ನವದೆಹಲಿ: ವಿಮಾನ ಇಂಧನ ದರವನ್ನು (ಎಟಿಎಫ್‌) ಪ್ರತಿ ಕಿಲೋ ಲೀಟರಿಗೆ ₹1476.79 ರಷ್ಟು (ಶೇ 1.65) ಹೆಚ್ಚಿಸಲಾಗಿದೆ. ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ನಾಲ್ಕು ತಿಂಗಳ ಬಳಿಕ ದರ ಹೆಚ್ಚಳ ಮಾಡಿವೆ.
ಈ ಪರಿಷ್ಕರಣೆಯಿಂದಾಗಿ ದೆಹಲಿಯಲ್ಲಿ ಪ್ರತಿ ಕಿಲೋ ಲೀಟರ್ ದರ ₹90779.88ಕ್ಕೆ ಏರಿಕೆ ಆಗಿದೆ. (ಒಂದು ಕಿಲೋ ಲೀಟರ್ ಎಂದರೆ ಒಂದು ಸಾವಿರ ಲೀಟರ್). ಸ್ಥಳೀಯ ಮಾರಾಟ ತೆರಿಗೆ ಅಥವಾ ವ್ಯಾಟ್‌ಗೆ ಅನುಗುಣವಾಗಿ ರಾಜ್ಯದಿಂದ ರಾಜ್ಯಕ್ಕೆ ಮಾರಾಟ ದರದಲ್ಲಿ ವ್ಯತ್ಯಾಸ ಆಗುತ್ತದೆ. ನಾಲ್ಕು ತಿಂಗಳಿನಿಂದ ಇಳಿಮುಖ ಆಗಿದ್ದ ಕಚ್ಚಾ ತೈಲ ದರ ಇದೀಗ ಏರಿಕೆ ಕಾಣುತ್ತಿದೆ. ಹೀಗಾಗಿ ಎಟಿಎಫ್‌ ದರ ಹೆಚ್ಚಳ ಮಾಡಿರುವುದಾಗಿ ಕಂಪನಿಗಳು ತಿಳಿಸಿವೆ.
