ನವದೆಹಲಿ: ದೇಶದ ತಯಾರಿಕಾ ವಲಯದ ಚಟುವಟಿಕೆಗಳು ಆಗಸ್ಟ್‌ ತಿಂಗಳಲ್ಲಿ ತುಸು ಇಳಿಕೆ ಕಂಡಿವೆ. ಜುಲೈ ತಿಂಗಳಲ್ಲಿ 55.3ರಷ್ಟು ಇದ್ದ ಐಎಚ್‌ಎಸ್‌ ಮರ್ಕಿಟ್ ಇಂಡಿಯಾ ಮ್ಯಾನುಫ್ಯಾಕ್ಚರಿಂಗ್ ಪರ್ಚೇಸಿಂಗ್ ಮ್ಯಾನೇಜರ್ಸ್ ಇಂಡೆಕ್ಸ್ (ಪಿಎಂಐ), ಆಗಸ್ಟ್‌ನಲ್ಲಿ 52.3ಕ್ಕೆ ಇಳಿದಿದೆ.
ಆದರೆ ಈ ಸೂಚ್ಯಂಕವು 50ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿ ಇರುವುದು ತಯಾರಿಕಾ ವಲಯದ ಚಟುವಟಿಕೆಗಳು ಬೆಳವಣಿಗೆ ಕಂಡಿರುವುದನ್ನು ಹೇಳುತ್ತಿವೆ. ಸೂಚ್ಯಂಕವು 50ಕ್ಕಿಂತ ಕಡಿಮೆ ಇದ್ದರೆ ಚಟುವಟಿಕೆಗಳು ಕುಸಿದಿವೆ ಎಂದು ಅರ್ಥೈಸಲಾಗುತ್ತದೆ.
‘ಆಗಸ್ಟ್‌ ತಿಂಗಳಲ್ಲಿ ದೇಶದ ತಯಾರಿಕಾ ವಲಯದ ಚೇತರಿಕೆಯು ಮುಂದುವರಿದಿದೆ. ಆದರೆ, ಚೇತರಿಕೆಯ ವೇಗವು ಕಡಿಮೆ ಆಗಿದೆ. ಬೇಡಿಕೆಯು ತುಸು ಕಡಿಮೆ ಆಗಿದ್ದು ಇದಕ್ಕೆ ಕಾರಣ’ ಎಂದು ಐಎಚ್‌ಎಸ್‌ ಮರ್ಕಿಟ್ ಸಂಸ್ಥೆಯ ಸಹಾಯಕ ನಿರ್ದೇಶಕಿ ಪಾಲಿಯಾನಾ ಡಿ ಲಿಮಾ ಹೇಳಿದ್ದಾರೆ.
