<p><strong>ನವದೆಹಲಿ: </strong>ದೇಶದ ಎರಡನೇ ಅತಿದೊಡ್ಡ ಐ.ಟಿ. ಸೇವಾ ಕಂಪನಿಯಾದ ಇನ್ಫೊಸಿಸ್, ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 5,197 ಕೋಟಿ ನಿವ್ವಳ ಲಾಭ ಗಳಿಸಿದೆ.</p>.<p>ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಕಂಪನಿಯು ₹ 4,457 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಲಾಭದಲ್ಲಿ ಈ ಬಾರಿ ಶೇಕಡ 16.6ರಷ್ಟು ಏರಿಕೆ ಆಗಿದೆ.</p>.<p>ವರಮಾನ ಸಂಗ್ರಹವು ₹ 23,092 ಕೋಟಿಗಳಿಂದ ₹ 25,927 ಕೋಟಿಗಳಿಗೆ ಶೇ 12.3ರಷ್ಟು ವೃದ್ಧಿಯಾಗಿದೆ. ‘ಇನ್ಫೊಸಿಸ್ ತಂಡವು ಮತ್ತೊಂದು ತ್ರೈಮಾಸಿಕದಲ್ಲಿಯೂ ಉತ್ತಮ ಫಲಿತಾಂಶ ನೀಡಿದೆ. ಡಿಜಿಟಲ್ ಸ್ಥಿತ್ಯಂತರಕ್ಕೆ ಗಮನ ನೀಡಿರುವ ಗ್ರಾಹಕ ಕೇಂದ್ರಿತ ಕಾರ್ಯತಂತ್ರವು ಉತ್ತಮ ಬೆಳವಣಿಗೆಗೆ ಕಾರಣವಾಗಲಿದೆ’ ಎಂದು ಇನ್ಫೊಸಿಸ್ ಸಿಇಒ ಸಲೀಲ್ ಪಾರೀಖ್ ಹೇಳಿದ್ದಾರೆ.</p>.<p><strong>ವಿಪ್ರೊ ಲಾಭ ಹೆಚ್ಚಳ: </strong>ದೇಶದ ಇನ್ನೊಂದು ಪ್ರಮುಖ ಐ.ಟಿ. ಸೇವಾ ಕಂಪನಿಯಾದ ವಿಪ್ರೊ, ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 2,968 ಕೋಟಿ ನಿವ್ವಳ ಲಾಭ ಗಳಿಸಿದೆ. ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಆಗಿದ್ದ ₹ 2,455 ಕೋಟಿ ಲಾಭಕ್ಕೆ ಹೋಲಿಸಿದರೆ ಈ ಬಾರಿ ನಿವ್ವಳ ಲಾಭದಲ್ಲಿ ಶೇ 21ರಷ್ಟು ಏರಿಕೆ ಕಂಡುಬಂದಿದೆ.</p>.<p>ಕಾರ್ಯಾಚರಣಾ ವರಮಾನ ಶೇ 1.3ರಷ್ಟು ಹೆಚ್ಚಾಗಿದ್ದು ₹ 15,670 ಕೋಟಿಗಳಿಗೆ ತಲುಪಿದೆ. ‘ಬೇಡಿಕೆಯು ನಿಧಾನವಾಗಿ ಸುಧಾರಿಸುತ್ತಿದೆ. ಅದರಲ್ಲಿಯೂ ಮುಖ್ಯವಾಗಿ ಡಿಜಿಟಲ್ ಸ್ಥಿತ್ಯಂತರ, ಡಿಜಿಟಲ್ ಕಾರ್ಯಾಚರಣೆ ಹಾಗೂ ಕ್ಲೌಡ್ ಸೇವೆಗಳಲ್ಲಿ ಬೆಳವಣಿಗೆ ಕಂಡುಬರುತ್ತಿದೆ’ ಎಂದು ಕಂಪನಿ ಹೇಳಿದೆ.</p>.<p>ಲಾಭಾಂಶ: ಕಂಪನಿಯು ಪ್ರತಿ ಷೇರಿಗೆ ₹ 1ರ ಲಾಭಾಂಶ ಘೋಷಣೆ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ದೇಶದ ಎರಡನೇ ಅತಿದೊಡ್ಡ ಐ.ಟಿ. ಸೇವಾ ಕಂಪನಿಯಾದ ಇನ್ಫೊಸಿಸ್, ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 5,197 ಕೋಟಿ ನಿವ್ವಳ ಲಾಭ ಗಳಿಸಿದೆ.</p>.<p>ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಕಂಪನಿಯು ₹ 4,457 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಲಾಭದಲ್ಲಿ ಈ ಬಾರಿ ಶೇಕಡ 16.6ರಷ್ಟು ಏರಿಕೆ ಆಗಿದೆ.</p>.<p>ವರಮಾನ ಸಂಗ್ರಹವು ₹ 23,092 ಕೋಟಿಗಳಿಂದ ₹ 25,927 ಕೋಟಿಗಳಿಗೆ ಶೇ 12.3ರಷ್ಟು ವೃದ್ಧಿಯಾಗಿದೆ. ‘ಇನ್ಫೊಸಿಸ್ ತಂಡವು ಮತ್ತೊಂದು ತ್ರೈಮಾಸಿಕದಲ್ಲಿಯೂ ಉತ್ತಮ ಫಲಿತಾಂಶ ನೀಡಿದೆ. ಡಿಜಿಟಲ್ ಸ್ಥಿತ್ಯಂತರಕ್ಕೆ ಗಮನ ನೀಡಿರುವ ಗ್ರಾಹಕ ಕೇಂದ್ರಿತ ಕಾರ್ಯತಂತ್ರವು ಉತ್ತಮ ಬೆಳವಣಿಗೆಗೆ ಕಾರಣವಾಗಲಿದೆ’ ಎಂದು ಇನ್ಫೊಸಿಸ್ ಸಿಇಒ ಸಲೀಲ್ ಪಾರೀಖ್ ಹೇಳಿದ್ದಾರೆ.</p>.<p><strong>ವಿಪ್ರೊ ಲಾಭ ಹೆಚ್ಚಳ: </strong>ದೇಶದ ಇನ್ನೊಂದು ಪ್ರಮುಖ ಐ.ಟಿ. ಸೇವಾ ಕಂಪನಿಯಾದ ವಿಪ್ರೊ, ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 2,968 ಕೋಟಿ ನಿವ್ವಳ ಲಾಭ ಗಳಿಸಿದೆ. ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಆಗಿದ್ದ ₹ 2,455 ಕೋಟಿ ಲಾಭಕ್ಕೆ ಹೋಲಿಸಿದರೆ ಈ ಬಾರಿ ನಿವ್ವಳ ಲಾಭದಲ್ಲಿ ಶೇ 21ರಷ್ಟು ಏರಿಕೆ ಕಂಡುಬಂದಿದೆ.</p>.<p>ಕಾರ್ಯಾಚರಣಾ ವರಮಾನ ಶೇ 1.3ರಷ್ಟು ಹೆಚ್ಚಾಗಿದ್ದು ₹ 15,670 ಕೋಟಿಗಳಿಗೆ ತಲುಪಿದೆ. ‘ಬೇಡಿಕೆಯು ನಿಧಾನವಾಗಿ ಸುಧಾರಿಸುತ್ತಿದೆ. ಅದರಲ್ಲಿಯೂ ಮುಖ್ಯವಾಗಿ ಡಿಜಿಟಲ್ ಸ್ಥಿತ್ಯಂತರ, ಡಿಜಿಟಲ್ ಕಾರ್ಯಾಚರಣೆ ಹಾಗೂ ಕ್ಲೌಡ್ ಸೇವೆಗಳಲ್ಲಿ ಬೆಳವಣಿಗೆ ಕಂಡುಬರುತ್ತಿದೆ’ ಎಂದು ಕಂಪನಿ ಹೇಳಿದೆ.</p>.<p>ಲಾಭಾಂಶ: ಕಂಪನಿಯು ಪ್ರತಿ ಷೇರಿಗೆ ₹ 1ರ ಲಾಭಾಂಶ ಘೋಷಣೆ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
