ನವದೆಹಲಿ: ಸರ್ಕಾರಿ ಸ್ವಾಮ್ಯದ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್ಬಿ),2019ರ ಮಾರ್ಚ್ ಅಂತ್ಯಕ್ಕೆ ಕೊನೆಗೊಂಡ ತ್ರೈಮಾಸಿಕ ದಲ್ಲಿ ನಷ್ಟದ ಪ್ರಮಾಣವನ್ನು ಶೇ 65ರಷ್ಟು ತಗ್ಗಿಸಿಕೊಂಡಿದೆ.
2017–18ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ₹ 13,417 ಕೋಟಿಗಳಷ್ಟು ಭಾರಿ ನಷ್ಟ ಕಂಡಿತ್ತು. ಬ್ಯಾಂಕ್ನ ವಸೂಲಾಗದ ಸಾಲದಲ್ಲಿ (ಎನ್ಪಿಎ) ಇಳಿಕೆಯಾಗುತ್ತಿದ್ದು, ಆರ್ಥಿಕ ಸ್ಥಿತಿ ಸುಧಾರಿಸುತ್ತಿದೆ.
ಹೀಗಾಗಿ 2018–19ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ನಷ್ಟದ ಪ್ರಮಾಣ₹ 4,750 ಕೋಟಿಗೆ ಇಳಿಕೆಯಾಗಿದೆ. ಒಟ್ಟಾರೆ ವರಮಾನ ₹ 12,946 ಕೋಟಿಗಳಿಂದ ₹ 14,725 ಕೋಟಿಗಳಿಗೆ ಏರಿಕೆಯಾಗಿದೆ.