ನವದೆಹಲಿ: ಟಾಟಾ ಮೋಟರ್ಸ್‌ ಕಂಪನಿಯ ಜೂನ್ ತ್ರೈಮಾಸಿಕದ ಲಾಭವು ₹3,300 ಕೋಟಿ ಆಗಿದೆ. ಟಾಟಾ ಮೋಟರ್ಸ್‌ನ ಅಂಗಸಂಸ್ಥೆಯಾಗಿರುವ ಜಾಗ್ವರ್ ಲ್ಯಾಂಡ್‌ ರೋವರ್ಸ್‌ನ ವಹಿವಾಟುಗಳಲ್ಲಿನ ಸುಧಾರಣೆಯು ಲಾಭ ಗಳಿಕೆಗೆ ನೆರವಾಗಿದೆ.
ಕಂಪನಿಯು ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ ₹4,950 ಕೋಟಿ ನಷ್ಟ ಅನುಭವಿಸಿತ್ತು. ಜೂನ್ ತ್ರೈಮಾಸಿಕದಲ್ಲಿ ಕಂಪನಿಯ ಕಾರ್ಯಾಚರಣೆ ವರಮಾನವು ₹1.01 ಲಕ್ಷ ಕೋಟಿ ಆಗಿದೆ. ಇದು ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ₹71 ಸಾವಿರ ಕೋಟಿ ಆಗಿತ್ತು.
ಬಜಾಜ್ ಆಟೊ ಲಾಭ ಏರಿಕೆ
ಬಜಾಜ್ ಆಟೊ ಕಂಪನಿಯ ತೆರಿಗೆ ನಂತರದ ಲಾಭವು ಜೂನ್ ತ್ರೈಮಾಸಿಕದಲ್ಲಿ ಶೇ 42ರಷ್ಟು ಹೆಚ್ಚಾಗಿದ್ದು, ₹1,665 ಕೋಟಿಗೆ ತಲುಪಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಕಂಪನಿಯ ಲಾಭವು ₹1,173 ಕೋಟಿ ಆಗಿತ್ತು.
ಕಂಪನಿಯ ಕಾರ್ಯಾಚರಣೆ ವರಮಾನವು ಜೂನ್ ತ್ರೈಮಾಸಿಕದಲ್ಲಿ ಶೇ 29ರಷ್ಟು ಹೆಚ್ಚಾಗಿದ್ದು ₹10,310 ಕೋಟಿಗೆ ತಲುಪಿದೆ. ಇದು ಹಿಂದಿನ ವರ್ಷದ ಜೂನ್ ತ್ರೈಮಾಸಿಕದಲ್ಲಿ ₹8,005 ಕೋಟಿ ಆಗಿತ್ತು.
