ಗೂಗಲ್ ಅಷ್ಟೇ ಅಲ್ಲ, ಇಲ್ಲೂ ಹುಡುಕಬಹುದು!

7

ಗೂಗಲ್ ಅಷ್ಟೇ ಅಲ್ಲ, ಇಲ್ಲೂ ಹುಡುಕಬಹುದು!

Published:
Updated:
Deccan Herald

ನಿನ್ನೆಯ ಪೀಳಿಗೆಯವರಿಗೆ ಏನಾದರೂ ಸಂದೇಹ ಗಳಿದ್ದರೆ, ಪ್ರಶ್ನೆಗಳಿಗೆ ಉತ್ತರ ಸಿಗದಿದ್ದರೆ, ಹಿರಿಯರನ್ನು ಕೇಳುತ್ತಿದ್ದರು. ಪುಸ್ತಕಗಳಲ್ಲಿ ಹುಡುಕುತ್ತಿದ್ದರು. ಈಗಿನ ಪೀಳಿಗೆಯವರಿಗೆ ಏನಾದರೂ ಮಾಹಿತಿ ಬೇಕಿದ್ದರೆ, ಕ್ಷಣಗಳಲ್ಲಿ ನೀಡುವಂತಹ ಗೂಗಲ್ ಎಂಬ ಮಂತ್ರದಂಡವೊಂದು ಲಭ್ಯವಿದೆ. ಆದರೆ, ಗೂಗಲ್ ಅಷ್ಟೇ ಅಲ್ಲ, ಅದರಂತೆಯೇ, ಪ್ರಶ್ನೆ ಕೇಳಿದ ಕೂಡಲೇ ಉತ್ತರಿಸುವಂತಹ ಇನ್ನೂ ಕೆಲವು ಮಾಹಿತಿ ಶೋಧ ತಾಣಗಳೂ (ಸರ್ಚ್‌ ಎಂಜಿನ್‌) ಇವೆ. ಅವುಗಳ ಬಗ್ಗೆ ಒಂದಿಷ್ಟು ಮಾಹಿತಿ ಇಲ್ಲಿದೆ.

ಯಾಂಡೆಕ್ಸ್ (Yandex)

ಇದು ವಿಶ್ವದ ನಾಲ್ಕನೇ ಅತಿ ದೊಡ್ಡ ಮತ್ತು ರಷ್ಯಾದ ಪ್ರಮುಖ ಸರ್ಚ್ ಎಂಜಿನ್. ಇದಕ್ಕೆ  ಆ ದೇಶದಲ್ಲಿ ಗೂಗಲ್‌ಗೆ ಸಮಾನವಾದ ಸ್ಥಾನವಿದೆ. ಇದು ದಿನಕ್ಕೆ ಸುಮಾರು 15 ಕೋಟಿ ಪ್ರಶ್ನೆಗಳಿಗೆ ಉತ್ತರಿಸುತ್ತಿದೆ. ಕೇಳಿದ ಪ್ರಶ್ನೆಗಳಿಗೆ ಎಲ್ಲ ರೀತಿಯ ಉತ್ತರಗಳನ್ನು ಹುಡುಕಿ ನಿರ್ದಿಷ್ಟ ಕ್ರಮದಲ್ಲಿ ಜೋಡಿಸಿ ಪರದೆ ಮೇಲೆ ಮೂಡಿಸುವುದು ಇದರ ವಿಶೇಷ. ಮೇಲ್ ಮಾಡುವ, ಫೊಟೊ, ವಿಡಿಯೊಗಳನ್ನು ಹಂಚಿಕೊಳ್ಳುವ ಸೌಲಭ್ಯವೂ ಇದರಲ್ಲಿದೆ. ರಷ್ಯನ್ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಲಭ್ಯವಿರುವ ಈ ಸರ್ಚ್ ಎಂಜಿನ್ ಮ್ಯಾಪಿಂಗ್‌ನಲ್ಲೂ ಮುಂದಿದೆ. ಅಲ್ಲದೇ, ಯಾಂಡೆಕ್ಸ್‌ ಬ್ರೌಸರ್, ಮೊಬೈಲ್ ಆ್ಯಪ್‌, ಟ್ರಾನ್ಸ್‌ಲೇಟರ್‌ನಂತಹ ಸೌಲಭ್ಯಗಳೂ ಇವೆ.

ಡಕ್‌ಡಕ್‌ಗೊ (DuckDuckgo)

ಇತರೆ ಸರ್ಚ್ ಎಂಜಿನ್‌ಗಳಿಗೆ ಹೋಲಿಸಿದರೆ ಇದರ ಕಾರ್ಯವೈಖರಿ ತುಂಬಾ ಭಿನ್ನ. ಸಾಮಾನ್ಯವಾಗಿ ಯಾವುದಾದರೂ ಸರ್ಚ್ ಎಂಜಿನ್‌ನಲ್ಲಿ ಮಾಹಿತಿಗಾಗಿ ಹುಡುಕಿದರೆ, ಅದನ್ನು ಆ ಸರ್ಚ್ ಎಂಜಿನ್ ಟ್ರ್ಯಾಕ್ ಮಾಡುತ್ತದೆ. ಇದರಿಂದ ಯಾವ ವಿಷಯವನ್ನು ಹುಡುಕುತ್ತಿದ್ದೇವೆ ಎಂಬುದು ನೆಟ್ ಬಳಸುತ್ತಿರುವ ಇತರರಿಗೂ ಗೊತ್ತಾಗುತ್ತದೆ.  ಆದರೆ ಡಕ್‌ಡಕ್‌ಗೊ, ನಾವು ಹುಡುಕುತ್ತಿರುವ ವಿಷಯವನ್ನು ತನ್ನ ಹಿಸ್ಟರಿಯಲ್ಲಿ ಸಂಗ್ರಹಿಸಿ ಇಟ್ಟುಕೊಳ್ಳುವುದಿಲ್ಲ. ಅಲ್ಲದೇ, ಗೂಗಲ್ ರೀತಿ ಹೆಚ್ಚು ಜಾಹೀರಾತುಗಳಿಲ್ಲದೇ ಮಾಹಿತಿ ಒದಗಿಸುತ್ತದೆ. ಒಂದು ಪುಟಕ್ಕೆ ಒಂದು ಜಾಹೀರಾತು ಮಾತ್ರ ಇರುತ್ತದೆ. ಇದರಿಂದ ಬ್ರೌಸ್ ಮಾಡುವವರಿಗೆ ಹೆಚ್ಚು ಕಿರಿಕಿರಿ ಎನಿಸುವುದಿಲ್ಲ. ವಾಯ್ಸ್ ಸರ್ಚ್ ಸೌಲಭ್ಯವೂ ಇದೆ.

ವೋಲ್ಫ್‌ರ್‍ಯಾಂ ಆಲ್ಫಾ

ಇದು ಕೇಳುವ ಮಾಹಿತಿಯನ್ನು ಹೆಚ್ಚಾಗಿ ಪಟ್ಟಿಗಳ ರೂಪದಲ್ಲಿ ತೋರಿಸುತ್ತದೆ. ಅಲ್ಲದೇ, ಇತರೆ ಸರ್ಚ್ ಎಂಜಿನ್‌ಗಳ ರೀತಿ ಪ್ರಬಂಧ ರೂಪದಲ್ಲೂ ಮಾಹಿತಿ ಒದಗಿಸುತ್ತದೆ. ಮುಖ್ಯವಾಗಿ, ಶಿಕ್ಷಣ, ಗ್ರಂಥಾಲಯ, ಖರೀದಿ, ಮಾರಾಟ, ನೋಂದಣಿಗೆ ಸಂಬಂಧಿಸಿದ ವಿಷಯಗಳ ಬಗ್ಗೆಯೇ ಆಗಾಗ್ಗೆ ಅಪ್‌ಡೇಟ್‌ ಮಾಡುತ್ತಾ ಅದಕ್ಕೆ ಸಂಬಂಧಿಸಿದ ತಾಜಾ ಸಮಾಚಾರವನ್ನು ಒಂದೇ ಕ್ಲಿಕ್‌ನಲ್ಲಿ ಪರದೆ ಮೇಲೆ ಮೂಡಿಸುತ್ತದೆ.ಡಾಗ್‌ಪೈಲ್‌ (Dogpile)

ಇದು ಇತರೆ ಸರ್ಚ್‌ ಎಂಜಿನ್‌ಗಳ ಮಾಹಿತಿ, ಲಿಂಕ್‌ಗಳನ್ನು ತಿಳಿದುಕೊಳ್ಳಲು ನೆರವಾಗುತ್ತದೆ. ಗೂಗಲ್, ಯಾಹೂ, ಯಾಂಡೆಕ್ಸ್‌ನಂತಹ ಸರ್ಚ್ ಎಂಜಿನ್‌ಗಳ ಲಿಂಕ್‌ಗಳಲ್ಲಿ ನ್ಯಾವಿಗೇಟ್ ಆಗುವ ರೀತಿ ಇದನ್ನು ತಯಾರಿಸಲಾಗಿದೆ. ಇಂಟರ್‌ನೆಟ್ ಎಕ್ಸ್‌ಪ್ಲೋರರ್‌, ಮೋಜಿಲ್ಲ ಫೈರ್‌ಫಾಕ್ಸ್‌ನಂತೆ ಸ್ವಂತ ಟೂಲ್ ಬಾರ್ ಹೊಂದಿದೆ. ಫಿಲ್ಟರ್ ಸರ್ಚಿಂಗ್, ರೀಸೆಂಟ್ ಸರ್ಚಸ್, ಫೇವರೆಟ್ಸ್, ಪ್ರೆಫರನ್ಸ್‌ನಂತಹ ಹಲವು ಸೌಲಭ್ಯಗಳು ಇರುವುದರಿಂದ ಇದರಲ್ಲಿ ನಮಗೆ ಬೇಕಾದ ಮಾಹಿತಿ ನೇರವಾಗಿ ಹುಡುಕಿಕೊಳ್ಳುಬಹುದು.

ಐಎಕ್ಸ್ ಕ್ವಿಕ್ (Ixquick)

ಬಳಕೆದಾರರ ವೈಯಕ್ತಿಕ ವಿಷಯಗಳನ್ನು ಗೋಪ್ಯವಾಗಿಡಲು ಮಹತ್ವ ನೀಡುವಂತಹ ಸರ್ಚ್ ಎಂಜಿನ್‌ಗಳಲ್ಲಿ ಐಎಕ್ಸ್ ಕ್ವಿಕ್ ಕೂಡ ಒಂದು. ಬಳಕೆದಾರ ಎಂತಹ ಮಾಹಿತಿಗಾಗಿ ಹುಡುಕಿದರೂ ತನ್ನ ಹಿಸ್ಟರಿಯಲ್ಲಿ ಸಂಗ್ರಹಿಸದೇ ಉತ್ತರ ಕೊಡುತ್ತದೆ. ಬಳಕೆದಾರರ ಅನುಮತಿ ಇದ್ದರೆ ಅದನ್ನು 90 ದಿನಗಳ ವರೆಗೆ ಉಳಿಸಿಕೊಳ್ಳುತ್ತದೆ. ಇದು 17 ಭಾಷೆಗಳಲ್ಲಿ ಮಾಹಿತಿ ಒದಗಿಸುತ್ತದೆ.

ಡಾಗ್ ಪೈಲ್ (Dogpile)

ಇದು ಇತರೆ ಸರ್ಚ್‌ ಎಂಜಿನ್‌ಗಳ ಮಾಹಿತಿ, ಲಿಂಕ್‌ಗಳನ್ನು ತಿಳಿದುಕೊಳ್ಳಲು ನೆರವಾಗುತ್ತದೆ. ಗೂಗಲ್, ಯಾಹೂ, ಯಾನ್‌ಡೆಕ್ಸ್‌ನಂತಹ ಸರ್ಚ್ ಎಂಜಿನ್‌ಗಳ ಲಿಂಕ್‌ಗಳೊಳಗೆ ನ್ಯಾವಿಗೇಟ್ ಆಗುವ ರೀತಿ ಇದನ್ನು ತಯಾರಿಸಲಾಗಿದೆ. ಇಂಟರ್‌ನೆಟ್ ಎಕ್ಸ್‌ಪ್ಲೋರರ್‌, ಮೊಜಿಲ್ಲ ಫೈರ್‌ಫಾಕ್ಸ್‌ನಂತೆ ಸ್ವಂತ ಟೂಲ್ ಬಾರ್ ಹೊಂದಿದೆ. ಫಿಲ್ಟರ್ ಸರ್ಚಿಂಗ್, ರೀಸೆಂಟ್ ಸರ್ಚೆಸ್, ಫೇವರೆಟ್ಸ್, ಪ್ರಿಪರೆನ್ಸ್ ನಂತಹ ಹಲವು ಸೌಲಭ್ಯಗಳು ಇರುವುದರಿಂದ ಇದರಲ್ಲಿ ನಮಗೆ ಬೇಕಾದ ಮಾಹಿತಿ ನೇರವಾಗಿ ಹುಡುಕಿಕೊಳ್ಳುಬಹುದು.

ಚಾಚಾ ಡಾಟ್‌ ಕಾಂ (chacha.com)

ಇದು ಕೂಡ ಆಸ್ಕ್ ಡಾಟ್‌ ಕಾಂ ಮಾದರಿಯಲ್ಲೇ ಪ್ರಶ್ನೋತ್ತರ ರೂಪದಲ್ಲಿ ಮಾಹಿತಿ ನೀಡುತ್ತದೆ. ಇದರ ವಿಶೇಷವೇನೆಂದರೆ, ಕೇಳಿದ ಪ್ರಶ್ನೆಗಳಿಗೆ ತಜ್ಞರ ಅಭಿಪ್ರಾಯಗಳನ್ನು ಒದಗಿಸುತ್ತದೆ. ಮಾಹಿತಿಯು ಪ್ರಬಂಧದ ರೂಪದಲ್ಲಿ ಇರದೇ,  ನೇರವಾಗಿ ಮತ್ತು ಸಂಕ್ಷಿಪ್ತವಾಗಿ ಇರುತ್ತದೆ.

ಇವಷ್ಟೇ ಅಲ್ಲದೇ, ಅಂತರಿಕ್ಷ ಮಾಹಿತಿಗಾಗಿ ನಾಸಾ, ವಿಶ್ವದಾದ್ಯಂತ ಪ್ರಸಾರವಾಗುವ ಟಿವಿ ಕಾರ್ಯಕ್ರಮ, ಸಿನಿಮಾ, ಧಾರಾವಾಹಿಗಳ ಮಾಹಿತಿ ಬೇಕೆಂದರೆ ಜಸ್ಟ್ ವಾಚ್. ಒಂದೇ ವಿಷಯಕ್ಕಾಗಿ ಗ್ರೂಪ್ ಸರ್ಚ್ ಮಾಡುವವರ ಸಮಯ ಉಳಿತಾಯ ಮಾಡಲು ಸರ್ಚ್ ಟೀಮ್. ವಿವಿಧ ಪ್ರೊಗ್ರಾಮಿಂಗ್ ಪ್ರಾಜೆಕ್ಟ್‌ಗಳಿಗೆ ಸರ್ಚ್ ಕೋಡ್, ಹೀಗೆ ಒಂದೊಂದು ಮಾಹಿತಿಗೂ ಪ್ರತ್ಯೇಕವಾದ ಸರ್ಚ್‌ ಎಂಜಿನ್‌ಗಳು ಇವೆ.

ಬರಹ ಇಷ್ಟವಾಯಿತೆ?

  • 12

    Happy
  • 1

    Amused
  • 0

    Sad
  • 1

    Frustrated
  • 0

    Angry

Comments:

0 comments

Write the first review for this !