ಆಹಾರೋದ್ಯಮದ ಡಾಬರ್, ಬಾದ್ಶಾ ಮಸಾಲಾ ಸಂಸ್ಥೆಯ ಶೇ.51ರಷ್ಟು ಷೇರು ಖರೀದಿಸಿದೆ.
ಮಸಾಲಾ ಉದ್ಯಮದಲ್ಲಿ ಬಾದ್ಶಾ ಸಂಸ್ಥೆಯ ₹587.52 ಕೋಟಿ ಮೌಲ್ಯದ ಶೇ. 51ರಷ್ಟು ಷೇರನ್ನು ಡಾಬರ್ ಖರೀದಿಸಿದೆ. ಇದರೊಂದಿಗೆ ಬಾದ್ಶಾ ಮೌಲ್ಯ ₹1152 ಕೋಟಿ ತಲುಪಿದೆ ಎಂದು ಸಂಸ್ಥೆ ಹೇಳಿದೆ.
‘ಭಾರತೀಯ ಮಸಾಲಾ ಮತ್ತು ಋತುಮಾನದ ಉತ್ಪನ್ನ ವಿಭಾಗವು ಅತ್ಯಂತ ಆಕರ್ಷಣೀಯ ಮಾರುಕಟ್ಟೆಯಾಗಿದೆ. ಈ ವಿಭಾಗದಲ್ಲಿ ಬಾದ್ಶಾ ಮಸಾಲಾ ಒಂದು ಪ್ರಮುಖ ಕಂಪನಿ. ಇದರಲ್ಲಿ ನಮ್ಮ ಹೂಡಿಕೆ ವಹಿವಾಟು ವಿಸ್ತರಣೆಗೆ ಸಹಕಾರಿ’ ಎಂದು ಡಾಬರ್ ಇಂಡಿಯಾ ಅಧ್ಯಕ್ಷ ಮೋಹಿತ್ ಬುರ್ಮನ್ ತಿಳಿಸಿದ್ದಾರೆ.