್ನೊಡಲ ಚಿಗುರು ಚಿಗುರಿಸಿದರೂ<br /> ಚಿವುಟಿ ಬಿಸುಡುವುದು<br /> ಆ ಕೈ</p>.<p>ಹಿತವಿಲ್ಲ ಕಸಿಯ ಕೂಸೇ<br /> ಉಣ್ಣದೇ ಹಟ ಮಾಡಿ ಸತ್ತರೆ<br /> ಕತ್ತರಿಸಿ ಮತ್ತೊಂದು ಕುಡಿ<br /> ಮತ್ತೆ ಮತ್ತೆ ಕಸಿ ಕಟ್ಟುವುದು ಆ ಕೈ</p>.<p>ಊಡದೇ ಉಣ್ಣದೇ ಸತ್ತು ಕೊಲುವಿರಿ ನೀವು<br /> ಬೆಲೆಯಿಲ್ಲ ಬೇರಿಗೂ<br /> ಬೇರು ಮೊಗೆದ ನೀರಿಗೂ<br /> ಎಲೆ ಎಲೆ ಕುಡಿದ ಬಿಸಿಲ ಹಾಲಿಗೂ<br /> ಪುಷ್ಪಪಾಲಕನ ಕುಶಲ ಕಲೆಗೂ</p>.<p>ಹಾಡುತ್ತಲೇ ಇವೆ<br /> ಮಣ್ಣು ನೀರು ಬಿಸಿಲು ಗಾಳಿ ಬಾನು<br /> ಸಾವ ಕೊಲುವ ಯುದ್ಧಕ್ಕೆ ಪ್ರತಿಹಾಡು<br /> ಊಡಿ ಉಂಡು ಬಾಳಿಸುವ ಹಾಡು<br /> ಲಾಲಿಸಿತು ನಾಟಿ ಗುಲಾಬಿ<br /> ಲಾಲಿಸಿತು ಕಸಿಗುಲಾಬಿ</p>.<p>ಬೇರಿನಲಿ ನೀರಾಗಿ<br /> ಎಲೆಯಲ್ಲಿ ಹಸಿರಾಗಿ<br /> ಮೊಗ್ಗೆಯಲಿ ರಹಸ್ಯವಾಗಿ<br /> ಹೂವಿನಲಿ ನಿಬ್ಬೆರಗು ರಂಗಾಗಿ ಅರಳಿದ ಗಳಿಗೆ</p>.<p>ನಾಟಿ ಗುಲಾಬಿಯ ಪುತ್ರ ಶೋಕವೂ<br /> ಕಸಿಗುಲಾಬಿಯ ತಬ್ಬಲಿತನವೂ<br /> ಹೊಸ ಹೊಸ ಹೂಗಳಾಗಿ<br /> ಸಾವಿರದ ಬಣ್ಣಗಳಲ್ಲಿ ಅರಳಿದವು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p><strong>ಕವಿತೆ </strong></p>.<p>ಕಸಿಗುಲಾಬಿಯ ರಾಜಶಿಶು<br /> ನಾಟಿ ಗುಲಾಬಿಯ ಸ್ತನದಾಯಿನಿ ದಾದಿ</p>.<p>ಪುಷ್ಪಪಾಲಕನ ಕುಶಲಕಲೆ<br /> ಹರಿತ ಶಸ್ತ್ರವ್ರಣಕೆ ಪ್ರೀತಿಲೇಪ</p>.<p>ನಾಟಿ ಗುಲಾಬಿಗೆ ಪುತ್ರಶೋಕ<br /> ತನ್ನೊಡಲ ಚಿಗುರುಗಳ ಚಿವುಟಿ ಬಿಸುಡಿದೆ ಆ ಕೈ</p>.<p>ಕಸಿಗುಲಾಬಿಗೆ ತಾಯಿಲ್ಲದ ತಲ್ಲಣ<br /> ತನ್ನ ತಲೆ ಕತ್ತರಿಸಿ ಯಾವುದೋ ಮುದಿಗಿಡಕೆ<br /> ಅಂಟಿಸಿದೆ ಆ ಕೈ</p>.<p>ಶಪಿಸುತ್ತಿದೆ ನಾಟಿ ಗುಲಾಬಿ<br /> ನಾ ನೆಲದೊಡಲಿಂದ ಮೊಗೆದ ರಸ<br /> ನನ್ನ ಚಿಗುರಿಗೇ ಸಿಗದ ಹಾಗೆ<br /> ಕುಡಿದು ಸೊಕ್ಕುವ ಸಾವೇ<br /> ಒಣಗು<br /> ಬುಡದಿಂದ ಚಿಗುರಿಸುತ್ತೇನೆ<br /> ನನ್ನದೇ ಸಂತಾನ</p>.<p>ಸೆಟೆಯುತ್ತಿದೆ ಕಸಿಯ ಕೂಸು<br /> ಉಪವಾಸ ಸಾಯುತ್ತೇನೆ ಮಲತಾಯೇ<br /> ನಿನ್ನ ಹಾಲನೊಲ್ಲೆ<br /> ನಾಟಿ ಗುಲಾಬಿಗೆ ಬೇರುಂಟು ಎಲೆಯಿಲ್ಲ<br /> ಕಸಿಗುಲಾಬಿಗೆ ಎಲೆಯುಂಟು ಬೇರಿಲ್ಲ</p>.<p>ಮಣ್ಣು ಹಾಡಿತು ನೀರು ಹಾಡಿತು<br /> ಗಾಳಿ ಹಾಡಿತು ಬಿಸಿಲು ಹಾಡಿತು<br /> ಆಕಾಶ ಹಾಡಿತು<br /> ಹುಟ್ಟು ಸಾವಿನ ಹಾಡು<br /> ಕೆಳೆ ಹಗೆಯ ಹಾಡು<br /> ಯಾಕೀ ಸಾವ ಕೊಲುವ ಕಲಹ<br /> ಎಲೆ ಎಲೇ ಗಿಡವೇ<br /> ಬೇರು ಬೇರೇ</p>.<p>ಸುಖವಿಲ್ಲ ನಾಟಿ ಗುಲಾಬೀ<br /> ನಿನ್ನೊಡಲ ಚಿಗುರು ಚಿಗುರಿಸಿದರೂ<br /> ಚಿವುಟಿ ಬಿಸುಡುವುದು<br /> ಆ ಕೈ</p>.<p>ಹಿತವಿಲ್ಲ ಕಸಿಯ ಕೂಸೇ<br /> ಉಣ್ಣದೇ ಹಟ ಮಾಡಿ ಸತ್ತರೆ<br /> ಕತ್ತರಿಸಿ ಮತ್ತೊಂದು ಕುಡಿ<br /> ಮತ್ತೆ ಮತ್ತೆ ಕಸಿ ಕಟ್ಟುವುದು ಆ ಕೈ</p>.<p>ಊಡದೇ ಉಣ್ಣದೇ ಸತ್ತು ಕೊಲುವಿರಿ ನೀವು<br /> ಬೆಲೆಯಿಲ್ಲ ಬೇರಿಗೂ<br /> ಬೇರು ಮೊಗೆದ ನೀರಿಗೂ<br /> ಎಲೆ ಎಲೆ ಕುಡಿದ ಬಿಸಿಲ ಹಾಲಿಗೂ<br /> ಪುಷ್ಪಪಾಲಕನ ಕುಶಲ ಕಲೆಗೂ</p>.<p>ಹಾಡುತ್ತಲೇ ಇವೆ<br /> ಮಣ್ಣು ನೀರು ಬಿಸಿಲು ಗಾಳಿ ಬಾನು<br /> ಸಾವ ಕೊಲುವ ಯುದ್ಧಕ್ಕೆ ಪ್ರತಿಹಾಡು<br /> ಊಡಿ ಉಂಡು ಬಾಳಿಸುವ ಹಾಡು<br /> ಲಾಲಿಸಿತು ನಾಟಿ ಗುಲಾಬಿ<br /> ಲಾಲಿಸಿತು ಕಸಿಗುಲಾಬಿ</p>.<p>ಬೇರಿನಲಿ ನೀರಾಗಿ<br /> ಎಲೆಯಲ್ಲಿ ಹಸಿರಾಗಿ<br /> ಮೊಗ್ಗೆಯಲಿ ರಹಸ್ಯವಾಗಿ<br /> ಹೂವಿನಲಿ ನಿಬ್ಬೆರಗು ರಂಗಾಗಿ ಅರಳಿದ ಗಳಿಗೆ</p>.<p>ನಾಟಿ ಗುಲಾಬಿಯ ಪುತ್ರ ಶೋಕವೂ<br /> ಕಸಿಗುಲಾಬಿಯ ತಬ್ಬಲಿತನವೂ<br /> ಹೊಸ ಹೊಸ ಹೂಗಳಾಗಿ<br /> ಸಾವಿರದ ಬಣ್ಣಗಳಲ್ಲಿ ಅರಳಿದವು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>