ಬೆಂಗಳೂರು: ರುಪೇ ಕ್ರೆಡಿಟ್ ಕಾರ್ಡ್ನ ಹಣವನ್ನು ಯುಪಿಐ ವ್ಯವಸ್ಥೆಯ ಮೂಲಕ ಪಾವತಿ ಮಾಡುವ ಸೌಲಭ್ಯವನ್ನು ಕೆನರಾ ಬ್ಯಾಂಕ್ ಜಾರಿಗೆ ತಂದಿದೆ. ಈ ಸೌಲಭ್ಯವನ್ನು ಕೆನರಾ ಬ್ಯಾಂಕ್ನ ‘ಕೆನರಾ ಎಐ1’ ಆ್ಯಪ್ ಮೂಲಕ ಪಡೆಯಬಹುದು.
ಎನ್ಪಿಸಿಐ ಜೊತೆಗೂಡಿ ಈ ಸೌಲಭ್ಯವನ್ನು ಜಾರಿಗೆ ತಂದಿರುವ ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ಗಳ ಪೈಕಿ ತಾನೇ ಮೊದಲಿಗ ಎಂದು ಕೆನರಾ ಬ್ಯಾಂಕ್ ಹೇಳಿಕೊಂಡಿದೆ.
ಕೆನರಾ ಬ್ಯಾಂಕ್ ಗ್ರಾಹಕರು ಇನ್ನು ಮುಂದೆ ಯುಪಿಐ ಬಳಸಿ ತಮ್ಮ ಉಳಿತಾಯ ಖಾತೆಯಿಂದ ಮಾತ್ರವೇ ಅಲ್ಲದೆ, ರುಪೇ ಕ್ರೆಡಿಟ್ ಕಾರ್ಡ್ನಿಂದಲೂ ಪಾವತಿ ಮಾಡಬಹುದು ಎಂದು ಪ್ರಕಟಣೆ ಹೇಳಿದೆ. ರುಪೇ ಕ್ರೆಡಿಟ್ ಕಾರ್ಡ್ಗಳನ್ನು ಯುಪಿಐ ಜೊತೆ ಜೋಡಿಸುವ ವ್ಯವಸ್ಥೆಗೆ ಆರ್ಬಿಐ ಈಚೆಗೆ ಅನುಮತಿ ನೀಡಿದೆ.