ಗ್ರೂಪ್‌ ಸೆಲ್ಫಿಗಾಗಿ ಒಪೊ ‘ಎಫ್‌ 3’

ಮುಂಬೈ: ಕ್ಯಾಮೆರಾ ಫೋನ್ಗಳಿಗಾಗಿ ಹೆಸರುವಾಸಿಯದ ಮೊಬೈಲ್ ತಯಾರಿಕಾ ಸಂಸ್ಥೆ ಒಪೊ, ಹೊಸದಾಗಿ ಸೆಲ್ಫಿ ಎಕ್ಸ್ಪರ್ಟ್ ಸರಣಿಯ ಮತ್ತೊಂದು ಸ್ಮಾರ್ಟ್ಫೋನ್ ‘ಎಫ್ 3’ಯನ್ನು ಬಿಡುಗಡೆ ಮಾಡಿದೆ.

. ಯುವ ಜನತೆಯಲ್ಲಿ ಇತ್ತೀಚೆಗೆ ಹೆಚ್ಚುತ್ತಿರುವ ಗ್ರೂಪ್ ‘ಸೆಲ್ಫಿ’ ವ್ಯಾಮೋಹವನ್ನು ದೃಷ್ಟಿಯಲ್ಲಿಟ್ಟುಕೊಂಡು ತಯಾರಿಸಲಾದ ಇದು ಸೆಲ್ಫಿ ಎಕ್ಸ್ಪರ್ಟ್ ಸರಣಿಯ ಎರಡನೇ ಮೊಬೈಲ್ ಆಗಿದೆ.

. ‘ಒಂದು ಸೆಲ್ಫಿಗೆ, ಮತ್ತೊಂದು ಗ್ರೂಪ್ ಸೆಲ್ಫಿಗೆ’ ಎಂಬ ಧ್ಯೇಯವಾಕ್ಯದೊಂದಿಗೆ ಬಿಡುಗಡೆಯಾದ ಈ ಮೊಬೈಲ್ ಇತ್ತೀಚೆಗೆ ಬಿಡುಗಡೆಯಾದ ‘ಎಫ್3 ಪ್ಲಸ್’ನಂತೆ ಮುಂಭಾಗದಲ್ಲಿ ಎರಡು ಕ್ಯಾಮೆರಾ ಹೊಂದಿದೆ.

. ಇದರ ‘ಡಬಲ್ ವ್ಯೂ ಗ್ರೂಪ್ ಸೆಲ್ಫಿ ಕ್ಯಾಮೆರಾ’ ಸಾಮಾನ್ಯ ಸೆಲ್ಫಿ ಕ್ಯಾಮೆರಾಗಿಂತ ಎರಡು ಪಟ್ಟು ಹೆಚ್ಚಿನ ವಿಶಾಲವಾದ ದೃಶ್ಯ ಸೆರೆ ಹಿಡಿಯುವ ಸಾಮರ್ಥ್ಯ ಹೊಂದಿದೆ. ವಿಶೇಷ ಸಾಮರ್ಥ್ಯದ 6ಪಿ ಮಸೂರ ‘ಡಿಎಸ್ಎಲ್ಆರ್’ ಕ್ಯಾಮೆರಾದಂತೆಯೇ ವೃತ್ತಿಪರ ಛಾಯಾಚಿತ್ರದ ಗುಣಮಟ್ಟದ ಚಿತ್ರಗಳನ್ನು ನೀಡುತ್ತದೆ.

. ಕ್ಯಾಮೆರಾ ಫ್ರೇಮ್ನಲ್ಲಿ ಮೂವರಿಗಿಂತ ಹೆಚ್ಚು ಜನರಿದ್ದರೆ ‘ಗ್ರೂಪ್ ಸೆಲ್ಫಿ’ ಮೋಡ್ಗೆ ಬದಲಾಗುತ್ತದೆ. ಅತ್ಯಂತ ಹಗುರ ಮತ್ತು ತೆಳುವಾಗಿದ್ದು, ಒಂದೇ ಸ್ಲಾಟ್ನಲ್ಲಿ ಮೂರು ಸಿಮ್ ಕಾರ್ಡ್ ಹಾಕಬಹುದಾಗಿದೆ.

. ಕಾರ್ಯಕ್ಷಮತೆ ಸುಧಾರಣೆ: ಹಿಂದಿನ ಎಫ್1ಗಳಿಗೆ ಹೋಲಿಸಿದರೆ ಇದರ ಕಾರ್ಯಕ್ಷಮತೆ ಸುಧಾರಿಸಿದೆ. ಉತ್ತಮ ವೈಡ್-ಆ್ಯಂಗಲ್ ಲೆನ್ಸ್ ಬಳಕೆಯಿಂದಾಗಿ ಕಡಿಮೆ ಬೆಳಕು ಮತ್ತು ರಾತ್ರಿಯಲ್ಲೂ ಹೆಚ್ಚು ಸ್ಪಷ್ಟ ಚಿತ್ರ ಸೆರೆ ಹಿಡಿಯಬಹುದು.

. ಒಮ್ಮೆ ಚಾರ್ಜ್ ಮಾಡಿದರೆ 15 ಗಂಟೆಗೂ ಹೆಚ್ಚು ಕಾಲ ಬ್ಯಾಟರಿ ಕೆಲಸ ಮಾಡುತ್ತದೆ. ಹೀಗಾಗಿ ಪ್ರಯಾಣದಲ್ಲಿ ಪವರ್ ಬ್ಯಾಂಕ್ ಜತೆಗೆ ಒಯ್ಯುವ ಇಲ್ಲವೇ ಮತ್ತೆ ಮತ್ತೆ ಚಾರ್ಜ್ ಮಾಡುವ ಅಗತ್ಯವಿಲ್ಲ ಎಂದು ಕಂಪೆನಿ ಹೇಳಿದೆ.

. ಮೇ 13 ರಿಂದ ಮಾರಾಟ: ‘ದೇಶದ 25 ನಗರಗಳಲ್ಲಿ ಮೇ 13ರಿಂದ ಒಪೊ ಎಫ್3 ಮಾರಾಟ ಆರಂಭವಾಗಲಿದೆ. ಮೇ 12ರವರೆಗೆ ಮುಂಗಡ ಬುಕ್ಕಿಂಗ್ ಮಾಡಬಹುದಾಗಿದೆ’ ಎಂದು ಒಪೊ ಜಾಗತಿಕ ಉಪಾಧ್ಯಕ್ಷ ಸ್ಕೈ ಲಿ ಹೇಳಿದರು.

. ‘ಆನ್ಲೈನ್ ಮೂಲಕ ಫ್ಲಿಪ್ಕಾರ್ಟ್ ನಲ್ಲಿ ಮತ್ತು ಆಫ್ಲೈನ್ನಲ್ಲಿ ಒಪೊ ಮಳಿಗೆಗಳಲ್ಲಿ ಮುಂಗಡ ಬುಕಿಂಗ್ ಮಾಡಬಹುದು. ಡ್ರಾ ಮೂಲಕ ಆಯ್ಕೆಯಾದ ಮೂವರು ವಿಜೇತರು ಲಂಡನ್ನಲ್ಲಿ ನಡೆಯುವ ಐಸಿಸಿ ಫೈನಲ್ಸ್ ವೀಕ್ಷಿಸುವ ಅವಕಾಶ ಪಡೆಯಲಿದ್ದಾರೆ’ ಎಂದರು.

. ಸಂಸ್ಥೆಯು ಭಾರತ ಕ್ರಿಕೆಟ್ ತಂಡದ ಅಧಿಕೃತ ಪ್ರಯೋಜಕತ್ವ ಪಡೆದಿದ್ದು, ಬಿಸಿಸಿಐ ಸಿಇಒ ರಾಹುಲ್ ಜೊಹ್ರಿ ಮತ್ತು ಸ್ಕೈ ಲಿ ಟೀಮ್ ಇಂಡಿಯಾ ಜೆರ್ಸಿಯನ್ನು ಬಿಡುಗಡೆ ಮಾಡಿದರು.(ಸಂಸ್ಥೆಯ ಆಹ್ವಾನದ ಮೇರೆಗೆ ವರದಿಗಾರ ಮುಂಬೈಗೆ ಭೇಟಿ ನೀಡಿದ್ದರು.)

. ವೈಶಿಷ್ಟ್ಯಗಳು * ಪರದೆ: 5.5 ಇಂಚು * ಮುಂಭಾಗ ಕ್ಯಾಮೆರಾ: 16 ಮತ್ತು 8 ಮೆಗಾಪಿಕ್ಸಲ್ * ಹಿಂದಿನ ಕ್ಯಾಮೆರಾ: 13 ಎಂಪಿ * ರ್್ಯಾಮ್: 4ಜಿಬಿ * ರೋಮ್: 64 ಜಿ.ಬಿ (128 ಜಿ.ಬಿಯವರೆಗೂ ವಿಸ್ತರಣೆ) * ಬ್ಯಾಟರಿ: 3200 ಎಂಎಎಚ್ * ಟ್ರಿಬಲ್ ಸ್ಲಾಟ್ ಕಾರ್ಡ್ ಟ್ರೇ * ಸಾಲಿಡ್-ಸ್ಟೇಟ್ ಫಿಂಗರ್ಪ್ರಿಂಟ್ ರೀಡರ್ * ಪಿಡಿಎಎಫ್ ತಂತ್ರಜ್ಞಾನದ ಸ್ನಾಪಿ ಮತ್ತು ಫ್ಲೂಯಿಡ್ ಶೂಟಿಂಗ್ * ಬಿಲ್ಟ್-ಇನ್ ಸ್ಮಾರ್ಟ್ ಫೇಷಿಯಲ್ ರಿಕಗ್ನೇಷನ್ * ಬ್ಯೂಟಿಫಿಕೇಷನ್ ಮೋಡ್ * ಚಿನ್ನದ ಬಣ್ಣದ ಬ್ಯಾಕ್ ಪ್ಯಾನೆಲ್ * ಚಿನ್ನ ಮತ್ತು ತಿಳಿ ಗುಲಾಬಿ ಚಿನ್ನದ ಬಣ್ಣಗಳಲ್ಲಿ ಲಭ್ಯ * ಬೆಲೆ ₹19,990

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗ್ರೂಪ್‌ ಸೆಲ್ಫಿಗಾಗಿ ಒಪೊ ‘ಎಫ್‌ 3’

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ