ನವದೆಹಲಿ: ಮಂಗೋಲಿಯಾದಲ್ಲಿ ತೈಲ ಸಂಸ್ಕರಣಾ ಘಟಕ ನಿರ್ಮಾಣ ಮಾಡುವ ₹5,400 ಕೋಟಿ ಮೊತ್ತದ ಯೋಜನೆಯನ್ನು ಭಾರತದ ಮೇಘಾ ಎಂಜಿನಿಯರಿಂಗ್‌ ಆ್ಯಂಡ್‌ ಇನ್ಫ್ರಾಸ್ಟ್ರಕ್ಚರ್‌ ಲಿಮಿಟೆಡ್ (ಎಂಇಐಎಲ್‌) ಪಡೆದುಕೊಂಡಿದೆ.
ಸರ್ಕಾರಿ ಸ್ವಾಮ್ಯದ ಮಂಗೋಲಿಯಾ ರಿಫೈನರಿಯು ಈ ಯೋಜನೆಯನ್ನು ನೀಡಿದೆ ಎಂದು ಎಂಇಐಎಲ್‌ ಪ್ರಕಟಣೆಯಲ್ಲಿ ಶುಕ್ರವಾರ ತಿಳಿಸಿದೆ.
ಈ ತೈಲ ಸಂಸ್ಕರಣಾ ಘಟಕವು ವಾರ್ಷಿಕ 15 ಲಕ್ಷ ಟನ್‌ ಸಾಮರ್ಥ್ಯವನ್ನು ಹೊಂದುವ ನಿರೀಕ್ಷೆ ಮಾಡಲಾಗಿದ್ದು, ಮಂಗೋಲಿಯಾದ ಪೆಟ್ರೋಲ್‌, ಡೀಸೆಲ್, ವಿಮಾನ ಇಂಧನ ಮತ್ತು ಎಲ್‌ಪಿಜಿ ಬೇಡಿಕೆಯನ್ನು ಈಡೇರಿಸಲಿದೆ ಎಂದು ಹೇಳಿದೆ.
