ಅಪರಾಧ ಹಿನ್ನೆಲೆ: ಸಂಸದೆಯನ್ನು ಪದಚ್ಯುತಗೊಳಿಸಿದ ಮತದಾರರು!
ಅಕ್ಷರ ಗಾತ್ರ :ಆ |ಆ |ಆ
ಲಂಡನ್‌:ಅಪರಾಧ ಹಿನ್ನೆಲೆ ಇರುವ ಕಾರಣ ಪೂರ್ವ ಇಂಗ್ಲೆಂಡ್‌ನ ಹಾಲಿ ಸಂಸದೆಯೊಬ್ಬರನ್ನು ಮತದಾರರು ಅಧಿಕಾರದಿಂದ ಕೆಳಗಿಳಿಸಿದ್ದಾರೆ.
ಚುನಾಯಿತ ಸದಸ್ಯರೊಬ್ಬರನ್ನು ವಾಪಸು ಕಳಿಸುವ ಪ್ರಕ್ರಿಯೆಯನ್ನು 2015ರಲ್ಲಿ ಜಾರಿಗೆ ತಂದ ನಂತರ, ಸಂಸತ್ ಸದಸ್ಯ ಸ್ಥಾನದಿಂದ ಸಂಸದರೊಬ್ಬರನ್ನು ಕೆಳಗಿಳಿಸಿದ ಮೊದಲ ಪ್ರಕರಣ ಇದಾಗಿದೆ.
ಅಪರಾಧ ಪ್ರಕರಣಕ್ಕೆ ಸಂಬಂಧಿಸಿ ಮೂರು ತಿಂಗಳು ಕಾಲ ಜೈಲುವಾಸ ಅನುಭವಿಸಿರುವ ಲೇಬರ್‌ ಪಾರ್ಟಿಯ 35 ವರ್ಷ ವಯಸ್ಸಿನ ಫಿಯೋನಾ ಒನಾಸನ್ಯ ಅವರು ಸದಸ್ಯತ್ವ ಕಳೆದುಕೊಂಡವರು. ಪೀಟರ್‌ಬೊರೊ ನಗರದ ಮತದಾರರು ಫಿಯೋನಾ ಅವರನ್ನು ಸದಸ್ಯತ್ವದಿಂದ ಹಿಂದಕ್ಕೆ ಕರೆಸಿಕೊಳ್ಳಬೇಕು ಎಂದು ಅರ್ಜಿ ಸಲ್ಲಿಸಿದ್ದರು.
ಲೇಬರ್‌ ಪಾರ್ಟಿಯಿಂದಲೂ ಅವರನ್ನು ಹೊರಹಾಕಲಾಗಿದೆ. ಈ ಕುರಿತು ಸಂಸತ್ತಿನಲ್ಲಿ ಬುಧವಾರ ರಾತ್ರಿ ಗೊತ್ತುವಳಿ ಮಂಡಿಸಲಾ
ಗಿತ್ತು. ನಂತರ ಈ ಸ್ಥಾನಕ್ಕೆ ಜೂನ್‌ 6 ರಂದು ಚುನಾವಣೆ ನಡೆಸಲು ಒಪ್ಪಿಗೆ ದೊರೆತಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
