ಎಸ್‌ಬಿಐ ಲಾಭ ಶೇ 7ರಷ್ಟು ಇಳಿಕೆ

ನವದೆಹಲಿ: ದೇಶದ ಅತಿದೊಡ್ಡ ಬ್ಯಾಂಕ್‌ ಆಗಿರುವ ಎಸ್‌ಬಿಐ ಡಿಸೆಂಬರ್‌ಗೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ₹ 5,196 ಕೋಟಿ ಲಾಭ ಗಳಿಸಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ಗಳಿಸಿದ್ದ ಲಾಭಕ್ಕೆ ಹೋಲಿಸಿದರೆ ಇದು ಸರಿಸುಮಾರು ಶೇಕಡ 7ರಷ್ಟು ಕಡಿಮೆ. ಹಿಂದಿನ ವರ್ಷದ ಅಕ್ಟೋಬರ್–ಡಿಸೆಂಬರ್ ಅವಧಿಯಲ್ಲಿ ಬ್ಯಾಂಕ್‌ 5,583 ಕೋಟಿ ಲಾಭ ಗಳಿಸಿತ್ತು.

2020ರ ಡಿಸೆಂಬರ್‌ ತ್ರೈಮಾಸಿಕದ ಒಟ್ಟು ಆದಾಯದಲ್ಲಿ ಕೂಡ ಇಳಿಕೆ ಆಗಿದ್ದು, ಬ್ಯಾಂಕ್ ಒಟ್ಟು ₹ 75,980 ಕೋಟಿ ಆದಾಯ ಸಂಗ್ರಹಿಸಿದೆ. 2019ರ ಡಿಸೆಂಬರ್ ತ್ರೈಮಾಸಿಕದ ಆದಾಯವು ₹ 76,797 ಕೋಟಿ ಆಗಿತ್ತು.

ಬ್ಯಾಂಕ್‌ನ ಆಸ್ತಿ ಗುಣಮಟ್ಟದಲ್ಲಿ ಗಮನಾರ್ಹ ಸುಧಾರಣೆ ಕಂಡುಬಂದಿದೆ. ಒಟ್ಟು ಎನ್‌ಪಿಎ ಪ್ರಮಾಣವು ಶೇ 4.77ಕ್ಕೆ ತಗ್ಗಿದೆ. ಹಿಂದಿನ ವರ್ಷದ ತ್ರೈಮಾಸಿಕದಲ್ಲಿ ಇದು ಶೇ 6.94 ಆಗಿತ್ತು.