‘ಇತರೆ ವಿಷಯಗಳಿಗಿಂತ ಗಣಿತ ಶಿಕ್ಷಕರು ಹೆಚ್ಚು ಪರಿಶ್ರಮ, ಪಾಠ ಬೋಧನೆ ಮಾಡಿದರೂ ಪ್ರತಿ ವರ್ಷ ಫಲಿತಾಂಶ ತೃಪ್ತಿದಾಯಕವಾಗಿ ಬರುತ್ತಿಲ್ಲ. ಹೀಗಾಗಿ ಪ್ರಶ್ನೆ ಪತ್ರಿಕೆಯ ಮಾದರಿ ಬದಲಿಸಬೇಕು. ವಿಜ್ಞಾನ ಮತ್ತು ಸಮಾಜ ವಿಷಯದಲ್ಲಿ ಬಹು ಆಯ್ಕೆಯ 10, ಹೊಂದಿಸಿ ಬರೆಯಿರಿ 4, ಒಂದು ಅಂಕಗಳ ಏಳು ಪ್ರಶ್ನೆಗಳು ಸೇರಿದಂತೆ ಒಟ್ಟು 21 ಅಂಕಗಳ ಪ್ರಶ್ನೆಗಳಿರುತ್ತವೆ. ಆದರೆ, ಗಣಿತದಲ್ಲಿ ಬಹು ಆಯ್ಕೆಯ ಎಂಟು, ಒಂದು ಅಂಕದ ಆರು ಪ್ರಶ್ನೆಗಳಷ್ಟೇ ಇರುತ್ತವೆ. ಹೀಗಾಗಿ ಈ ಪದ್ಧತಿ ಬದಲಿಸುವ ಅಗತ್ಯವಿದೆ’ ಎಂದು ಅಭಿಪ್ರಾಯಪಟ್ಟಿದ್ದಾರೆ.