ಭಾನುವಾರ, ಮಾರ್ಚ್ 29, 2020
19 °C

ಆಸ್ತಿ ಗಳ ಮಾರಾಟಕ್ಕೆ ಷೇರುದಾರರ ಸಮ್ಮತಿ ಕೇಳಿದ ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ : ಕೆಫೆ ಡೇ ಗ್ರೂಪ್‌ಗೆ ಸೇರಿರುವ ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌ ತನ್ನ ವಿವಿಧ ವಹಿವಾಟುಗಳನ್ನು ಮಾರಾಟ ಮಾಡಲು ಷೇರುದಾರರ ಸಮ್ಮತಿ ಕೇಳಿದೆ.

ಸಾಲ ಮರುಪಾವತಿಸಲು ಮತ್ತು ಕಂಪನಿಯ ‍ಪ್ರಮುಖ ವಹಿವಾಟನ್ನು ಸರಾಗವಾಗಿ ಮುನ್ನಡೆಸಿಕೊಂಡು ಹೋಗಲು ಕಂಪನಿಯ ಮತ್ತು ಅಂಗಸಂಸ್ಥೆಗಳಿಗೆ ಸೇರಿದ ಕೆಲ ಸಂಪತ್ತು ಮಾರಾಟ ಮಾಡಿ ಸಾಲದ ಹೊರೆ ತಗ್ಗಿಸಲು ನಿರ್ದೇಶಕ ಮಂಡಳಿಯು ಆಗಸ್ಟ್‌ ತಿಂಗಳಲ್ಲಿ ಸಮ್ಮತಿ ನೀಡಿತ್ತು.

ಕಂಪನಿಯ ಒಡೆತನದಲ್ಲಿ ಇರುವ ವಹಿವಾಟನ್ನು ಮಾರಾಟ ಮಾಡಲು ಅನುಮತಿ ನೀಡಬೇಕೆಂದು ಷೇರುದಾರರಿಗೆ ಮನವಿ ಮಾಡಿಕೊಂಡಿದೆ. ಸೂಕ್ತ ಖರೀದಿದಾರರನ್ನು ಗುರುತಿಸಲು ಕಂ‍ಪನಿಯ ಷೇರುದಾರರ ಅನುಮತಿ ಪಡೆಯಲಾಗುತ್ತಿದೆ ಎಂದು ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌, ಮುಂಬೈ ಷೇರುಪೇಟೆಗೆ ತಿಳಿಸಿದೆ.

ತನ್ನ ವಿವಿಧ ವಹಿವಾಟು ಘಟಕಗಳನ್ನು ಮತ್ತು ಅಂಗಸಂಸ್ಥೆಗಳಲ್ಲಿನ ಪಾಲು ಬಂಡವಾಳವನ್ನು ಮಾರಾಟ ಮಾಡಲು ಕಂಪನಿ ಉದ್ದೇಶಿಸಿದೆ. ಕಾಫಿ ಡೇ ಗ್ರೂಪ್‌, 2011ರಲ್ಲಿ ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌ ಖರೀದಿಸಿತ್ತು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು