ಸಂಡೂರು: ಸಂಡೂರು ಡಿಪೋದ 10 ನೂತನ ಬಸ್‌ಗಳಿಗೆ ಪುರಸಭೆ ಬಸ್ ನಿಲ್ದಾಣದ ಆವರಣದಲ್ಲಿ ತಹಶೀಲ್ದಾರ್ ಅನಿಲ್ ಕುಮಾರ್ ಶುಕ್ರವಾರ ಚಾಲನೆ ನೀಡಿದರು.
ಘಟಕ ವ್ಯವಸ್ಥಾಪಕ ಶಂಕರ್ ಬಿ.ಕೆ ಮಾತನಾಡಿ, ಕೆಕೆಆರ್‌ಡಿಬಿಯ ₹4 ಕೋಟಿ ಅನುದಾನದಲ್ಲಿ 10 ಬಸ್ ಖರೀದಿಸಲಾಗಿದೆ. ಸಂಡೂರಿನಿಂದ ಹೊಸಪೇಟೆ, ಕೂಡ್ಲಿಗಿ ಹಾಗೂ ಬಳ್ಳಾರಿಗೆ ಹಾಗೂ ಆದ್ಯತೆ ಮೇರೆಗೆ ಹಳ್ಳಿಗಳಿಗೆ ಬಸ್‌ಗಳು ಸಂಚರಿಸಲಿವೆ ಎಂದು ತಿಳಿಸಿದರು.
ಕೆಕೆಆರ್‌ಟಿಸಿ ವಿಭಾಗೀಯ ನಿಯಂತ್ರಣಾಧಿಕಾರಿ ಇನಾಯತ್ ಬಾಗ್ಬಾನ್, ವಿಭಾಗೀಯ ಸಂಚಾರ ಅಧಿಕಾರಿ ಚಾಮರಾಜ್, ಸಿಪಿಐ ಮಹೇಶ್ ಗೌಡ, ಶಾಸಕರ ಆಪ್ತ ಕಾರ್ಯದರ್ಶಿಗಳಾದ ಆರ್.ಧನಂಜಯ, ಶ್ರೀಕಂಠ ಹಿರೇಮಠ, ಪುರಸಭೆ ಮಾಜಿ ಅಧ್ಯಕ್ಷೆ ಆಶಾಲತಾ ಸೋಮಪ್ಪ, ಸದಸ್ಯರಾದ ಶಿವಕುಮಾರ್, ಅಶೋಕ್, ಮುಖಂಡರಾದ ಕೆ.ಸತ್ಯಪ್ಪ, ಬಸವರಾಜ್ ಇದ್ದರು.
