ಅಲ್ಪಾವಧಿ ಹೂಡಿಕೆಗೆ ಬಯಸುತ್ತಿದ್ದೀರಾ? ಲಿಕ್ವಿಡ್ ಫಂಡ್ಸ್ ಬಗ್ಗೆ ತಿಳಿಯಿರಿ

ಅಲ್ಪಾವಧಿ ಹೂಡಿಕೆ ಮಾಡಲು ಬಯಸುತ್ತಿದ್ದೀರಾ? ಹಾಗಿದ್ದರೆ ಲಿಕ್ವಿಡ್ ಫಂಡ್ಸ್ ಬಗ್ಗೆ ತಿಳುವಳಿಕೆ ಬಹುಮುಖ್ಯ

. ***

. ನಮ್ಮ ಬಳಿ ಹೆಚ್ಚುವರಿ ಹಣವಿದ್ದರೆ ಅದನ್ನು ಹೇಗೆ ವಿನಿಯೋಗಿಸಬೇಕು ಎನ್ನುವ ಗೊಂದಲಕ್ಕೆ ಒಳಗಾಗುತ್ತೇವೆ. ಸ್ಪಷ್ಟ ನಿರ್ಧಾರಕ್ಕೆ ಬರದಿದ್ದರೆ ಈ ಹಣ ನಮ್ಮ ಬ್ಯಾಂಕ್ ಶಾಖೆಯ ಉಳಿತಾಯ ಖಾತೆಯಲ್ಲೇ ಇರುತ್ತದೆ. ಹೆಚ್ಚುವರಿ ಹಣವನ್ನು ಬೇರೆ ಕಡೆಗಳಲ್ಲಿ ಹೂಡಿಕೆ ಮಾಡುವುದರಿಂದ ಉಳಿತಾಯ ಖಾತೆಯಿಂದ ಬರುವ ಅಲ್ಪ ಪ್ರಮಾಣದ ಬಡ್ಡಿಗಿಂತ ಹೆಚ್ಚಿನ ಲಾಭ ಪಡೆಯಬಹುದು. ಇಂತಹ ಸಂದರ್ಭದಲ್ಲಿ ಲಿಕ್ವಿಡ್ ಫಂಡ್ಸ್ಗಳಲ್ಲಿ ಹಣ ಹೂಡಿಕೆ ಮಾಡುವುದು ಹೆಚ್ಚು ಪ್ರಯೋಜನಕಾರಿಯಾಗಿರುತ್ತದೆ.

. ಲಿಕ್ವಿಡ್ ಫಂಡ್ಸ್ ಎಂದರೇನು?

. ಲಿಕ್ವಿಡ್ ಫಂಡ್ಸ್ಗಳು ಡೆಟ್ ಮ್ಯೂಚುವಲ್ ಫಂಡ್ಸ್ಗಳಾಗಿರುತ್ತವೆ. ಅಲ್ಪಾವಧಿ ಸ್ಥಿರ ಆದಾಯ ತರುವ ಸರ್ಕಾರಿ, ಬ್ಯಾಂಕ್ ಮತ್ತು ಖಾಸಗಿ ಸಂಸ್ಥೆಗಳ ಬಾಂಡ್ಗಳಲ್ಲಿ ಹೂಡಿಕೆ ಮಾಡಲಾಗುವುದು. ಷೇರು ನಿಯಂತ್ರಣ ಮಂಡಳಿಯ (ಸೆಬಿ) ನಿಯಾಮವಳಿಗಳ ಪ್ರಕಾರ 91 ದಿನಗಳಲ್ಲಿ ಈ ಬಾಂಡ್ಗಳು ಪರಿಪಕ್ವತೆ ಹೊಂದುತ್ತವೆ. ಡೆಟ್ ಮ್ಯೂಚುವಲ್ ಫಂಡ್ ವಿಭಾಗದಲ್ಲಿ ಲಿಕ್ವಿಡ್ ಫಂಡ್ಸ್ಗಳು ಅತ್ಯಂತ ಕಡಿಮೆ ನಷ್ಟ ಸಾಧ್ಯತೆ ಹೊಂದಿರುತ್ತವೆ.

. ತಕ್ಷಣ ನಗದು ಪಡೆದುಕೊಳ್ಳಬಹುದು

. ನಿಮ್ಮ ಲಿಕ್ವಿಡ್ ಫಂಡ್ಸ್ಗಳನ್ನು ಮರಳಿಸಿ ತಕ್ಷಣ ನಗದು ಪಡೆದುಕೊಳ್ಳಬಹುದು. ಈ ಸೌಲಭ್ಯವನ್ನು ಕೆಲವು ಮ್ಯೂಚುವಲ್ ಫಂಡ್ ಸಂಸ್ಥೆಗಳು (ಎಎಂಸಿ) ನೀಡುತ್ತವೆ. ಈ ಸೇವೆಯ ಸಹಾಯದಿಂದ ಹೂಡಿಕೆದಾರರು ₹ 50 ಸಾವಿರದವರೆಗೂ ಅಥವಾ ತಮ್ಮ ಹೂಡಿಕೆಯ ಶೇಕಡ 90 ರಷ್ಟನ್ನು ನಗದು ರೂಪದಲ್ಲಿ ಹಿಂದೆ ಪಡೆದುಕೊಳ್ಳಬಹುದು.

. ಏರುಪೇರು ಸಾಧ್ಯತೆ ಕಡಿಮೆ

. ಉಳಿತಾಯ ಖಾತೆ ಮತ್ತು ಬ್ಯಾಂಕ್ ಸ್ಥಿರ ಠೇವಣಿಗೆ ಹೋಲಿಸಿದರೆ ಡೆಟ್ ಮ್ಯೂಚುವಲ್ ಫಂಡ್ಸ್ ಖಚಿತವಾದ ಲಾಭ ಒದಗಿಸುವುದಿಲ್ಲ. ಲಿಕ್ವಿಡ್ ಫಂಡ್ಸ್ ಒಳಗೊಂಡಂತೆ ಡೆಟ್ ಮ್ಯೂಚುವಲ್ ಫಂಡ್ಸ್ ಸ್ವಲ್ಪ ಮಟ್ಟಿಗಿನ ರಿಸ್ಕ್ ಒಳಗೊಂಡಿರುತ್ತವೆ. ಹಾಗಿದ್ದರೂ ಕೂಡ ಲಿಕ್ಟಿಡ್ ಫಂಡ್ಸ್ಗಳು ಸ್ಥಿರವಾದ ಲಾಭವನ್ನು ಒದಗಿಸಿಕೊಡುತ್ತವೆ.

. ಈ ಸಂದರ್ಭದಲ್ಲಿ ಲಿಕ್ವಿಡ್ ಫಂಡ್ಸ್ಗಳಲ್ಲಿ ಹೂಡಿಕೆ ಮಾಡಬಹುದು

. * ಬ್ಯಾಂಕ್ ಖಾತೆಯಲ್ಲಿ ಬಳಕೆ ಮಾಡದೆ ಅಧಿಕ ಹಣ ಉಳಿದಿದ್ದರೆ ಮತ್ತು ಅದನ್ನು ಬಳಕೆ ಮಾಡಲು ಇನ್ನೂ ಆಲೋಚಿಸಿರದಿದ್ದರೆ ಲಿಕ್ವಿಡ್ ಫಂಡ್ಸ್ಗಳಲ್ಲಿ ಹೂಡಿಕೆ ಮಾಡಬಹುದು

. *ತುರ್ತು ಸಂದರ್ಭದಲ್ಲಿ ನಗದಿನ ಅವಶ್ಯಕತೆ ಇರುತ್ತದೆ. ಒಂದು ವೇಳೆ ಲಿಕ್ವಿಡ್ ಫಂಡ್ಸ್ಗಳಲ್ಲಿ ಹೂಡಿಕೆ ಮಾಡಿದ್ದರೆ ಸುಲಭವಾಗಿ ನಗದು ಪಡೆದುಕೊಳ್ಳಬಹುದು

. *ಸಂಬಳ ಪಡೆಯುವವರು ಲಿಕ್ವಿಡ್ ಫಂಡ್ಸ್ಗಳಲ್ಲಿ ನೆಮ್ಮದಿಯಿಂದ ಹೂಡಿಕೆ ಮಾಡಬಹುದು. ಅವರಿಗೆ ಅಗತ್ಯವಿದ್ದಾಗ ವಾಪಸ್ ಪಡೆದುಕೊಳ್ಳಬಹುದು

. ಸರಿಯಾದ ಲಿಕ್ವಿಡ್ ಫಂಡ್ಸ್ ಆಯ್ಕೆ ಮಾಡಿ

. 40ಕ್ಕಿಂತಲೂ ಹೆಚ್ಚಿನ ಲಿಕ್ವಿಡ್ ಫಂಡ್ಸ್ಗಳನ್ನು ವಿವಿಧ ಮ್ಯೂಚುವಲ್ ಫಂಡ್ಸ್ ಸಂಸ್ಥೆಗಳು ನೀಡುತ್ತವೆ. ಇಂಥ ಸಂದರ್ಭದಲ್ಲಿ ಲಿಕ್ವಿಡ್ ಫಂಡ್ಸ್ ಆಯ್ಕೆ ಸ್ವಲ್ಪ ಕಠಿಣ. ಈ ಕೆಳಗಿನ ಸಂಗತಿಗಳು ನಿಮ್ಮ ನೆರವಿಗೆ ಬರುತ್ತವೆ.

. 1. ಫಂಡ್ಸ್ಗಳ ನಿರ್ವಹಣೆಯಲ್ಲಿರುವ ಸಂಪತ್ತು ಎಷ್ಟು ಇದೆ ಎನ್ನುವುದನ್ನು ತಿಳಿದುಕೊಳ್ಳಿ. ಇದರಿಂದ ನಿವ್ವಳ ಆಸ್ತಿ ಮೌಲ್ಯದ ಮೇಲೆ ಪರಿಣಾಮ ಕಡಿಮೆ ಆಗಿ ಗ್ರಾಹಕರಿಗೆ ನಷ್ಟದ ಸಾಧ್ಯತೆ ಕೂಡ ಕಡಿಮೆಯಾಗುತ್ತದೆ.

. 2. ಈ ಹಿಂದಿನ ಆದಾಯದ ಮೇಲೆ ಫಂಡ್ಸ್ಗಳ ಆಯ್ಕೆ ಬೇಡ. ಜಾಸ್ತಿ ಲಾಭ ನೀಡುತ್ತವೆ ಎನ್ನುವ ಉದ್ದೇಶದಿಂದ ಹೂಡಿಕೆ ಮಾಡಬೇಡಿ.

. 3. ಸಾಲ ಮರುಪಾವತಿ ಮಾಡುವ ಸಾಮರ್ಥ್ಯ ಉತ್ತಮವಾಗಿರುವ ಫಂಡ್ಸ್ಗಳ ಆಯ್ಕೆ ಉತ್ತಮ. ಇಂತಹ ಸಾಮರ್ಥ್ಯ ಅಧಿಕವಿದ್ದರೆ ಕ್ರೆಡಿಡ್ ರಿಸ್ಕ್ ಕಡಿಮೆ ಇರುತ್ತದೆ.

. 4. ಆಡಳಿತಾತ್ಮಕ ಉದ್ದೇಶಕ್ಕೆ ಕಡಿಮೆ ವೆಚ್ಚ ಮಾಡುವ (expense ratio) ಫಂಡ್ಸ್ ಆಯ್ಕೆ ಹೆಚ್ಚು ಸೂಕ್ತ

. (ಪೇಟಿಎಂ ಮನಿ ಅಡ್ವೈಸರಿ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಲ್ಪಾವಧಿ ಹೂಡಿಕೆಗೆ ಬಯಸುತ್ತಿದ್ದೀರಾ? ಲಿಕ್ವಿಡ್ ಫಂಡ್ಸ್ ಬಗ್ಗೆ ತಿಳಿಯಿರಿ

ಚಿನಕುರುಳಿ: ಶುಕ್ರವಾರ, 27 ಫೆಬ್ರುವರಿ ‌2026

ಗುಂಡಣ್ಣ: ಶುಕ್ರವಾರ, 27 ಫೆಬ್ರುವರಿ ‌2026

ಚುರುಮುರಿ: ಬೆಂಗಳೂರಂ!

ದಿನ ಭವಿಷ್ಯ: ಸಾಂಸಾರಿಕವಾಗಿ ತಪ್ಪು ಪುನರಾವರ್ತನೆಯಾಗದಂತೆ ಎಚ್ಚರ ವಹಿಸಿ..

ಕ್ರಾಸ್‌ ಕಂಟ್ರಿ ಚಾಂಪಿಯನ್‌ಷಿಪ್‌: ಮಂಗಳೂರು ವಿವಿ ಚಾಂಪಿಯನ್‌

ಟಿ20 ವಿಶ್ವಕಪ್‌ | ಜ್ಯಾಕ್ಸ್‌, ರೆಹಾನ್‌ ಸಾಹಸ: ಇಂಗ್ಲೆಂಡ್‌ಗೆ ಜಯ

T–20 World Cup: ಪಿತೃತ್ವ ರಜೆ; ನ್ಯೂಜಿಲೆಂಡ್‌ನ ಮ್ಯಾಟ್ ಹೆನ್ರಿ ತವರಿಗೆ

ಪ್ರಾಗ್ ಚೆಸ್‌ ಟೂರ್ನಿ: ಎರಡನೇ ಸುತ್ತಿನಲ್ಲೂ ಡ್ರಾ ಮಾಡಿಕೊಂಡ ಗುಕೇಶ್

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಚಿನಕುರುಳಿ: ಶುಕ್ರವಾರ, 27 ಫೆಬ್ರುವರಿ ‌2026

ಗುಂಡಣ್ಣ: ಶುಕ್ರವಾರ, 27 ಫೆಬ್ರುವರಿ ‌2026

ಚುರುಮುರಿ: ಬೆಂಗಳೂರಂ!

ದಿನ ಭವಿಷ್ಯ: ಸಾಂಸಾರಿಕವಾಗಿ ತಪ್ಪು ಪುನರಾವರ್ತನೆಯಾಗದಂತೆ ಎಚ್ಚರ ವಹಿಸಿ..