ನವದೆಹಲಿ: ದೇಶದ ರಫ್ತು ವಹಿವಾಟು ಮಾರ್ಚ್‌ನಲ್ಲಿ ಶೇಕಡ 60.29ರಷ್ಟು ಏರಿಕೆ ಆಗಿದ್ದು, ₹ 2.54 ಲಕ್ಷ ಕೋಟಿಗೆ ತಲುಪಿದೆ. ಆದರೆ, 2020–21ನೇ ಹಣಕಾಸು ವರ್ಷದಲ್ಲಿ ರಫ್ತು ವಹಿವಾಟು ಶೇ 7.26ರಷ್ಟು ಇಳಿಕೆ ಆಗಿದೆ.
ಆಮದು ವಹಿವಾಟು ಮಾರ್ಚ್‌ನಲ್ಲಿ ಶೇ 53.74ರಷ್ಟು ಹೆಚ್ಚಾಗಿದ್ದು, ₹ 3.58 ಲಕ್ಷ ಕೋಟಿಗೆ ತಲುಪಿದೆ. ಆದರೆ 2020–21ನೇ ಹಣಕಾಸು ವರ್ಷದಲ್ಲಿ ಶೇ 18ರಷ್ಟು ಇಳಿಕೆ ಆಗಿದೆ. ಕೇಂದ್ರ ಸರ್ಕಾರ ಗುರುವಾರ ಈ ಮಾಹಿತಿ ಬಿಡುಗಡೆ ಮಾಡಿದೆ.
ವ್ಯಾಪಾರ ಕೊರತೆ ಅಂತರವು 2020–21ನೇ ಹಣಕಾಸು ವರ್ಷದಲ್ಲಿ ₹ 7.29 ಲಕ್ಷ ಕೋಟಿಗಳಷ್ಟಾಗಿದೆ. 2019–20ನೇ ಹಣಕಾಸು ವರ್ಷದಲ್ಲಿ ₹ 11.93 ಲಕ್ಷ ಕೋಟಿಗಳಷ್ಟಿತ್ತು.
