<p><strong>ನವದೆಹಲಿ:</strong> ರಾಷ್ಟ್ರೀಯ ಪಿಂಚಣಿ ಯೋಜನೆ (ಎನ್ಪಿಎಸ್) ನಿಧಿಯ ಹೂಡಿಕೆಯಲ್ಲಿ ಸಮತೋಲನ ಕಾಯ್ದುಕೊಳ್ಳುವ ಸಂಬಂಧ ಹೊಸ ವ್ಯವಸ್ಥೆ ಜಾರಿಗೊಳಿಸಲು ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಪಿಎಫ್ಆರ್ಡಿಎ) ಮುಂದಾಗಿದೆ.</p>.<p>ಆಗಸ್ಟ್ ಅಥವಾ ಸೆಪ್ಟೆಂಬರ್ನಿಂದ ಜಾರಿಗೆ ಬರಲಿರುವ ಈ ವ್ಯವಸ್ಥೆಯು ಖಾಸಗಿ ವಲಯದ ಉದ್ಯೋಗಿಗಳಿಗಷ್ಟೇ ಅನ್ವಯವಾಗಲಿದೆ. </p>.<p>ವಯಸ್ಸಿನ ಆಧಾರದ ಮೇಲೆ ಸ್ವಯಂಚಾಲಿತ ವಿಧಾನದ ಮೂಲಕ ಈಕ್ವಿಟಿ ಮಾರುಕಟ್ಟೆಯಲ್ಲಿ ಶೇ 50ರಷ್ಟು ಹೂಡಿಕೆ ಮಾಡಲು ಚಂದಾದಾರರಿಗೆ ಈ ವ್ಯವಸ್ಥೆಯಡಿ ಅವಕಾಶ ದೊರೆಯಲಿದೆ. ಅಲ್ಲದೆ, ಇದೊಂದು ಹೆಚ್ಚುವರಿ ಆಯ್ಕೆಯಷ್ಟೇ ಆಗಿದೆ ಎಂದು ಪಿಎಫ್ಆರ್ಡಿಎ ಅಧ್ಯಕ್ಷ ಡಾ.ದೀಪಕ್ ಮೊಹಂತಿ ತಿಳಿಸಿದ್ದಾರೆ.</p>.<p>ಪ್ರಸ್ತುತ ಎನ್ಪಿಎಸ್ ಅಡಿಯಲ್ಲಿ ಹೂಡಿಕೆದಾರರ ನಿಧಿ ನಿರ್ವಹಣೆಗೆ ಸ್ವಯಂಚಾಲಿತ ಹಾಗೂ ಸಕ್ರಿಯ ಎಂಬ ಎರಡು ಆಯ್ಕೆಗಳಿವೆ. </p>.<p>ಸಕ್ರಿಯ ವಿಧಾನದಡಿ ಚಂದಾದಾರರೇ ಈಕ್ವಿಟಿ, ಕಾರ್ಪೊರೇಟ್ ಬಾಂಡ್ ಮತ್ತು ಸರ್ಕಾರಿ ಸಾಲಪತ್ರಗಳಲ್ಲಿ ಹೂಡಿಕೆ ಬಗ್ಗೆ ನಿರ್ಧಾರ ಕೈಗೊಳ್ಳಬಹುದಾಗಿದೆ.</p>.<p>ಸ್ವಯಂಚಾಲಿತ ವಿಧಾನದಡಿ (ಆಟೊ ಚಾಯ್ಸ್) ಅಗ್ರೆಸೀವ್ ಫಂಡ್ (ಈಕ್ವಿಟಿ ಹೂಡಿಕೆ ಶೇ 75ರಷ್ಟು), ಮಧ್ಯಮ ಫಂಡ್ (ಈಕ್ವಿಟಿ ಹೂಡಿಕೆ ಶೇ 50ರಷ್ಟು) ಮತ್ತು ಕನ್ಸರ್ವೇಟಿವ್ ಫಂಡ್ (ಈಕ್ವಿಟಿ ಹೂಡಿಕೆ ಶೇ 25ರಷ್ಟು) ಎಂಬ ಮೂರು ಆಯ್ಕೆಗಳಿವೆ. ಈ ವಿಧಾನದಡಿ ಹೂಡಿಕೆಯಾದ ಮೊತ್ತವನ್ನು ಚಂದಾದಾರರ ವಯೋಮಾನಕ್ಕೆ ಅನುಗುಣವಾಗಿ ಸಂಬಂಧಿತ ಎನ್ಪಿಎಸ್ ಪಾಲುದಾರ ಸಂಸ್ಥೆಗಳೇ ನಿರ್ವಹಣೆ ಮಾಡುತ್ತವೆ.</p>.<p>ಚಂದಾದಾರರು 35 ವರ್ಷ ದಾಟಿದ ಬಳಿಕ ಈ ಮೂರು ಆಯ್ಕೆಗಳಲ್ಲಿ ಈಕ್ವಿಟಿ ಮಾರುಕಟ್ಟೆಗೆ ನಿಧಿಯ ಹಂಚಿಕೆ ಪ್ರಮಾಣ ಕಡಿಮೆಯಾಗಲಿದೆ. ಸದ್ಯ ಈ ವಯಸ್ಸಿನ ಮಿತಿಯನ್ನು 45ಕ್ಕೆ ಹೆಚ್ಚಿಸಲು ನಿರ್ಧರಿಸಲಾಗಿದೆ ಎಂದು ಮೊಹಾಂತಿ ತಿಳಿಸಿದ್ದಾರೆ.</p>.<h2>ಚಂದಾದಾರರ ಸಂಖ್ಯೆ ಏರಿಕೆ:</h2>.<p>2023–24ನೇ ಆರ್ಥಿಕ ವರ್ಷದಲ್ಲಿ ಖಾಸಗಿ ವಲಯದಿಂದ ಎನ್ಪಿಎಸ್ಗೆ ಹೊಸದಾಗಿ 9.47 ಲಕ್ಷ ಚಂದಾದಾರರು ಸೇರ್ಪಡೆಯಾಗಿದ್ದಾರೆ. ಪ್ರಾಧಿಕಾರದಿಂದ ನಿರ್ವಹಿಸುವ ಸಂಪತ್ತಿನ ಮೊತ್ತದಲ್ಲಿ (ಎಯುಎಂ) ಶೇ 30.5ರಷ್ಟು ಏರಿಕೆಯಾಗಿದೆ ಎಂದು ಮೊಹಂತಿ ತಿಳಿಸಿದ್ದಾರೆ. </p>.<p>2023–24ರಲ್ಲಿ ಅಟಲ್ ಪಿಂಚಣಿ ಯೋಜನೆಯಡಿ ಹೊಸದಾಗಿ 1.24 ಕೋಟಿ ಚಂದಾದಾರರು ಸೇರ್ಪಡೆಯಾಗಿದ್ದಾರೆ. ಈ ಪೈಕಿ ಶೇ 52ರಷ್ಟು ಮಹಿಳೆಯರು ಇದ್ದಾರೆ ಎಂದು ವಿವರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ರಾಷ್ಟ್ರೀಯ ಪಿಂಚಣಿ ಯೋಜನೆ (ಎನ್ಪಿಎಸ್) ನಿಧಿಯ ಹೂಡಿಕೆಯಲ್ಲಿ ಸಮತೋಲನ ಕಾಯ್ದುಕೊಳ್ಳುವ ಸಂಬಂಧ ಹೊಸ ವ್ಯವಸ್ಥೆ ಜಾರಿಗೊಳಿಸಲು ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಪಿಎಫ್ಆರ್ಡಿಎ) ಮುಂದಾಗಿದೆ.</p>.<p>ಆಗಸ್ಟ್ ಅಥವಾ ಸೆಪ್ಟೆಂಬರ್ನಿಂದ ಜಾರಿಗೆ ಬರಲಿರುವ ಈ ವ್ಯವಸ್ಥೆಯು ಖಾಸಗಿ ವಲಯದ ಉದ್ಯೋಗಿಗಳಿಗಷ್ಟೇ ಅನ್ವಯವಾಗಲಿದೆ. </p>.<p>ವಯಸ್ಸಿನ ಆಧಾರದ ಮೇಲೆ ಸ್ವಯಂಚಾಲಿತ ವಿಧಾನದ ಮೂಲಕ ಈಕ್ವಿಟಿ ಮಾರುಕಟ್ಟೆಯಲ್ಲಿ ಶೇ 50ರಷ್ಟು ಹೂಡಿಕೆ ಮಾಡಲು ಚಂದಾದಾರರಿಗೆ ಈ ವ್ಯವಸ್ಥೆಯಡಿ ಅವಕಾಶ ದೊರೆಯಲಿದೆ. ಅಲ್ಲದೆ, ಇದೊಂದು ಹೆಚ್ಚುವರಿ ಆಯ್ಕೆಯಷ್ಟೇ ಆಗಿದೆ ಎಂದು ಪಿಎಫ್ಆರ್ಡಿಎ ಅಧ್ಯಕ್ಷ ಡಾ.ದೀಪಕ್ ಮೊಹಂತಿ ತಿಳಿಸಿದ್ದಾರೆ.</p>.<p>ಪ್ರಸ್ತುತ ಎನ್ಪಿಎಸ್ ಅಡಿಯಲ್ಲಿ ಹೂಡಿಕೆದಾರರ ನಿಧಿ ನಿರ್ವಹಣೆಗೆ ಸ್ವಯಂಚಾಲಿತ ಹಾಗೂ ಸಕ್ರಿಯ ಎಂಬ ಎರಡು ಆಯ್ಕೆಗಳಿವೆ. </p>.<p>ಸಕ್ರಿಯ ವಿಧಾನದಡಿ ಚಂದಾದಾರರೇ ಈಕ್ವಿಟಿ, ಕಾರ್ಪೊರೇಟ್ ಬಾಂಡ್ ಮತ್ತು ಸರ್ಕಾರಿ ಸಾಲಪತ್ರಗಳಲ್ಲಿ ಹೂಡಿಕೆ ಬಗ್ಗೆ ನಿರ್ಧಾರ ಕೈಗೊಳ್ಳಬಹುದಾಗಿದೆ.</p>.<p>ಸ್ವಯಂಚಾಲಿತ ವಿಧಾನದಡಿ (ಆಟೊ ಚಾಯ್ಸ್) ಅಗ್ರೆಸೀವ್ ಫಂಡ್ (ಈಕ್ವಿಟಿ ಹೂಡಿಕೆ ಶೇ 75ರಷ್ಟು), ಮಧ್ಯಮ ಫಂಡ್ (ಈಕ್ವಿಟಿ ಹೂಡಿಕೆ ಶೇ 50ರಷ್ಟು) ಮತ್ತು ಕನ್ಸರ್ವೇಟಿವ್ ಫಂಡ್ (ಈಕ್ವಿಟಿ ಹೂಡಿಕೆ ಶೇ 25ರಷ್ಟು) ಎಂಬ ಮೂರು ಆಯ್ಕೆಗಳಿವೆ. ಈ ವಿಧಾನದಡಿ ಹೂಡಿಕೆಯಾದ ಮೊತ್ತವನ್ನು ಚಂದಾದಾರರ ವಯೋಮಾನಕ್ಕೆ ಅನುಗುಣವಾಗಿ ಸಂಬಂಧಿತ ಎನ್ಪಿಎಸ್ ಪಾಲುದಾರ ಸಂಸ್ಥೆಗಳೇ ನಿರ್ವಹಣೆ ಮಾಡುತ್ತವೆ.</p>.<p>ಚಂದಾದಾರರು 35 ವರ್ಷ ದಾಟಿದ ಬಳಿಕ ಈ ಮೂರು ಆಯ್ಕೆಗಳಲ್ಲಿ ಈಕ್ವಿಟಿ ಮಾರುಕಟ್ಟೆಗೆ ನಿಧಿಯ ಹಂಚಿಕೆ ಪ್ರಮಾಣ ಕಡಿಮೆಯಾಗಲಿದೆ. ಸದ್ಯ ಈ ವಯಸ್ಸಿನ ಮಿತಿಯನ್ನು 45ಕ್ಕೆ ಹೆಚ್ಚಿಸಲು ನಿರ್ಧರಿಸಲಾಗಿದೆ ಎಂದು ಮೊಹಾಂತಿ ತಿಳಿಸಿದ್ದಾರೆ.</p>.<h2>ಚಂದಾದಾರರ ಸಂಖ್ಯೆ ಏರಿಕೆ:</h2>.<p>2023–24ನೇ ಆರ್ಥಿಕ ವರ್ಷದಲ್ಲಿ ಖಾಸಗಿ ವಲಯದಿಂದ ಎನ್ಪಿಎಸ್ಗೆ ಹೊಸದಾಗಿ 9.47 ಲಕ್ಷ ಚಂದಾದಾರರು ಸೇರ್ಪಡೆಯಾಗಿದ್ದಾರೆ. ಪ್ರಾಧಿಕಾರದಿಂದ ನಿರ್ವಹಿಸುವ ಸಂಪತ್ತಿನ ಮೊತ್ತದಲ್ಲಿ (ಎಯುಎಂ) ಶೇ 30.5ರಷ್ಟು ಏರಿಕೆಯಾಗಿದೆ ಎಂದು ಮೊಹಂತಿ ತಿಳಿಸಿದ್ದಾರೆ. </p>.<p>2023–24ರಲ್ಲಿ ಅಟಲ್ ಪಿಂಚಣಿ ಯೋಜನೆಯಡಿ ಹೊಸದಾಗಿ 1.24 ಕೋಟಿ ಚಂದಾದಾರರು ಸೇರ್ಪಡೆಯಾಗಿದ್ದಾರೆ. ಈ ಪೈಕಿ ಶೇ 52ರಷ್ಟು ಮಹಿಳೆಯರು ಇದ್ದಾರೆ ಎಂದು ವಿವರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>