ವರ್ಷದ ದ್ವಿತೀಯಾರ್ಧ ಮಾರಾಟ ಪ್ರಗತಿ: ಮಾರುತಿ
ಬೆಂಗಳೂರು: ಪ್ರಸಕ್ತ ಹಣಕಾಸು ವರ್ಷದ ಪ್ರಥಮಾರ್ಧದಲ್ಲಿ ಮಾರುತಿ ಕಾರು ಮಾರಾಟ ಆಶಾದಾಯಕವಾಗಿಲ್ಲದೇ ಇದ್ದರೂ, ದ್ವಿತೀಯಾರ್ಧದಲ್ಲಿ ಶೇ 8ರಿಂದ 10ರಷ್ಟು ಪ್ರಗತಿ ನಿರೀಕ್ಷಿಸಲಾಗಿದೆ ಎಂದು `ಮಾರುತಿ ಸುಜುಕಿ ಇಂಡಿಯ~(ಎಂಎಸ್‌ಐ) ಕಾರ್ಯನಿರ್ವಾಹಕ ನಿರ್ದೇಶಕ ಸಿ.ವಿ.ರಾಮನ್ ಹೇಳಿದರು.
ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ `ಆಲ್ಟೊ-800~ ನೂತನ ಮಾದರಿ ಕಾರನ್ನು ರಾಜ್ಯದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದ ಅವರು, ಈ ಚಿಕ್ಕ ಕಾರನ್ನು ಮುಂದಿನ ಜನವರಿಯಿಂದ ಲ್ಯಾಟಿನ್ ಅಮೆರಿಕ ಮತ್ತು ದಕ್ಷಿಣ ಏಷ್ಯಾ ಸೇರಿದಂತೆ ವಿವಿಧ ದೇಶಗಳಿಗೆ ರಫ್ತು ಮಾಡಲಾಗುವುದು ಎಂದರು.
`ಆಲ್ಟೊ ಮಾರಾಟವೇ ಕಳೆದ ವರ್ಷ 3 ಲಕ್ಷದಷ್ಟಿತ್ತು. ಈ ವರ್ಷದ ಪ್ರಥಮಾರ್ಧದಲ್ಲಿ ಕಾರ್ಮಿಕ ಗಲಭೆ ಕಾರಣದಿಂದ ಎಲ್ಲ ಕಾರುಗಳ ಮಾರಾಟವೂ ತಗ್ಗಿತು. ಈ ವರ್ಷ ಒಟ್ಟು ಮಾರಾಟದಲ್ಲಿ ಶೇ 3-5 ಪ್ರಗತಿ ನಿರೀಕ್ಷೆಇದೆ~ ಎಂದರು.
ಆಲ್ಟೊ ಹೊಸ ಮಾದರಿ ಅಭಿವೃದ್ಧಿಗೆ ರೂ. 470 ಕೋಟಿ ವೆಚ್ಚವಾಗಿದೆ. ಈ ಪುಟ್ಟ ಕಾರಿಗೆ ಡೀಸೆಲ್ ಎಂಜಿನ್ ಅಳವಡಿಸುವ ಚಿಂತನೆ ಸದ್ಯಕ್ಕಿಲ್ಲ. ಬಿಡಿಭಾಗ ದುಬಾರಿ, ಪೆಟ್ರೋಲ್-ಡೀಸೆಲ್ ದರಏರಿಕೆ.. ಕಾರು ಉದ್ಯಮಕ್ಕೆ ಎದುರಾಗಿರುವ ದೊಡ್ಡ ಸವಾಲುಗಳು ಎಂದು ಕೆಲವು ಪ್ರಶ್ನೆಗಳಿಗೆ ಉತ್ತರಿಸಿದರು.
ಕರ್ನಾಟಕದ 1000 ಮಂದಿ ಸೇರಿದಂತೆ 10 ಸಾವಿರ ಗ್ರಾಹಕರು ಹೊಸ ಕಾರಿಗೆ ಬೇಡಿಕೆ ಸಲ್ಲಿಸಿದ್ದಾರೆ. ಬೆಂಗಳೂರಿ ನಿಂದ 600 ಬೇಡಿಕೆ ಬಂದಿದೆ ಎಂದು `ಎಂಎಸ್‌ಐ~ನ ಪ್ರಾದೇಶಿಕ ವ್ಯವಸ್ಥಾಪಕ ವಿವೇಕ್ ಆನಂದ್ ವಿವರಿಸಿದರು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.