<p><strong>ನವದೆಹಲಿ : </strong>ವೇತನದಾರರು ಮತ್ತು ವೃತ್ತಿನಿರತರಲ್ಲಿ ಬಹುತೇಕರು ತಮ್ಮ ಹಣಕಾಸು ಪರಿಸ್ಥಿತಿ ಬಗ್ಗೆ ಹೆಚ್ಚು ಚಿಂತಿತರಾಗಿರುವುದು ಸಮೀಕ್ಷೆಯಿಂದ ತಿಳಿದು ಬಂದಿದೆ.</p>.<p>ಕೋವಿಡ್ ಬಿಕ್ಕಟ್ಟಿನಿಂದಾಗಿ ದಿನ ನಿತ್ಯದ ವೆಚ್ಚಗಳನ್ನು ನಿಭಾಯಿಸಲು ತಾವು ಪರಿಶ್ರಮಪಡುತ್ತಿದ್ದೇವೆ ಎಂದು ಹೆಚ್ಚಿನವರು ಹೇಳಿಕೊಂಡಿದ್ದಾರೆ. ಸಾಲ ನೀಡುವ ಕಂಪನಿ ಇಂಡಿಯಾಲೆಂಡ್ಸ್ ನಡೆಸಿದ ಸಮೀಕ್ಷೆಯಲ್ಲಿ ಭಾಗವಹಿಸಿದ್ದ 5 ಸಾವಿರ ವೃತ್ತಿನಿರತರು ವೈಯಕ್ತಿಕ ಹಣಕಾಸು ವಿಷಯದಲ್ಲಿ ತಾವು ಹೆಚ್ಚು ಜಾಗರೂಕರಾಗಿರುವುದಾಗಿ ತಿಳಿಸಿದ್ದಾರೆ. ಮುಂದಿನ ಕೆಲ ತಿಂಗಳವರೆಗೆ ತಮ್ಮೆಲ್ಲ ವೆಚ್ಚಗಳ ಬಗ್ಗೆ ಎಚ್ಚರಿಕೆಯಿಂದ ವರ್ತಿಸುವುದಾಗಿ ಶೇ 94ರಷ್ಟು ಜನರು ಹೇಳಿಕೊಂಡಿದ್ದಾರೆ.</p>.<p>ಕೋವಿಡ್ ಪಿಡುಗಿನಿಂದಾಗಿ ವೇತನದಾರರು ಮತ್ತು ವೈಯಕ್ತಿಕ ವೃತ್ತಿ ನಿರತರ ಹಣಕಾಸು ಪರಿಸ್ಥಿತಿ ಸಂಕಷ್ಟಕ್ಕೆ ಸಿಲುಕಿದೆ. ದಿನನಿತ್ಯದ ವೆಚ್ಚಗಳನ್ನು ಸರಿದೂಗಿಸಲು ತಾವು ಕಷ್ಟಪಡುತ್ತಿರುವುದಾಗಿ ಶೇ 82ರಷ್ಟು ಜನರು ತಿಳಿಸಿದ್ದಾರೆ.</p>.<p>ತಮ್ಮ ವೆಚ್ಚಗಳಿಗೆ ಕಡಿವಾಣ ಹಾಕಿರುವುದಾಗಿ ಶೇ 84ರಷ್ಟು ಜನರು ಹೇಳಿದ್ದಾರೆ. ಭವಿಷ್ಯದಲ್ಲಿನ ತಮ್ಮ ಉಳಿತಾಯ ಮತ್ತು ಹಣಕಾಸು ಪರಿಸ್ಥಿತಿ ಬಗ್ಗೆ ಶೇ 90ರಷ್ಟು ಜನರು ಕಳವಳ ವ್ಯಕ್ತಪಡಿಸಿದ್ದಾರೆ.</p>.<p>ಸದ್ಯದ ಬಿಕ್ಕಟ್ಟಿನ ಸಂದರ್ಭ ಎದುರಿಸಲು ಸಾಲ ಪಡೆಯಲು ತಾವು ಹಿಂದೇಟು ಹಾಕಿಲ್ಲ ಎಂದು ಅನೇಕರು ತಿಳಿಸಿದ್ದಾರೆ. ವೈಯಕ್ತಿಕ ಸಾಲ ಪಡೆಯಲು ಮುಂದಾಗಿರುವುದಾಗಿ ಶೇ 72ರಷ್ಟು ಜನರು ಹೇಳಿಕೊಂಡಿದ್ದಾರೆ. ವೈದ್ಯಕೀಯ, ಶಿಕ್ಷಣ, ಮನೆ ದುರಸ್ತಿ, ನವೀಕರಣ ಮತ್ತಿತರ ಉದ್ದೇಶಕ್ಕೆ ಸಾಲ ಮಾಡಿರುವುದಾಗಿ ತಿಳಿಸಿದ್ದಾರೆ.</p>.<p>‘ಕೋವಿಡ್ ಪಿಡುಗು ನಮ್ಮೆಲ್ಲರ ಕಾರ್ಯವೈಖರಿ ಬದಲಿಸಿದೆ. ವೇತನವರ್ಗ ಮತ್ತು ವೃತ್ತಿನಿರತರು ಉದ್ಯೋಗ ನಷ್ಟ ಮತ್ತು ವೇತನ ಕಡಿತದ ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ’ ಎಂದು ಇಂಡಿಯಾ ಲೆಂಡ್ಸ್ನ ಸಿಇಒ ಗೌರವ್ ಛೋಪ್ರಾ ಹೇಳಿದ್ದಾರೆ.</p>.<p>ಆದಾಯ ಮತ್ತು ಉಳಿತಾಯಗಳ ಮೇಲಿನ ಪ್ರತಿಕೂಲ ಪರಿಣಾಮಗಳಿಂದ ರಿಟೇಲ್ ಸಾಲಕ್ಕೆ ಬೇಡಿಕೆ ಹೆಚ್ಚುತ್ತಿದೆ. ಸದ್ಯದ ಪರಿಸ್ಥಿತಿಯಲ್ಲಿ ಹೊಸ ಹೂಡಿಕೆ ಆಲೋಚನೆ ತಮಗೆ ಇಲ್ಲ ಎಂದು ಶೇ 76ರಷ್ಟು ಜನರು ಹೇಳಿಕೊಂಡಿದ್ದಾರೆ.</p>.<p>94 %: ಖರ್ಚುವೆಚ್ಚಗಳ ಬಗ್ಗೆ ಎಚ್ಚರಿಕೆ ತಳೆದವರು</p>.<p>90 %: ಭವಿಷ್ಯದ ಹಣಕಾಸು ಪರಿಸ್ಥಿತಿ ಬಗ್ಗೆ ಕಳವಳ ಹೊಂದಿದವರು</p>.<p>76 %: ಹೊಸ ಹೂಡಿಕೆ ಆಲೋಚನೆ ಇಲ್ಲದವರು</p>.<p>72 %: ವೈಯಕ್ತಿಕ ಸಾಲ ಪಡೆಯಲು ಮುಂದಾದವರು</p>.<p>***</p>.<p>5,000: ಸಮೀಕ್ಷೆಯಲ್ಲಿ ಭಾಗವಹಿಸಿದವರು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ : </strong>ವೇತನದಾರರು ಮತ್ತು ವೃತ್ತಿನಿರತರಲ್ಲಿ ಬಹುತೇಕರು ತಮ್ಮ ಹಣಕಾಸು ಪರಿಸ್ಥಿತಿ ಬಗ್ಗೆ ಹೆಚ್ಚು ಚಿಂತಿತರಾಗಿರುವುದು ಸಮೀಕ್ಷೆಯಿಂದ ತಿಳಿದು ಬಂದಿದೆ.</p>.<p>ಕೋವಿಡ್ ಬಿಕ್ಕಟ್ಟಿನಿಂದಾಗಿ ದಿನ ನಿತ್ಯದ ವೆಚ್ಚಗಳನ್ನು ನಿಭಾಯಿಸಲು ತಾವು ಪರಿಶ್ರಮಪಡುತ್ತಿದ್ದೇವೆ ಎಂದು ಹೆಚ್ಚಿನವರು ಹೇಳಿಕೊಂಡಿದ್ದಾರೆ. ಸಾಲ ನೀಡುವ ಕಂಪನಿ ಇಂಡಿಯಾಲೆಂಡ್ಸ್ ನಡೆಸಿದ ಸಮೀಕ್ಷೆಯಲ್ಲಿ ಭಾಗವಹಿಸಿದ್ದ 5 ಸಾವಿರ ವೃತ್ತಿನಿರತರು ವೈಯಕ್ತಿಕ ಹಣಕಾಸು ವಿಷಯದಲ್ಲಿ ತಾವು ಹೆಚ್ಚು ಜಾಗರೂಕರಾಗಿರುವುದಾಗಿ ತಿಳಿಸಿದ್ದಾರೆ. ಮುಂದಿನ ಕೆಲ ತಿಂಗಳವರೆಗೆ ತಮ್ಮೆಲ್ಲ ವೆಚ್ಚಗಳ ಬಗ್ಗೆ ಎಚ್ಚರಿಕೆಯಿಂದ ವರ್ತಿಸುವುದಾಗಿ ಶೇ 94ರಷ್ಟು ಜನರು ಹೇಳಿಕೊಂಡಿದ್ದಾರೆ.</p>.<p>ಕೋವಿಡ್ ಪಿಡುಗಿನಿಂದಾಗಿ ವೇತನದಾರರು ಮತ್ತು ವೈಯಕ್ತಿಕ ವೃತ್ತಿ ನಿರತರ ಹಣಕಾಸು ಪರಿಸ್ಥಿತಿ ಸಂಕಷ್ಟಕ್ಕೆ ಸಿಲುಕಿದೆ. ದಿನನಿತ್ಯದ ವೆಚ್ಚಗಳನ್ನು ಸರಿದೂಗಿಸಲು ತಾವು ಕಷ್ಟಪಡುತ್ತಿರುವುದಾಗಿ ಶೇ 82ರಷ್ಟು ಜನರು ತಿಳಿಸಿದ್ದಾರೆ.</p>.<p>ತಮ್ಮ ವೆಚ್ಚಗಳಿಗೆ ಕಡಿವಾಣ ಹಾಕಿರುವುದಾಗಿ ಶೇ 84ರಷ್ಟು ಜನರು ಹೇಳಿದ್ದಾರೆ. ಭವಿಷ್ಯದಲ್ಲಿನ ತಮ್ಮ ಉಳಿತಾಯ ಮತ್ತು ಹಣಕಾಸು ಪರಿಸ್ಥಿತಿ ಬಗ್ಗೆ ಶೇ 90ರಷ್ಟು ಜನರು ಕಳವಳ ವ್ಯಕ್ತಪಡಿಸಿದ್ದಾರೆ.</p>.<p>ಸದ್ಯದ ಬಿಕ್ಕಟ್ಟಿನ ಸಂದರ್ಭ ಎದುರಿಸಲು ಸಾಲ ಪಡೆಯಲು ತಾವು ಹಿಂದೇಟು ಹಾಕಿಲ್ಲ ಎಂದು ಅನೇಕರು ತಿಳಿಸಿದ್ದಾರೆ. ವೈಯಕ್ತಿಕ ಸಾಲ ಪಡೆಯಲು ಮುಂದಾಗಿರುವುದಾಗಿ ಶೇ 72ರಷ್ಟು ಜನರು ಹೇಳಿಕೊಂಡಿದ್ದಾರೆ. ವೈದ್ಯಕೀಯ, ಶಿಕ್ಷಣ, ಮನೆ ದುರಸ್ತಿ, ನವೀಕರಣ ಮತ್ತಿತರ ಉದ್ದೇಶಕ್ಕೆ ಸಾಲ ಮಾಡಿರುವುದಾಗಿ ತಿಳಿಸಿದ್ದಾರೆ.</p>.<p>‘ಕೋವಿಡ್ ಪಿಡುಗು ನಮ್ಮೆಲ್ಲರ ಕಾರ್ಯವೈಖರಿ ಬದಲಿಸಿದೆ. ವೇತನವರ್ಗ ಮತ್ತು ವೃತ್ತಿನಿರತರು ಉದ್ಯೋಗ ನಷ್ಟ ಮತ್ತು ವೇತನ ಕಡಿತದ ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ’ ಎಂದು ಇಂಡಿಯಾ ಲೆಂಡ್ಸ್ನ ಸಿಇಒ ಗೌರವ್ ಛೋಪ್ರಾ ಹೇಳಿದ್ದಾರೆ.</p>.<p>ಆದಾಯ ಮತ್ತು ಉಳಿತಾಯಗಳ ಮೇಲಿನ ಪ್ರತಿಕೂಲ ಪರಿಣಾಮಗಳಿಂದ ರಿಟೇಲ್ ಸಾಲಕ್ಕೆ ಬೇಡಿಕೆ ಹೆಚ್ಚುತ್ತಿದೆ. ಸದ್ಯದ ಪರಿಸ್ಥಿತಿಯಲ್ಲಿ ಹೊಸ ಹೂಡಿಕೆ ಆಲೋಚನೆ ತಮಗೆ ಇಲ್ಲ ಎಂದು ಶೇ 76ರಷ್ಟು ಜನರು ಹೇಳಿಕೊಂಡಿದ್ದಾರೆ.</p>.<p>94 %: ಖರ್ಚುವೆಚ್ಚಗಳ ಬಗ್ಗೆ ಎಚ್ಚರಿಕೆ ತಳೆದವರು</p>.<p>90 %: ಭವಿಷ್ಯದ ಹಣಕಾಸು ಪರಿಸ್ಥಿತಿ ಬಗ್ಗೆ ಕಳವಳ ಹೊಂದಿದವರು</p>.<p>76 %: ಹೊಸ ಹೂಡಿಕೆ ಆಲೋಚನೆ ಇಲ್ಲದವರು</p>.<p>72 %: ವೈಯಕ್ತಿಕ ಸಾಲ ಪಡೆಯಲು ಮುಂದಾದವರು</p>.<p>***</p>.<p>5,000: ಸಮೀಕ್ಷೆಯಲ್ಲಿ ಭಾಗವಹಿಸಿದವರು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>