ಮುಂಬೈ: ಸುಲಭವಾಗಿ ಗೃಹ ಸಾಲ ನೀಡುವ ಉದ್ದೇಶಕ್ಕೆ ಎಲ್ಐಸಿ ಹೌಸಿಂಗ್ ಫೈನಾನ್ಸ್ (ಎಲ್ಐಸಿಎಚ್ಎಫ್ಎಲ್), ಇಂಡಿಯಾ ಮಾರ್ಟಗೇಜ್ ಗ್ಯಾರಂಟಿ ಕಾರ್ಪೊರೇಷನ್ (ಐಎಂಜಿಸಿ) ಜತೆ ಒಪ್ಪಂದ ಮಾಡಿಕೊಂಡಿದೆ.
ಈ ಒಪ್ಪಂದದ ಫಲವಾಗಿ ಹೆಚ್ಚು ಜನರಿಗೆ ಗೃಹ ವಿತರಿಸಲು ಮತ್ತು ಮಾರುಕಟ್ಟೆ ವಿಸ್ತರಿಸಲು ‘ಎಲ್ಐಸಿಎಚ್ಎಫ್ಎಲ್’ಗೆ ನೆರವಾಗಲಿದೆ.
‘ಒಪ್ಪಂದದಿಂದಾಗಿ, ಸಾಲಗಾರರ ಅರ್ಹತಾ ಮಾನದಂಡ ಹೆಚ್ಚಳ, ಮರುಪಾವತಿ ಅವಧಿ ಹೆಚ್ಚಳ, ಇತರ ಕಾರಣಗಳಿಗೆ ಸಾಲ ನಿರಾಕರಿಸುವ ನಿರ್ಬಂಧಗಳನ್ನು ಸಡಿಲುಗೊಳಿಸಲು ಸಾಧ್ಯವಾಗಲಿದೆ’ ಎಂದು ಎಲ್ಐಸಿ ಎಚ್ಎಫ್ಎಲ್ನ ಸಿಇಒ ವಿನಯ್ ಶಾ ಹೇಳಿದ್ದಾರೆ.
‘ಅಡಮಾನ ಸಾಲ ಸುಸ್ತಿಯಾದ ಪ್ರಕರಣಗಳಲ್ಲಿ ಹಣಕಾಸು ಸಂಸ್ಥೆಗಳಿಗೆ ಪರಿಹಾರ ಒದಗಿಸುವ ಅಡಮಾನ ಖಾತರಿ ಸೌಲಭ್ಯವನ್ನು ‘ಐಎಂಜಿಸಿ’ ಒದಗಿಸಲಿದೆ’ ಎಂದು ‘ಐಎಂಜಿಸಿ’ಯ ಸಿಇಒ ಮಹೇಶ್ ಮಿಶ್ರಾ ತಿಳಿಸಿದ್ದಾರೆ.