ನವದೆಹಲಿ : ಮಂದಗತಿಯ ಆರ್ಥಿಕ ಬೆಳವಣಿಗೆಯು ಜಿಎಸ್‌ಟಿ ಸಂಗ್ರಹದ ಮೇಲೆಯೂ ಪರಿಣಾಮ ಬೀರುತ್ತಿದೆ. ತಿಂಗಳಿನಿಂದ ತಿಂಗಳಿಗೆ ಸಂಗ್ರಹದಲ್ಲಿ ಇಳಿಕೆ ಕಂಡುಬರುತ್ತಿದೆ.
ಆಗಸ್ಟ್‌ನಲ್ಲಿ ₹ 98,202 ಕೋಟಿ ಸಂಗ್ರಹವಾಗಿತ್ತು. ಸೆಪ್ಟೆಂಬರ್‌ನಲ್ಲಿ ₹ 91,916 ಕೋಟಿಗೆ ಇಳಿಕೆಯಾಗಿದೆಎಂದು ಕೇಂದ್ರ ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.
2018ರ ಸೆಪ್ಟೆಂಬರ್‌ನಲ್ಲಿ ಸಂಗ್ರಹವಾಗಿದ್ದ ₹ 94,442 ಕೋಟಿಗೆ ಹೋಲಿಸಿದರೂ 2019ರ ಸೆಪ್ಟೆಂಬರ್‌ನಲ್ಲಿ ಶೇ 2.67ರಷ್ಟು ಇಳಿಕೆಯಾಗಿದೆ.
2019ರ ಜನವರಿಯಿಂದ ಆಗಸ್ಟ್‌ ಅವಧಿಯಲ್ಲಿ ಮೂರನೇ ಬಾರಿಗೆ ಜಿಎಸ್‌ಟಿ ಸಂಗ್ರಹವು ₹ 1 ಲಕ್ಷ ಕೋಟಿ ಗಿಂತಲೂ ಕೆಳಕ್ಕೆ ಇಳಿದಿದೆ.ಆಗಸ್ಟ್‌ ತಿಂಗಳ ಜಿಎಸ್‌ಟಿಆರ್‌ 3ಬಿ ಸಲ್ಲಿಕೆಯು ಸೆಪ್ಟೆಂಬರ್‌ 30ರವರೆಗೆ 75.94 ಲಕ್ಷದಷ್ಟಾಗಿದೆ.
