ಬೆಂಗಳೂರು: ದೇಶದಾದ್ಯಂತ ಪೆಟ್ರೋಲ್, ಡೀಸೆಲ್ ದರ ನಾಲ್ಕು ದಿನಗಳಿಂದ ಪೈಸೆಗಳ ಲೆಕ್ಕದಲ್ಲಿ ಏರಿಕೆಯಾಗುತ್ತಲೇ ಇದೆ.
ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ ಗುರುವಾರ 25 ಪೈಸೆ ಹೆಚ್ಚಾಗಿ ₹ 90.78ರಂತೆ ಹಾಗೂ ಡೀಸೆಲ್ ದರ 32 ಪೈಸೆ ಹೆಚ್ಚಾಗಿ ₹ 82.72ರಂತೆ ಮಾರಾಟವಾಗಿದೆ. ನಾಲ್ಕು ದಿನಗಳಲ್ಲಿ ಪೆಟ್ರೋಲ್ ದರ 93 ಪೈಸೆಯಷ್ಟು, ಡೀಸೆಲ್ ದರ 96 ಪೈಸೆಯಷ್ಟು ಹೆಚ್ಚಾದಂತಾಗಿದೆ.
ದೆಹಲಿಯಲ್ಲಿ ಪೆಟ್ರೋಲ್ ದರ 25 ಪೈಸೆ ಹೆಚ್ಚಾಗಿ ₹ 87.85ಕ್ಕೆ, ಡೀಸೆಲ್ ದರ 30 ಪೈಸೆ ಹೆಚ್ಚಾಗಿ ₹ 78.03ಕ್ಕೆ ಏರಿಕೆಯಾಗಿದೆ. ಮುಂಬೈನಲ್ಲಿ ಪೆಟ್ರೋಲ್ ₹ 94.36ಕ್ಕೆ ಹಾಗೂ ಡೀಸೆಲ್ ದರ ₹ 84.94ಕ್ಕೆ ಮಾರಾಟವಾಗಿದೆ.