ಎಫ್‌ಡಿಐ:ಶೀಘ್ರದಲ್ಲಿ ಸಭೆ
ನವದೆಹಲಿ (ಪಿಟಿಐ): ಕೇಂದ್ರ ಹಣಕಾಸು ಸಚಿವಾಲಯ ಮುಂದಿನ ವಾರ ವಿದೇಶಿ ನೇರ ಬಂಡವಾಳ ಹೂಡಿಕೆಗೆ (ಎಫ್‌ಡಿಐ) ಸಂಬಂಧಿಸಿದ 46 ಪ್ರಸ್ತಾವಗಳನ್ನು ಪರಿಶೀಲಿಸಲಿದೆ.
ಧನಲಕ್ಷ್ಮಿ ಬ್ಯಾಂಕ್ ಮತ್ತು ಹೋಂಡಾ ಮೋಟಾರ್ಸ್ ಇಂಡಿಯಾ ಸಂಸ್ಥೆಗಳ ಪ್ರಸ್ತಾವಗಳೂ ಇದರಲ್ಲಿ ಸೇರಿವೆ. ‘ಎಫ್‌ಡಿಐ’ ಅನುಮೋದನೆಗೆ ಸಂಬಂಧಿಸಿದಂತೆ ಆರ್ಥಿಕ ವ್ಯವಹಾರಗಳ ಕಾರ್ಯದರ್ಶಿ ಆರ್. ಗೋಪಾಲನ್ ಅಧ್ಯಕ್ಷತೆಯಲ್ಲಿನ ವಿದೇಶಿ ಹೂಡಿಕೆ ಉತ್ತೇಜನ ಮಂಡಳಿ (ಎಫ್‌ಐಪಿಬಿ) ಏಪ್ರಿಲ್ 20ರಂದು ಸಭೆ ಸೇರಲಿದೆ ಎಂದು ಹಣಕಾಸು ಸಚಿವಾಲಯ ಪ್ರಕಟಣೆ ತಿಳಿಸಿದೆ.
ಈ 46 ‘ಎಫ್‌ಡಿಐ’ ಪ್ರಸ್ತಾವಗಳಲ್ಲಿ 25 ಹೊಸತು. ಉಳಿದ ಪ್ರಸ್ತಾವಗಳನ್ನು ಈ ಹಿಂದಿನ ಸಭೆಯಲ್ಲಿ ಚರ್ಚಿಸಿ ನಿರ್ಧರಿಸಲಾಗಿದೆ.ಸರ್ಕಾರ ಕಳೆದ ಮಾರ್ಚ್ 31ರಂದು ಪರಿಷ್ಕೃತ ‘ಎಫ್‌ಡಿಐ’ ನೀತಿಯನ್ನು ಪ್ರಕಟಿಸಿದ ನಂತರ ನಡೆಸುತ್ತಿರುವ ಮೊದಲನೆಯ ಸಭೆ ಇದಾಗಿದೆ. ಹೋಂಡಾ ಮೋಟಾರ್ಸ್ ಮತ್ತು ಧನಲಕ್ಷ್ಮಿ ಬ್ಯಾಂಕ್ ಅಲ್ಲದೆ, ಹೊಸ ಪ್ರಸ್ತಾವಗಳಲ್ಲಿ ಜಿ4ಎಸ್ ಸೆಕ್ಯುರಿಟಿ ಸರ್ವೀಸಸ್ ಇಂಡಿಯಾ ಮತ್ತು ಬೆಂಗಳೂರು ಮೂಲದ ಪಾರ್ಕ್ ಕಂಟ್ರೋಲ್ ಆಂಡ್ ಕಮ್ಯುನಿಕೇಷನ್ಸ್ ಸಂಸ್ಥೆಗಳೂ ಸೇರಿವೆ.
ಕಳೆದ ಸಭೆಯಲ್ಲಿ ಸಚಿವಾಲಯ 14 ‘ಎಫ್‌ಡಿಐ’ ಪ್ರಸ್ತಾವಗಳಿಗೆ ಅನುಮೋದನೆ ನೀಡಿದೆ. ಈ ಬಾರಿಯ ಸಭೆಯಲ್ಲಿ ಬಾಕಿ ಉಳಿದಿರುವ ಪೂಂಜ್ ಲಿಯೋಡ್, ಲೋಕ್‌ಮಾತಾ ಮೀಡಿಯಾ, ಆರ್ಷಿಯಾ ಇಂಟರ್‌ನ್ಯಾಷನಲ್, ಪ್ರಾಣ್ ಬಿವರೇಜಸ್ ಪ್ರಸ್ತಾವಗಳನ್ನು ಪರಿಶೀಲಿಸುವ ಸಾಧ್ಯತೆಗಳಿವೆ. ಕಳೆದ 11 ತಿಂಗಳ ಅವಧಿಯಲ್ಲಿ ‘ಎಫ್‌ಡಿಐ’ ಹೂಡಿಕೆ ಶೇ 25ರಷ್ಟು ಕುಸಿತ ಕಂಡಿದ್ದು, 18 ಶತಕೋಟಿ ಡಾಲರ್‌ಗಳಿಗೆ ಇಳಿದಿದೆ. ಹೊಸ ಹೂಡಿಕೆ ಆಕರ್ಷಿಸಲು ಸರ್ಕಾರ, ಎಫ್‌ಡಿಐ ನೀತಿ ಸರಳೀಕರಣ ಸೇರಿದಂತೆ ಹಲವು ಸುಧಾರಣಾ ಕ್ರಮಗಳಿಗೆ ಮುಂದಾಗಿದೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.