ಶುಕ್ರವಾರ, ಫೆಬ್ರವರಿ 28, 2020
19 °C

ಬ್ಯಾಂಕ್‌ ಎನ್‌ಪಿಎ: ₹7.27 ಲಕ್ಷ ಕೋಟಿ: ಲೋಕಸಭೆಗೆ ಸರ್ಕಾರ ಮಾಹಿತಿ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಸರ್ಕಾರಿ ಸ್ವಾಮ್ಯದ ಬ್ಯಾಂಕ್‌ಗಳ ವಸೂಲಾಗದ ಸಾಲದ (ಎನ್‌ಪಿಎ) ಪ್ರಮಾಣವು 2019ರ ಸೆಪ್ಟೆಂಬರ್‌ ಅಂತ್ಯಕ್ಕೆ ₹7.27 ಲಕ್ಷ ಕೋಟಿಗಳಷ್ಟಿದೆ.

ಹಣಕಾಸು ರಾಜ್ಯ ಸಚಿವ ಅನುರಾಗ್‌ ಸಿಂಗ್‌ ಠಾಕೂರ್‌ ಅವರು ಲೋಕಸಭೆಗೆ ಈ ಮಾಹಿತಿ ನೀಡಿದ್ದಾರೆ.

‘ವಾಣಿಜ್ಯ ಬ್ಯಾಂಕ್‌ಗಳು ಮತ್ತು ಆಯ್ದ ಹಣಕಾಸು ಸಂಸ್ಥೆಗಳಲ್ಲಿ 2019–20ನೇ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ₹1.13 ಲಕ್ಷ ಕೋಟಿ ಮೊತ್ತದ ವಂಚನೆ ಪ್ರಕರಣಗಳು ನಡೆದಿವೆ. ಬ್ಯಾಂಕ್‌ಗಳ ಪುನರ್ಧನ, ಸುಧಾರಣಾ ಕ್ರಮಗಳ ಫಲವಾಗಿ ‘ಎನ್‌ಪಿಎ’ ಪ್ರಮಾಣವು ₹1.68 ಲಕ್ಷ ಕೋಟಿಗಳಷ್ಟು ಕಡಿಮೆಯಾಗಿದೆ’ ಎಂದು ತಿಳಿಸಿದ್ದಾರೆ.

ಆಧಾರ್‌ಗೆ ಪ್ಯಾನ್‌ ಜೋಡಣೆ: ಈ ವರ್ಷದ ಜನವರಿ 27ರವರೆಗೆ ಆಧಾರ್‌ ಜತೆಗೆ 30 ಕೋಟಿ ಶಾಶ್ವತ ಖಾತೆ ಸಂಖ್ಯೆ (ಪ್ಯಾನ್‌) ಜೋಡಿಸಲಾಗಿದೆ.

‘ಪ್ಯಾನ್‌ ಮತ್ತು ಆಧಾರ್ ಜೋಡಣೆಯ ಗಡುವನ್ನು ಈ ವರ್ಷದ ಮಾರ್ಚ್‌ ಅಂತ್ಯದವರೆಗೆ ವಿಸ್ತರಿಸಲಾಗಿದೆ. 17 ಕೋಟಿ ಪ್ಯಾನ್‌ಗಳು ಇನ್ನೂ ಆಧಾರ್‌ ಜತೆ ಜೋಡಣೆಯಾಗಬೇಕಾಗಿದೆ. ಶೇ 85ರಷ್ಟು ಚಾಲ್ತಿ ಖಾತೆ ಮತ್ತು ಉಳಿತಾಯ ಖಾತೆಗಳಿಗೆ ‘ಆಧಾರ್‌’ ಜೋಡಣೆಯಾಗಿದೆ' ಎಂದು ಠಾಕೂರ್‌ ತಿಳಿಸಿದ್ದಾರೆ.

ಆದಾಯ ತೆರಿಗೆ ಕಾಯ್ದೆಯಡಿ, ₹10 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತದ ಆಸ್ತಿ ಮಾರಾಟ ಅಥವಾ ಖರೀದಿ ಸಂದರ್ಭದಲ್ಲಿ ಪ್ಯಾನ್‌ ನಮೂದಿಸುವುದು ಕಡ್ಡಾಯವಾಗಿದೆ.

* 30 ಕೋಟಿ: ಇದುವರೆಗೆ ಆಧಾರ್‌ ಜತೆ ಜೋಡಣೆಯಾಗಿರುವ ಪ್ಯಾನ್‌ ಸಂಖ್ಯೆ

* 17 ಕೋಟಿ: ಆಧಾರ್‌ಗೆ ಜೋಡಣೆಯಾಗಬೇಕಾಗಿರುವ ‘ಪ್ಯಾನ್‌’ಗಳ ಸಂಖ್ಯೆ

* 59.15 ಕೋಟಿ: ಬ್ಯಾಂಕ್‌ಗಳು ವಿತರಿಸಿರುವ ರೂಪೆ ಕಾರ್ಡ್‌ಗಳ ಸಂಖ್ಯೆ

* 85 %: ಆಧಾರ್‌ ಜೋಡಣೆಯಾಗಿರುವ ಚಾಲ್ತಿ ಮತ್ತು ಉಳಿತಾಯ ಖಾತೆ ಪ್ರಮಾಣ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು