ನಕಲಿ ಚುನಾವಣಾ ಗುರುತಿನ ಚೀಟಿ: ಬಾಂಗ್ಲಾ ಪ್ರಜೆ ಸೆರೆ

7

ನಕಲಿ ಚುನಾವಣಾ ಗುರುತಿನ ಚೀಟಿ: ಬಾಂಗ್ಲಾ ಪ್ರಜೆ ಸೆರೆ

Published:
Updated:

ಬೆಂಗಳೂರು: ನಕಲಿ ಚುನಾವಣಾ ಗುರುತಿನ ಚೀಟಿ ಹಾಗೂ ಪಾಸ್‌ಪೋರ್ಟ್‌ ಮಾಡಿಸಿಕೊಂಡು ದೇಶದಲ್ಲಿ ಅಕ್ರಮವಾಗಿ ವಾಸವಿದ್ದ ಬಾಂಗ್ಲಾದೇಶದ ಹೊಕ್ಯೂ ಮೊಫಿಜುಲ್ಲಾ ಎಂಬಾತನನ್ನು ನಗರದ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಅಧಿಕಾರಿಗಳು ಬಂಧಿಸಿದ್ದಾರೆ.

ಆರೋಪಿ, ದುಬೈನಿಂದ ವಿಮಾನ ಮೂಲಕ ನಗರದ ನಿಲ್ದಾಣಕ್ಕೆ ಆಗಸ್ಟ್ 16ರಂದು ಬಂದಿಳಿದಿದ್ದ. ಆತನನ್ನು ತಪಾಸಣೆಗೆ ಒಳಪಡಿಸಿದ್ದ ಅಧಿಕಾರಿಗಳು, ದಾಖಲೆಗಳನ್ನು ಪರಿಶೀಲನೆ ನಡೆಸಿದಾಗ ಸಿಕ್ಕಿಬಿದ್ದ.

‘ದೇಶದೊಳಗೆ ಅಕ್ರಮವಾಗಿ ನುಸುಳಿದ್ದ ಆರೋಪಿ, ತಾನೊಬ್ಬ ಭಾರತೀಯ ಎಂದು ನಕಲಿ ದಾಖಲೆಗಳನ್ನು ಸೃಷ್ಟಿಸಿಕೊಂಡಿದ್ದ. ಅವುಗಳನ್ನೇ ಬಳಸಿಕೊಂಡು ಏಜೆಂಟರೊಬ್ಬರ ಮೂಲಕ ಪಾಸ್‌ಪೋರ್ಟ್, ಆಧಾರ್ ಸಂಖ್ಯೆ ಹಾಗೂ ಚುನಾವಣಾ ಗುರುತಿನ ಚೀಟಿ ಮಾಡಿಸಿಕೊಂಡಿದ್ದನೆಂದು ವಲಸೆ ಅಧಿಕಾರಿ ಚಿನ್ನದೊರೈ ದೂರು ನೀಡಿದ್ದಾರೆ’ ಎಂದು ಏರ್‌ಪೋರ್ಟ್‌ ಪೊಲೀಸರು ಹೇಳಿದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !