<p><strong>ನವದೆಹಲಿ:</strong> ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ (ಪಿಎನ್ಬಿ) ಉದ್ದೇಶಪೂರ್ವಕ ಸುಸ್ತಿದಾರರು ಬಾಕಿ ಉಳಿಸಿಕೊಂಡಿರುವ ಸಾಲದ ಮೊತ್ತದಲ್ಲಿ ಏರಿಕೆಯಾಗುತ್ತಲೇ ಇದೆ.</p>.<p>ಉದ್ದೇಶಪೂರ್ವಕ ಸುಸ್ತಿದಾರರು ಬಾಕಿ ಉಳಿಸಿಕೊಂಡಿರುವ ಮೊತ್ತವು ಮೇ ತಿಂಗಳ ಅಂತ್ಯಕ್ಕೆ ಶೇ 2 ರಷ್ಟು ಹೆಚ್ಚಾಗಿದ್ದು, ₹ 15,490 ಕೋಟಿಗೆ ತಲುಪಿದೆ.</p>.<p>2018ರ ಏಪ್ರಿಲ್ನಲ್ಲಿ ಈ ಮೊತ್ತವು ₹ 15,199.57 ಕೋಟಿ ಇತ್ತು.</p>.<p>₹ 25 ಲಕ್ಷ ಮತ್ತು ಅದಕ್ಕಿಂತ ಹೆಚ್ಚಿನ ಮೊತ್ತದ ಸಾಲ ಪಡೆದು, ಮರುಪಾವತಿ ಸಾಮರ್ಥ್ಯ ಇದ್ದರೂ ಹಿಂದಿರುಗಿಸದೇ ಇರುವ ಉದ್ದೇಶಪೂರ್ವಕ ಸುಸ್ತಿದಾರರ ಬಗ್ಗೆ ಬ್ಯಾಂಕ್ ಮಾಹಿತಿ ನೀಡಿದೆ.</p>.<p>2018–18 ನೇ ಹಣಕಾಸು ವರ್ಷದ ಅಂತ್ಯಕ್ಕೆ ಸುಸ್ತಿದಾರರಿಂದ ಬ್ಯಾಂಕ್ಗೆ ಬರಬೇಕಿರುವ ಬಾಕಿ ಮೊತ್ತ ₹ 15,172 ಕೋಟಿ ಇತ್ತು.</p>.<p>ವಂಚನೆ ಹಗರಣ: ₹ 13 ಸಾವಿರ ಕೋಟಿಗಳ ವಂಚನೆ ಹಗರಣದಲ್ಲಿ ಸಿಲುಕಿರುವ ಬ್ಯಾಂಕ್, ತನ್ನ ಸಾಲದ ಹೊರೆ ಕಡಿಮೆ ಮಾಡಿಕೊಳ್ಳುವ ಪ್ರಯತ್ನದಲ್ಲಿದೆ. ಹಲವು ಸಂಸ್ಥೆಗಳು ಪ್ರಕರಣದ ತನಿಖೆ ನಡೆಸುತ್ತಿವೆ. ಪರಾರಿಯಾಗಿರುವ ವಜ್ರ ವ್ಯಾಪಾರಿ ನೀರವ್ ಮೋದಿ ಅವರನ್ನು ದೇಶಕ್ಕರೆ ಕರೆತರುವ ಪ್ರಯತ್ನವೂ ನಡೆದಿದೆ.</p>.<p>ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಿಂದಲೇ ಪಡೆದಿರುವ ಸಾಲವೂ ಸುಸ್ತಿಯಾಗಿದೆ. ವಿನ್ಸಂ ಡೈಮಂಡ್ಸ್ ಆ್ಯಂಡ್ ಜುವೆಲರಿ ₹ 899.70 ಕೋಟಿ, ಫಾರೆವರ್ ಪ್ರೀಷಿಯ್ಸ್ ಡೆವಲಪರ್ಸ್ ₹ 410.18 ಕೋಟಿ, ನಾಫೆಡ್ ₹ 224.24 ಕೋಟಿ ಹಾಗೂ ಮಹುವಾ ಮೀಡಿಯಾ ಪ್ರವೇಟ್ ಲಿಮಿಟೆಡ್ ₹ 104.86 ಕೋಟಿ ಸಾಲ ಬಾಕಿ ಉಳಿಸಿಕೊಂಡಿವೆ.</p>.<p>ನಷ್ಟದಲ್ಲಿ ಬ್ಯಾಂಕ್</p>.<p>2017–18ನೇ ಹಣಕಾಸು ವರ್ಷದಲ್ಲಿ ಬ್ಯಾಂಕ್ನ ನಷ್ಟ ₹ 12,283 ಕೋಟಿ ಇದೆ. 2016–17ನೇ ಹಣಕಾಸು ವರ್ಷದಲ್ಲಿ ₹ 1,325 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ₹ 13,420 ಕೋಟಿ ನಷ್ಟ ಅನುಭವಿಸಿದೆ. ಬ್ಯಾಂಕ್ನ ವಸೂಲಿಯಾಗದ ಸಾಲದ (ಎನ್ಪಿಎ) ಪ್ರಮಾಣ ₹ 32,702 ಕೋಟಿಗಳಿಂದ ₹ 48,684 ಕೋಟಿಗೆ ಏರಿಕೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ (ಪಿಎನ್ಬಿ) ಉದ್ದೇಶಪೂರ್ವಕ ಸುಸ್ತಿದಾರರು ಬಾಕಿ ಉಳಿಸಿಕೊಂಡಿರುವ ಸಾಲದ ಮೊತ್ತದಲ್ಲಿ ಏರಿಕೆಯಾಗುತ್ತಲೇ ಇದೆ.</p>.<p>ಉದ್ದೇಶಪೂರ್ವಕ ಸುಸ್ತಿದಾರರು ಬಾಕಿ ಉಳಿಸಿಕೊಂಡಿರುವ ಮೊತ್ತವು ಮೇ ತಿಂಗಳ ಅಂತ್ಯಕ್ಕೆ ಶೇ 2 ರಷ್ಟು ಹೆಚ್ಚಾಗಿದ್ದು, ₹ 15,490 ಕೋಟಿಗೆ ತಲುಪಿದೆ.</p>.<p>2018ರ ಏಪ್ರಿಲ್ನಲ್ಲಿ ಈ ಮೊತ್ತವು ₹ 15,199.57 ಕೋಟಿ ಇತ್ತು.</p>.<p>₹ 25 ಲಕ್ಷ ಮತ್ತು ಅದಕ್ಕಿಂತ ಹೆಚ್ಚಿನ ಮೊತ್ತದ ಸಾಲ ಪಡೆದು, ಮರುಪಾವತಿ ಸಾಮರ್ಥ್ಯ ಇದ್ದರೂ ಹಿಂದಿರುಗಿಸದೇ ಇರುವ ಉದ್ದೇಶಪೂರ್ವಕ ಸುಸ್ತಿದಾರರ ಬಗ್ಗೆ ಬ್ಯಾಂಕ್ ಮಾಹಿತಿ ನೀಡಿದೆ.</p>.<p>2018–18 ನೇ ಹಣಕಾಸು ವರ್ಷದ ಅಂತ್ಯಕ್ಕೆ ಸುಸ್ತಿದಾರರಿಂದ ಬ್ಯಾಂಕ್ಗೆ ಬರಬೇಕಿರುವ ಬಾಕಿ ಮೊತ್ತ ₹ 15,172 ಕೋಟಿ ಇತ್ತು.</p>.<p>ವಂಚನೆ ಹಗರಣ: ₹ 13 ಸಾವಿರ ಕೋಟಿಗಳ ವಂಚನೆ ಹಗರಣದಲ್ಲಿ ಸಿಲುಕಿರುವ ಬ್ಯಾಂಕ್, ತನ್ನ ಸಾಲದ ಹೊರೆ ಕಡಿಮೆ ಮಾಡಿಕೊಳ್ಳುವ ಪ್ರಯತ್ನದಲ್ಲಿದೆ. ಹಲವು ಸಂಸ್ಥೆಗಳು ಪ್ರಕರಣದ ತನಿಖೆ ನಡೆಸುತ್ತಿವೆ. ಪರಾರಿಯಾಗಿರುವ ವಜ್ರ ವ್ಯಾಪಾರಿ ನೀರವ್ ಮೋದಿ ಅವರನ್ನು ದೇಶಕ್ಕರೆ ಕರೆತರುವ ಪ್ರಯತ್ನವೂ ನಡೆದಿದೆ.</p>.<p>ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಿಂದಲೇ ಪಡೆದಿರುವ ಸಾಲವೂ ಸುಸ್ತಿಯಾಗಿದೆ. ವಿನ್ಸಂ ಡೈಮಂಡ್ಸ್ ಆ್ಯಂಡ್ ಜುವೆಲರಿ ₹ 899.70 ಕೋಟಿ, ಫಾರೆವರ್ ಪ್ರೀಷಿಯ್ಸ್ ಡೆವಲಪರ್ಸ್ ₹ 410.18 ಕೋಟಿ, ನಾಫೆಡ್ ₹ 224.24 ಕೋಟಿ ಹಾಗೂ ಮಹುವಾ ಮೀಡಿಯಾ ಪ್ರವೇಟ್ ಲಿಮಿಟೆಡ್ ₹ 104.86 ಕೋಟಿ ಸಾಲ ಬಾಕಿ ಉಳಿಸಿಕೊಂಡಿವೆ.</p>.<p>ನಷ್ಟದಲ್ಲಿ ಬ್ಯಾಂಕ್</p>.<p>2017–18ನೇ ಹಣಕಾಸು ವರ್ಷದಲ್ಲಿ ಬ್ಯಾಂಕ್ನ ನಷ್ಟ ₹ 12,283 ಕೋಟಿ ಇದೆ. 2016–17ನೇ ಹಣಕಾಸು ವರ್ಷದಲ್ಲಿ ₹ 1,325 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ₹ 13,420 ಕೋಟಿ ನಷ್ಟ ಅನುಭವಿಸಿದೆ. ಬ್ಯಾಂಕ್ನ ವಸೂಲಿಯಾಗದ ಸಾಲದ (ಎನ್ಪಿಎ) ಪ್ರಮಾಣ ₹ 32,702 ಕೋಟಿಗಳಿಂದ ₹ 48,684 ಕೋಟಿಗೆ ಏರಿಕೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
